ដីកាកោះលើកទី១ ឱ្យចៅសង្កាត់ចោមចៅ១ ចូលបំភ្លឺលើពាក្យបណ្តឹង អត់ចូល អយ្យការចេញដីកាកោះលើកទី២
- ភ្នំពេញ
រាជធានីភ្នំពេញ ៖ លោក គឹម ហុងសាន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ
រាជធានីភ្នំពេញ ៖ លោក គឹម ហុងសាន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ កាលពីថ្ងៃទី១១ ខែកក្កដា ឆ្នាំ២០២៣ បានចេញដីកាកោះទៅលើឈ្មោះ កង វង ភេទប្រុស អាយុ៣៧ ឆ្នាំ មុខរបរ ជាចៅសង្កាត់ចោមចៅ១ មានទីលំនៅផ្ទះ លេខ៣ ភូមិទួលពង្រ សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ ឲ្យចូលទៅកាន់អយ្យការអមសាលាដំបូងរាជធានីភ្នំពេញ (បន្ទប់ ង ជាន់ទី២) នៅថ្ងៃទី០១ ខែសីហា ឆ្នាំ២០២៣ វេលាម៉ោង៣ រសៀល ដើម្បីសាកសួរ និងស្តាប់ចម្លើយ ។
អំពីដំណើររឿង ៖ តាមរបាយការណ៍សំយោគលេខ ១៥២ ២៣\រ ប ក ចុះថ្ងៃទី៣០ ខែមិថុនា ឆ្នាំ២០២៣ របស់អធិការដ្ឋាននគរបាលខណ្ឌពោធិសែនជ័យ នៃស្នងការដ្ឋាននគរបាលរាជធានភ្នំពេញ បានកសាងសំណុំរឿងដែលមានដើមបណ្តឹងឈ្មោះ វង់ សុធារ៉ា ភេទស្រី អាយុ២៤ឆ្នាំ ប្តឹងឈ្មោះ កង វង ពីបទ.អំពើហិ.ង្សាប្រព្រឹត្តដោយសហព័ទ្ធ ។ សាម៉ីខ្លួនត្រូវអញ្ជើញតាមដីកាកោះនេះឲ្យបានទាន់ពេលវេលា និងយកលិខិតផ្សេងៗ ដែលទាក់ទងនឹងរឿងខាងលើទៅជាមួយផង ប្រសិនបើមាន ។ ប៉ុន្តែដល់ថ្ងៃកំណត់ ចុងចម្លើយឈ្មោះ កង វង មិនបានចូលខ្លួនទៅឆ្លើយបំភ្លឺនៅស្ថាប័នអយ្យការអមសាលាដំបូងរាជធានីភ្នំពេញ ទេ នោះបើតាមការបញ្ជាក់ពីតំណាងអយ្យការនៅព្រឹកថ្ងៃទី២ ខែសីហា ឆ្នាំ២០២៣ ។
តំណាងអយ្យការបន្ថែមថា រឿងចូល មិនចូលជាសិទ្ធិរបស់ជនសង្ស័យ តែនីតិវិធីរបស់ស្ថាប័នអយ្យការ ដីកាកោះលើកទី១ មិនចូលខ្លួន ចេញដីកាកោះលើកទី២ ហើយបើដីកាកោះលើកទី២ មិនចូលខ្លួនទៀតទេ តំណាងអយ្យការ និងចេញដីកាបញ្ជាឲ្យចូលខ្លួន (ដីកាបញ្ជាឲ្យចូលខ្លួនមានអានុភាព ស្មើនិងនាំខ្លួន) ។ ដូច្នោះមានតែរង់ចាំមើល តើចុងចម្លើយពាក់ពន្ធអំពើហិង្សាប្រព្រឹត្តដោយសហព័ទ្ធ ដែលលោក កង វង ចៅសង្កាត់ចោមចៅ១ រងនូវបណ្តឹងរបស់ភរិយានោះតទៅទៀត ចូលឬ មិនចូល ! មិនចូល… ៕
ចែករំលែកព័តមាននេះ