រាជធានីភ្នំពេញ ៖ កាលពីថ្ងៃទី២ ខែសីហា ឆ្នាំ២០២៣ កម្លាំងសមត្ថកិច្ចនគរបាលជំនាញការិយាល័យព្រហ្មទណ្ឌកម្រិតស្រាលរាជធានីភ្នំពេញ បានស្រាវជ្រាវ និងធ្វើការឃាត់ខ្លួនជនសង្ស័យជាបន្តបន្ទាប់២នាក់ នៅចំណុចផ្សារ៧មករា សង្កាត់ផ្សារដេប៉ូ៣…
រាជធានីភ្នំពេញ ៖ កាលពីថ្ងៃទី២ ខែសីហា ឆ្នាំ២០២៣ កម្លាំងសមត្ថកិច្ចនគរបាលជំនាញការិយាល័យព្រហ្មទណ្ឌកម្រិតស្រាលរាជធានីភ្នំពេញ បានស្រាវជ្រាវ និងធ្វើការឃាត់ខ្លួនជនសង្ស័យជាបន្តបន្ទាប់២នាក់ នៅចំណុចផ្សារ៧មករា សង្កាត់ផ្សារដេប៉ូ៣ ខណ្ឌទួលគោក ពាក់ពន្ធករណីលួច (លួចទូរស័ព្ទដៃ ប្រព្រឹត្តនៅចំណុចផ្លូវដើរមុខបន្ទប់រៀនអគារB ក្នុងបរិវេណសកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ផ្លូវព្រះមុន្នីវង្ស ភូមិ១៣ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ជនសង្ស័យទាំង២នាក់ ម្នាក់ឈ្មោះ ណន ប៊ុនច័ន្ទមិនា ហៅពេជ្រ ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅផ្ទះលេខ២១ ផ្លូវលេខ៦១២ ភូមិ២៣ សង្កាត់បឹងកក់២ ខណ្ឌទួលគោក និងម្នាក់ឈ្មោះ ស្រី សុខហេង ហៅ ចយ ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវលេខ៦១២ ភូមិ២៣ សង្កាត់បឹងកក់២ ខណ្ឌទួលគោក រាជធានីភ្នំពេញ ។
លោកវរៈសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកម្រិតរាជធានីភ្នំពេញបានឲ្យដឹងថា កាលពីថ្ងៃទី១៧ ខែកក្កដា ឆ្នាំ២០២៣ វេលាម៉ោង៩ និង១០នាទីព្រឹក មានករណីចោរចូលលួចទូរសព្ទ័ដៃម៉ាកអាយហ្វូន១១ប្រូម៉េក ពណ៌មាស១គ្រឿង នៅផ្លូវដើរមុខបន្ទប់រៀនអគារបេនៃសកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ផ្លូវព្រះមុន្នីវង្ស សង្កាត់ទន្លេបាសា ក់ ខណ្ឌចំការមន ពីជនរងគ្រោះឈ្មោះ ខា លីមប៉ូ ភេទស្រី អាយុ១៩ឆ្នាំ ជានិស្សិតរៀននៅសាលាច្បាប់ខាងលើនេះ បង្កឡើងដោយជនសង្ស័យ២នាក់ ដែលពួកគេស្លៀកសំលៀកបំពាក់ឯកសណ្ឋានបន្លំធ្វើជានិស្សិតសកលវិទ្យាល័យបានសម្រេច ។
បន្ទាប់ពីមានករណីចោរចូលលួចទូរស័ព្ទដៃរបស់និស្សិតម្នាក់នៅក្នុងបរិវេណសកលវិទ្យាល័យនោះមកជនរងគ្រោះក៏បានទៅដាក់ពាក្យបណ្តឹងនៅសមត្ថកិច្ច ហើយសមត្ថកិច្ចបានសហការជាមួយថ្នាក់គ្រប់គ្រងសាលាខាងលើបើកការស៊ើបអង្កេតតាមរយៈកាមេរ៉ាសុវត្ថិភាព ក៏ឃើញមុខសញ្ញាគួឲ្យសង្ស័យ២ នាក់ ក្លែងបន្លំឯកណ្ឋានសិស្សដែលមិនមែនជានិស្សិតរៀននៅសាលាច្បាប់នោះទើបសមត្ថកិច្ចបន្តការស្រាវជ្រាវរយៈពេលជាងកន្លះខែ ក្រោយមកក៏ឈានដល់ការឃាត់ខ្លួនជនសង្ស័យទាំង២នាក់ យកទៅសាកសួរ ។
នៅចំពោះ ជនសង្ស័យទាំង២នាក់ ក៏បានសារភាពប្រហាក់ប្រហែលគ្នាថា មុនធ្វើសកម្មភាពពួកគេបានទិញសម្លៀកបំពាក់ធ្វើដូចជានិស្សិត ហើយក៏ជិះម៉ូតូកង់បីចេញពីផ្ទះនៅសង្កាត់បឹងកក់២ ខណ្ឌទួលគោក ធ្វើដំណើរឆ្ពោះទៅសកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ ក្នុងគោលបំណងប្រាកដណាស់ ទៅបន្លំលួចទ្រព្យសម្បត្តិរបស់និស្សិតដែលរៀននៅទីនោះ ។
លុះជិះម៉ូតូកង់បីទៅដល់មុខសាលាពួកគេបានដើរចូលទៅអគារបេ ពេលនោះក៏ឃើញនិស្សិតស្ត្រីម្នាក់កំពុងដើរលើផ្លូវមុខបន្ទប់រៀន ដោយមានស្ពាយកាបូបនៅខាងក្រោយ ឃើញដូច្នោះគេ (ឈ្មោះ ស្រី សុខហេង ហៅចយ)បានដើរទៅពីមុខនិស្សិតយឺតៗ ហើយបក្ខពួក(ឈ្មោះ ណន ប៊ុនច័ន្ទមិនា ហៅពេជ្រ)បានដើរតាមពីក្រោយ ហើយយកដៃទាញខ្សែរូតកាបូបស្ពាយរបស់និស្សិតនោះថ្នមៗធ្វើសកម្មភាពលួចយកទូរសព្ទ័ដៃម៉ាកអាយហ្វូន១១ ប្រូម៉េក ពណ៌មាស១គ្រឿងបានសម្រេច រួចនាំគ្នាគេចខ្លួនតែម្តងទៅ ។
ដោយយោងទៅលើពាក្យបណ្តឹង និងចម្លើយសារភាពរបស់ជនសង្ស័យពាក់ព័ន្ធអំពើលួច(លួចដោយមានស្ថានទម្ងន់ទោស)សមត្តកិច្ចបានកសាងសំណុំរឿង បញ្ជូនជសង្ស័យទៅកាន់សាលាដំបូងរាជធានីភ្នំពេញ តាមនីតិវិធី ៕
ចែករំលែកព័តមាននេះ