សាក្សីទាំងឡាយរាយការណ៍ថា បណ្តាមីស៊ីលរបស់អូតង់បានវាយប្រហារមកលើគោលដៅជាច្រើនក្នុងទីក្រុងទ្រីប៉ូលី ដែលក្នុងនោះហាក់ដូចជាមានប្លុកអគារនិវេសនដ្ឋានរបស់លោកមូអាម៉ា កាដាហ្វី ផងដែរ។
មេដឹកនាំលីប៊ីរូបនេះបានបាត់មុខមិនឃើញបង្ហាញខ្លួនជាសាធារណៈចាប់តាំងពីថ្ងៃទី៣០ មេសា មក ក្រោយការវាយឆ្មក់តាមអាកាសមួយសំដៅលើអគារនៃប្លុកនិវេសនដ្ឋាន BAB AL AZIZIAH របស់លោកដោយសម្លាប់កូនប្រុសពៅអាយុ២៩ឆ្នាំរបស់លោក និងចៅ៣នាក់ទៀត។
អាជ្ញាធរលីប៊ីកាលពីថ្ងៃទី១០ ឧសភា បានបង្ហាញដល់បណ្តាអ្នកកាសែតបរទេសនៅក្រុងទ្រីប៉ូលីនូវមន្ទីរពេទ្យមួយដែលរងការខូចខាត ដោយសារការវាយប្រហាររបស់អូតង់ដែលការវាយប្រហារទាំងនេះបានកំទេចប៉មទូរគមនាគមន៍មួយ។ បណ្តាអ្នកកាសែតក៏ត្រូវនាំទៅកាន់អគារមួយដែលរងការបំផ្លាញទាំងស្រុងដែលអគារនេះបើតាមអាជ្ញាធរលីប៊ីថា ជាទីតាំងរបស់ស្នងការជាន់ខ្ពស់សំរាប់កុមារ។ អគារនេះធ្លាប់រងការខូចខាតរួចហើយកាលពីដំណាច់ខែមេសា។ សាក្សីម្នាក់និយាយថា ប្លុកអគារដែលលោកកាដាហ្វីរស់នៅអាចរងគ្រាប់មីសីុល។
ម្យ៉ាងវិញទៀតការប្រយុទ្ធគ្នានានាមានការកើនឡើងក្នុងតំបន់ DJEBEL NEFOUSSA ជាតំបន់ភ្នំមួយនៅភាគខាងលិចលីប៊ី ៕
ចែករំលែកព័តមាននេះ