បុរសម្នាក់បានទិញកាំបិ.តចុងស្រួច រួចមកពួនស្ទាក់លួ.ចចា.ក់សម្លា.ប់គូរកំណាន់ពីក្រោយ បណ្តាលឲ្យរបួសធ្ងន់ បង្កឱ្យមានការភ្ញាក់ផ្អើល
ខេត្តកែប ៖ បើតាមសេចក្តីរាយការណ៍បានឱ្យដឹងថា បុរសម្នាក់បានទិញកាំបិ.តចុងស្រួច រួចមកពួនស្ទាក់លួ.ចចា.ក់សម្លា.ប់គូរកំណាន់ពីក្រោយ បណ្តាលឲ្យរបួសធ្ងន់ បង្កឱ្យមានការភ្ញាក់ផ្អើលកាលពីវេលាម៉ោង៧កន្លះយប់ ថ្ងៃទី១ ខែសីហា ឆ្នាំ២០២៣ នៅចំណុចផ្លូវលេខ៣៣A ទល់មុខផែចាស់ ស្ថិតនៅក្នុងភូមិកែប សង្កាត់កែប ក្រុងកែប ខេត្តកែប។ ខណៈពេលចា.ក់គូរកំណាន់រួច ជនសង្ស័យរូបនេះបានជិះម៉ូតូចូលទៅសារភាពនៅស្នងការដ្ឋាននគរបាលខេត្តកែបតែម្តង ដើម្បីទទួលខុសត្រូវចំពោះមុខច្បាប់ បើគង់តែរត់មិនអាចរួចខ្លួនដដែល។
សេចក្តីរាយការណ៍បន្តថា ជនសង្ស័យខាងលើនេះមានឈ្មោះ ម៉ៅ ពិសី ភេទប្រុស អាយុ៣៧ឆ្នាំ មុខរបរលាងម៉ូតូ មានទីលំនៅភូមិព្រែក សង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ ។ ចំណែកជនរងគ្រោះជាគូរកំណាន់ចិត្តឈ្មោះ ខៀវ ផាន់ណា ភេទស្រី អាយុ៣៤ឆ្នាំ មុខរបរកសិករ ស្នាក់នៅភូមិកែប សង្កាត់កែប ក្រុងកែប ខេត្តកែប។
បើតាមចម្លើយសារភាពរបស់ជនសង្ស័យនៅចំពោះមុខសមត្ថកិច្ចបានបញ្ជាក់ប្រាប់ឱ្យដឹងថា កាលពីរសៀលថ្ងទី១ ខែសីហា ឆ្នាំ២០២៣ ខ្លួនបានជិះម៉ូតូ១គ្រឿងចេញពីផ្ទះតែម្នាក់ឯង ទៅ ដល់ផ្សារបឹងត្របែក ក៏ចូលទិញកូនកាំបិ.តមុខស្រួចមួយ រួចបានដាក់តាមខ្លួន ក្នុងគោលបំណងយកទៅចា.ក់គូរកំណាន់ចិត្តឲ្យស្លា.ប់។
ជនសង្ស័យសារភាពបន្តថា លុះពេលទិញកាំបិ.តរួចហើយ ខ្លួនក៏ជិះម៉ូតូចេញទៅ ហើយពេលទៅដល់ក្រុងកែប នៅវេលាម៉ោ៥ជាងល្ងាចបន្តិច ខ្លួនក៏ចូលផឹកកាហ្វេនៅស្ថានីយប្រេងមួយកន្លែង នៅទល់មុខមន្ទីរពេទ្យបង្អែកខេត្ត។ រហូតដល់ម៉ោង៦ជាងយប់ ខ្លួនក៏ជិះម៉ូតូចេញទៅឃ្លាំមើលគូរកំណាន់ចិត្តនៅខាងកើតសាលាសង្កាត់កែប ចម្ងាយប្រហែល៥០ម៉ែត្រ ដើម្បីចាំមើលផ្លូវគូស្នេហ៍បណ្តូលចិត្ត លុះរហូតដល់ម៉ោង៧និង២០នាទីយប់ ខ្លួនក៏ឃើញស្រីស្នេហ៍ជិះម៉ូតូចេញពីផ្ទះម្នាក់ឯង ដោយមិនដឹងថា តើគោលដៅនាងទៅណានោះទេ?។
ជនសង្ស័យសារភាពទៀតថា ដោយឃើញដូច្នោះ ខ្លួនក៏ជិះម៉ូតូតាមពីក្រោយតិចៗ លុះដល់កន្លែងកើតហេតុ ខ្លួនក៏បើកម៉ូតូយ៉ាងលឿនទៅទន្ទឹមនឹងម៉ូតូរបស់នាង (ជនរងគ្រោះ)។ បន្ទាប់មកខ្លួនក៏មិនបាននិយាយស្តីអ្វីឡើយ ហើយក៏ដកយកកូនកាំបិ.តមុខស្រួចចា.ក់ទៅលើគូរកំណាន់ត្រូវចំពីក្រោយខាងឆ្វេងមួយកាំបិ.ត បណ្ដាលឲ្យរងរបួសជាទម្ងន់តែម្តង។
ជនសង្ស័យបន្តទៀតថា ក្រោយពីធ្វើសកម្មភាពរួច រូបគេក៏ជិះម៉ូតូចូលទៅស្នងការដ្ឋាននគរបាលខេត្តកែប ដើម្បីសារភាពនូវទង្វើដែលគេបានប្រព្រឹត្ត ចំណែកជនរងគ្រោះវិញ ក៏ត្រូវបានដឹកទៅសង្គ្រោះបន្ទាន់នៅមន្ទីរពេទ្យបង្អែកខេត្តកំពត។
នៅចំពោះមុខសមត្សកិច្ចជនបង្ករូបបានសារភាពថា មូលហេតុដែលបណ្តាលឲ្យរូបគេដាច់ចិត្តលើកដៃចា.ក់ប្រ.ហារគូរកំណាន់នេះ ព្រោះរឿងតែមួយគត់ គឺ «ភ្លើងប្រចណ្ឌ»។ ដោយសារជនសង្ស័យ និងជនរងគ្រោះមានទំនាស់ពាក្យសម្តីនឹងគ្នា និងឆាតឈ្លោះគ្នាតាមទូរស័ព្ទរយៈពេល៣ថ្ងៃមុន ដែលការទំនាស់ពាក្យសំដីនោះ ទំនងខាងស្រីចង់ដោះដៃពីខាងប្រុស ទើបខាងប្រុសដែលកំពុងពោរពេញដោយក្តីស្រឡាញ់ ក៏កើតក្តីប្រចណ្ឌរហូតដាច់ចិត្តប្រើកាំបិ.តចុងស្រួចចា.ក់ប្រ.ហារនាងតែម្តង ប៉ុន្តែក្រោយពីចា.ក់រួច ខាងប្រុសមិនបានរត់ទៅណានោះទេ គឺសុខចិត្តចូលសារភាព៕
ចែករំលែកព័តមាននេះ