ពួកកូនៗរបស់អូសាម៉ា ប៊ីនឡាដេន បានគំរាមប្តឹងប្រធានាធិបតីអាេមរិកលោកបារ៉ាក់ អូបាម៉ា ទៅតុលាការពីបទទទួលខុសត្រូវលើការសម្លា.ប់ឪពុករបស់ពួកគេ កាលពីថ្ងៃទី២ ឧសភា កន្លងមកនេះ ហើយយល់ថា ជាការពុំអាចទទួលយកបាន និងជារឿងអាម៉ាស់ដែលយកសាកសពឪពុកពួកគេទៅទម្លាក់ចោលក្នុង ទឹកសមុទ្រ ។ ពួកកូនៗប៊ីនឡាដេនបានគំរាមប្តឹងបែបនេះ ក្នុងសារមួយចេញផ្សាយកាលពីថ្ងៃទី១០ ឧសភា ដោយអីុនធើរណេតអ៊ិស្លាមមួយ។
ពួកកូនៗរបស់អូសាម៉ា ប៊ីនឡាដេន បានគំរាមប្តឹងប្រធានាធិបតីអាេមរិកលោកបារ៉ាក់ អូបាម៉ា ទៅតុលាការពីបទទទួលខុសត្រូវលើការសម្លាប់ឪពុករបស់ពួកគេកាលពីថ្ងៃទី២ ឧសភា កន្លងមកនេះ ហើយយល់ថា ជាការពុំអាចទទួលយកបាន និងជារឿងអាម៉ាស់ដែលយកសាកសពឪពុកពួកគេទៅទម្លាក់ចោលក្នុងទឹកសមុទ្រ ។ ពួកកូនៗប៊ីនឡាដេនបានគំរាមប្តឹងបែបនេះ ក្នុងសារមួយចេញផ្សាយកាលពីថ្ងៃទី១០ ឧសភា ដោយអីុនធើរណេតអ៊ិស្លាមមួយ។
សារនោះដែលចុះហត្ថលេខាដោយអូម៉ារ ប៊ីន អូសាម៉ា ប៊ីនឡាដេន ក្នុងនាមបងប្អូនគេជាច្រើននាក់សរសេរថា វាអយុត្តិធម៌ ហើយមិនអាចទទួលយកបានខាងសាសនាក់ដែលយកសាកសពរបស់មនុស្សកម្រិតខ្ពស់នេះទម្លាក់ចូលក្នុងទឹកសមុទ្រ ។ វាជាការអាម៉ាស់សម្រាប់គ្រួសារ និងមនុស្សទាំងឡាយដែលដើរតាមគាត់ ហើយធ្វើឱ្យប៉ះពាល់ដល់អារម្មណ៍របស់ពួកអ៊ិស្លាម ជាច្រើនរយលាននាក់ ។ ក្នុងឋានៈជាកូនប្រុសរបស់អូសាម៉ា ប៊ីនឡាដេនយើងសូមរក្សាសិទ្ធិប្តឹងចំពោះបណ្តាអ្នកទទួលខុសត្រូវលើឧក្រិដ្ឋកម្មនេះចំពោះតុលាការអាេមរិក និងតុលាការអន្តរជាតិ។
ដោយបរិហារប្រតិបត្តិការកុំម៉ង់ដូអាមេរិក ថា ធ្វើជាមួយបំណងសម្លាប់ ហើយពុំមែនចាប់ខ្លួនអូសាម៉ា ប៊ីនឡាដេន នៅបា៉គីស្ថានកូនប្រុសរបស់ប៊ីនឡាដេនរូបនេះគូសបញ្ជាក់ថា ទាំងប្រធានាធិបតីអាមេរិក ទាំងរដ្ឋាភិបាលរបស់លោកពុំបានបង្ហាញភស្តុតាងគ្រប់គ្រាន់ លើការស្លាប់របស់ឪពុកគេឡើយ ។ អាជ្ញាធរអ៊ិស្លាមជាន់ខ្ពស់ទាំងឡាយបានវិនិច្ឆ័យថា វាពុំសមស្របទៅនឹងសាសនាអ៊ិស្លាមការសម្រេចចិត្តរបស់អាមេរិកទម្លាក់សពប៊ីនឡាដេនចូលទៅក្នុងទឹកសមុទ្រដោយក្រុងវ៉ាស៊ីនតោនថា បើយកសពប៊ីនឡាដេនទៅកប់ នោះផ្នូររបស់គេអាចក្លាយទៅជាកន្លែងគោរពបូជាសម្រាប់ការធ្វើធម្មយាត្រារបស់ពួកអ៊ិស្លាម ៕
ចែករំលែកព័តមាននេះ