រាជធានីភ្នំពេញ ៖ កាលពីព្រឹកថ្ងៃទី១១ ឧសភា ២០១១ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគារស្ថាប័នប្រឆាំងអំពើពុករលួយ លោកឱម យ៉ិនទៀង ប្រធានអង្គភាពប្រឆាំងអំពើពុកលរួយបានថ្លែងថា មានមន្ត្រីរាជការសរុបចំនួន២៤.៨៣៧នាក់ បានមកប្រកាសទ្រព្យសម្បត្តិនៅស្ថាប័នប្រឆាំងអំពើពុករលួយក្នុងខែមេសា ឆ្នាំ២០១១
រាជធានីភ្នំពេញ ៖ កាលពីព្រឹកថ្ងៃទី១១ ឧសភា ២០១១ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគារស្ថាប័នប្រឆាំងអំពើពុករលួយ លោកឱម យ៉ិនទៀង ប្រធានអង្គភាពប្រឆាំងអំពើពុកលរួយបានថ្លែងថា មានមន្ត្រីរាជការសរុបចំនួន២៤.៨៣៧នាក់ បានមកប្រកាសទ្រព្យសម្បត្តិនៅស្ថាប័នប្រឆាំងអំពើពុករលួយក្នុងខែមេសា ឆ្នាំ២០១១ ហើយនៅសល់ចំនួន៣៧០នាក់ទៀតមិនទាន់ប្រកាសទ្រព្យសម្បត្តិ ។
លោកឱម យ៉ិនទៀង បន្តទៀតថា អគារនេះជួសជុលអស់ទឹកប្រាក់៦០ម៉ឺនដុល្លារអាមេរិក ដោយប្រើរយៈពេលជាង៦ខែ ។ លោកឧបនាយករដ្ឋមន្ត្រីសុខ អាន ដែលជាអធិបតីភាពក្នុងពិធីសម្ពោធអគារស្ថាប័នប្រឆាំងអំពើពុករលួយបានមានប្រសាសន៍ថា ការប្រឆាំងអំពើពុករលួយត្រូវមានការចូលរួមទាំងអស់គ្នា ហើយមិនមែនតែស្ថាប័នប្រឆាំងអំពើពុករលួយតែម្នាក់ឯងអាចធ្វើបានទេ ។ លោកឧបនាយករដ្ឋមន្ត្រីបន្តថា នៅលើពិភពលោកប្រទេសណាក៏មានអំពើពុករលួយដែរ តែអំពើពុករលួយមានកម្រិតខុសគ្នា ។ កិច្ចប្រឆាំងអំពើពុករលួយគឺជាយុទ្ធសាស្ត្រមួយក្នុងចំណោមយុទ្ធសាស្ត្រអភិវឌ្ឍន៍ប្រទេសរបស់រាជរដ្ឋាភិបាលកម្ពុជា ៕
ចែករំលែកព័តមាននេះ