ភាគហ៊ុនបច្ចេកវិទ្យាធ្លាក់ចុះ ខណៈចិនពិចារណាដាក់កម្រិតលើការប្រើស្មាតហ្វូនរបស់កុមារ
ចិន ៖ ភាគហ៊ុនលើវិស័យបច្ចេកវិទ្យារបស់ចិនបានធ្លាក់ចុះ បន្ទាប់ពីនិយតករអ៊ីនធឺណេតរបស់
ចិន ៖ ភាគហ៊ុនលើវិស័យបច្ចេកវិទ្យារបស់ចិនបានធ្លាក់ចុះ បន្ទាប់ពីនិយតករអ៊ីនធឺណេតរបស់
ចិន ៖ ភាគហ៊ុនលើវិស័យបច្ចេកវិទ្យារបស់ចិនបានធ្លាក់ចុះ បន្ទាប់ពីនិយតករអ៊ីនធឺណេតរបស់ប្រទេសនេះ បានផ្តល់អនុសាសន៍ឱ្យដាក់កម្រិតរយៈពេលលើការប្រើស្មាតហ្វូនរបស់កុមារ ដែលមានអាយុក្រោម១៨ឆ្នាំ។
ភាគហ៊ុនរបស់ក្រុមហ៊ុនយក្សដូចជា Alibaba និង Bilibili បានធ្លាក់ចុះកាលពីថ្ងៃទី០២ ខែសីហា ឆ្នាំ ២០២៣ កន្លងទៅ ហើយបានរកឃើញការខាតបង់កាន់តែច្រើននៅព្រឹកថ្ងៃបន្ទាប់។ ច្បាប់ដែលបានស្នើនឹងឃើញថា កុមារត្រូវបានអនុញ្ញាតឱ្យប្រើទូរស័ព្ទរបស់ពួកគេបានរយៈពេលអតិបរមា២ម៉ោងក្នុងមួយថ្ងៃ។ វាបានកើតឡើង៤ឆ្នាំ បន្ទាប់ពីកុមារនៅក្នុងប្រទេសសេដ្ឋកិច្ចធំលំដាប់ទីពីររបស់ពិភពលោកមួយនេះ ត្រូវបានទទួលរងនូវការរឹតបន្តឹងលើការលេងហ្គេម។
ច្បាប់ដែលស្នើឡើងដោយអង្គភាព Cyberspace Administration of China ដែលហៅកាត់ថា CAC ក៏នឹងបានឃើញកុមារត្រូវបានហាមឃាត់មិនឱ្យចូលប្រើអ៊ីនធឺណិត នៅលើឧបករណ៍ចល័តចាប់ពីម៉ោង ១០:០០នាទីយប់ ដល់ម៉ោង ០៦:០០នាទីព្រឹក។ សំណើរបស់ CAC តម្រូវឱ្យអ្នកលេងក្នុងឧស្សាហកម្ម រួមទាំងក្រុមហ៊ុនផលិតឧបករណ៍ទូរសព្ទចល័ត កម្មវិធី និងហាងលក់កម្មវិធី ដើម្បីបង្កើតមុខងារមួយហៅថា «របៀបប្រើប្រាស់តិចតួច» ដើម្បីកំណត់កម្រិតប្រើប្រាស់ ដែលប្រែប្រួលតាមអាយុ។ ខណៈពេលដែលកុមារដែលមានអាយុចន្លោះពី ១៦ ទៅ ១៨ឆ្នាំ នឹងត្រូវបានអនុញ្ញាតឱ្យប្រើប្រាស់រយៈពេលត្រឹម២ម៉ោងក្នុងមួយថ្ងៃប៉ុណ្ណោះ កុមារដែលមានអាយុក្រោម៨ឆ្នាំ នឹងត្រូវបានបែងចែកត្រឹមតែ៨នាទីក្នុងមួយថ្ងៃប៉ុណ្ណោះ។ ស្របពេលបច្ចុប្បន្ន សំណើនេះបានបើកចំហចំពោះមតិសាធារណៈ។
បណ្តាក្រុមហ៊ុនបច្ចេកវិទ្យាយក្សទំនងជានឹងទទួលខុសត្រូវចំពោះការអនុវត្តច្បាប់ ដូចជារបៀបដែលធ្វើការជាមួយនឹងការរឹតបន្តឹងលើកម្មវិធីហ្គេម។ ជាក់ស្តែង ភាគហ៊ុនរបស់ក្រុមហ៊ុន Alibaba បានធ្លាក់ចុះជាង ៣% នៅហុងកុង កាលពីថ្ងៃទី០២ ខែសីហា កន្លងទៅ ស្របពេលដែល Bilibili បានធ្លាក់ចុះជិត ៧% ឯណោះ។ នៅពាក់កណ្តាលថ្ងៃទី០៣ ខែសីហា ភាគហ៊ុន Alibaba កំពុងជួញដូរទាបជាង ២% ខណៈពេលដែល Bilibili ធ្លាក់ចុះ ០.៥% ។
ប្រទេសចិនបានអនុវត្តបទប្បញ្ញត្តិជាច្រើន ដើម្បីទប់ស្កាត់ការញៀនវីដេអូហ្គេម ដែលមន្ត្រីបាននិយាយថា ប៉ះពាល់ដល់សុខភាពកុមារ។ នៅក្នុងខែវិច្ឆិកា ឆ្នាំ ២០១៩ ប្រទេសនេះ បានដាក់បម្រាមគោចរលើការលេងហ្គេមអនឡាញសម្រាប់អនីតិជន។ អ្នកលេងហ្គេមដែលមានអាយុក្រោម១៨ឆ្នាំ ត្រូវបានហាមប្រាមមិនឱ្យលេងអនឡាញចន្លោះម៉ោង ១០:០០នាទីយប់ ដល់ម៉ោង ០៨:០០នាទីព្រឹក។ ជាមួយគ្នានោះ ពួកគេក៏ត្រូវបានដាក់កម្រិតលើការលេងហ្គេមរយៈពេល៩០នាទី នៅថ្ងៃធ្វើការ និង៣ម៉ោង នៅចុងសប្តាហ៍ និងថ្ងៃឈប់សម្រាក។
ជិតពីរឆ្នាំក្រោយមក អាជ្ញាធរបានហាមកុមារមិនឱ្យលេងហ្គេមលើស៣ម៉ោងក្នុងមួយសប្តាហ៍ ដោយប្រព័ន្ធផ្សព្វផ្សាយរដ្ឋមួយបានដាក់ស្លាកហ្គេមអនឡាញថាជា «អាភៀនខាងវិញ្ញាណ»។ បទប្បញ្ញត្តិនេះ បានប៉ះពាល់យ៉ាងខ្លាំងដល់ក្រុមហ៊ុនបច្ចេកវិទ្យាចិន ហើយការកើនឡើងបទប្បញ្ញត្តិនៃឧស្សាហកម្មនេះ បានជួយសហរដ្ឋអាមេរិកវ៉ាដាច់ប្រទេសចិនដែលជាទីផ្សារហ្គេមដ៏ធំបំផុតរបស់ពិភពលោកដោយប្រាក់ចំណូល។ នេះបើយោងតាមក្រុមហ៊ុនស្រាវជ្រាវ Newzoo បានចេញផ្សាយ៕ (ប្រភពពី BBC)
ចែករំលែកព័តមាននេះ