ខេត្តឧត្តរមានជ័យ ៖ អំពើហិ.ង្សាមួយបង្កឡើងដោយជន២ក្រុម ផឹកស៊ីប្រើពាក្យសំដីឌឺដងដាក់គ្នា ភាគីអ្នកចាញ់២នាក់ចូលពេទ្យ ចំណែកអ្នកឈ្នះសមត្ថកិច្ចតាមចាប់ខ្លួនបានម្នាក់ ដែលហេតុការណ៍នោះបានកើតឡើង កាលពីយប់ថ្ងៃទី៤ ខែសីហា ឆ្នាំ២០២៣…
ខេត្តឧត្តរមានជ័យ ៖ អំពើហិ.ង្សាមួយបង្កឡើងដោយជន២ក្រុម ផឹកស៊ីប្រើពាក្យសំដីឌឺដងដាក់គ្នា ភាគីអ្នកចាញ់២នាក់ចូលពេទ្យ ចំណែកអ្នកឈ្នះសមត្ថកិច្ចតាមចាប់ខ្លួនបានម្នាក់ ដែលហេតុការណ៍នោះបានកើតឡើង កាលពីយប់ថ្ងៃទី៤ ខែសីហា ឆ្នាំ២០២៣ នៅលើសាបមាត់ស្រះ មុខប្រាសាទ វត្តត្រពាំងប្រាសាទ ឃុំបាក់ អន្លូង ស្រុកត្រពាំងប្រាសាទ ខេត្តឧត្តរមានជ័យ ។
ចំពោះភាគីខាងរងរបួសបញ្ជាក់ថា អំពើហិ.ង្សានោះបង្កឡើងដោយជនសង្ស័យមួយក្រុមមានគ្នា៣ នាក់ ៖
១.ឈ្មោះ ប៉េង ព្រំ ភេទប្រុស អាយុ២៤ ឆ្នាំ
២.ឈ្មោះ ប៉េង ព្រួញ ភេទប្រុស អាយុ៣១ឆ្នាំ
៣.ឈ្មោះ ស៊ន ធួន ហៅ ខ្លី ភេទប្រុស អាយុ២០ឆ្នាំ ពួកគេមានមុខរបរ ជាកម្មករ រស់នៅភូមិត្រពាំងប្រិយ៍ ឃុំបាក់អន្លូង ស្រុកត្រពាំងប្រាសាទ ខេត្តឧត្តរមានជ័យ ។ នៅយប់ថ្ងៃកើតហេតុដំបូងភាគីខាងរងរបួសមានគ្នាមួយក្រុមបានទៅអង្គុយផឹកស៊ីនៅលើសាបមាត់ស្រះ មុខប្រាសាទ វត្តត្រពាំងប្រាសាទ ពេលនោះក៏មានជនបង្កមួយក្រុមទៀតក្នុងដៃដោយកាន់ដាវ ដែលក្រុមទាំង២បានប្រើពាក្យសំដីឌឺដង ផ្លែផ្កាដាក់គ្នា ទើបពេលនោះក្រុមដែលមានគ្នា៣នាក់ ស្ទុះទៅកា.ប់លើក្រុមម្ខាងទៀត ដែលកំពុងអង្គុយផឹកស៊ីនៅលើសាបមាត់ស្រះមុខប្រាសាទ វត្តត្រពាំងប្រាសាទ បណ្ដាលឲ្យរងរបួសធ្ងន់២នាក់ គឺម្នាក់ឈ្មោះ ចន នី ភេទប្រុស អាយុ១៩ឆ្នាំ និងម្នាក់ឈ្មោះ ជា មករា ភេទប្រុស អាយុ២៤ឆ្នាំ រស់នៅភូមិឃុំ.ស្រុកត្រពាំងប្រាសាទ ខេត្តឧត្តមានជ័យ ។
ជនរងគ្រោះទាំង២នាក់ ត្រូវបានក្រុមគ្រួសារនាំយកទៅសង្គ្រោះនៅមន្ទីរពេទ្យអន្លង់វែងបន្ទាន់ផងដែរ ។ ចំណែកភាគីដែលថា ជាជនបង្ក ភ្លាមនោះសមត្ថកិច្ចតាមប្រមាញ់ឃាត់ខ្លួនបានម្នាក់ និងដកហូតដាវ១ ដើមក៏បញ្ជូនទៅកាន់អធិការដ្ឋាននគរបាលស្រុកត្រពាំងប្រាសាទ ដើម្បីសាកសួរបំភ្លឺជំវិញករណីប្រើអំពើហិ.ង្សានោះ ។
នេះជារឿងផឹកស៊ីប្រើពាក្យសំដីឌឺដងដាក់គ្នា អ្នកចាញ់ចូលពេទ្យ អ្នកឈ្នះមានត្រឹមដេកគុកជាក្រឹត្យក្រមបទល្មើសព្រហ្មទណ្ឌ បានកំណត់ ៕
ចែករំលែកព័តមាននេះ