ខេត្តកែប ៖ លោកអ៊ិន សៅ ប្រធានមន្ទីរបរិស្ថានខេត្តកែប កាលពីព្រឹកថ្ងៃទី៣១ ខែកក្កដា ឆ្នាំ២០២៣ បានដឹកនាំកម្លាំងចុះទៅពិនិត្យនៅចំណុចភ្នំកែបធំ ដែលបានបាក់ដីភ្នំតាំងពីកំពូលលើរហូតដល់ក្រោម…
ខេត្តកែប ៖ លោកអ៊ិន សៅ ប្រធានមន្ទីរបរិស្ថានខេត្តកែប កាលពីព្រឹកថ្ងៃទី៣១ ខែកក្កដា ឆ្នាំ២០២៣ បានដឹកនាំកម្លាំងចុះទៅពិនិត្យនៅចំណុចភ្នំកែបធំ ដែលបានបាក់ដីភ្នំតាំងពីកំពូលលើរហូតដល់ក្រោម ក្នុងសង្កាត់ព្រៃធំ ក្រុងកែប ខេត្តកែប ។ ហើយបើមេឃនៅតែភ្លៀងធ្លាក់នោះ នឹងធ្វើឱ្យទឹកពីលើភ្នំនោះអាចហូរបាក់ដីភ្នំកាន់តែធំ ហើយនឹងអាចក្លាយជាជ្រោះមិនខាន ដែលករណីនេះ គឺមិនធ្លាប់មានទេពីមុនមក ។
លោកអ៊ុយ ជីវ ប្រធានការិយាល័យទទួលឃ្លាំមើលឧទ្យានជាតិកែបបាននិយាយឱ្យដឹងថា អំណាចនៃការបាក់ដីភ្នំហូរច្រោះដីតាំងពីកំពូលភ្នំរហូតដល់ក្រោម បើគិតជាប្រវែងមានចំនួន800ម៉ែត្រ ។លោកបន្តថា ការបាក់ដីភ្នំនេះបណ្ដាលមកពីភ្លៀងធ្លាក់ខ្លាំងនាប៉ុន្មានថ្ងៃជាប់ៗគ្នានេះ ។
លោកអ៊ុយ ជីវ និយាយថា តាមការពិនិត្យជាក់ស្ដែង ទឹកហូរបាក់ដីភ្នំនេះ មានចំនួន៦កន្លែងផ្សេងៗ
គ្នា តែ៤កន្លែងនៅភូមិកែវក្រសាំង សង្កាត់កែប និង2កន្លែងស្ថិតនៅសង្កាត់ព្រៃធំ ។ បើមេឃនៅតែភ្លៀងធ្លាក់បន្តទៀតនឹងធ្វើឱ្យទឹកហូពីភ្នំនោះ អាចហូរបាក់ដីភ្នំកាន់តែធំ ហើយនឹងអាចក្លាយជាជ្រោះមិនខាន ។
ប្រជាពលរដ្ឋម្នាក់នៅសង្កាត់ព្រៃធំនិយាយថា ការបាក់ដីភ្នំនោះកើតឡើងកាលពីយប់ថ្ងៃ២៩ ខែកក្កដា ម្ល៉េះ ព្រោះកាលណោះ ភ្លៀងខ្លាំងហើយស្នូរសន្ធឹកទឹកហូរ និងបាក់ដុំថ្មគួរអោយខ្លាច ហូរចុះពីលើភ្នំបណ្ដាលអោយខូចខាតផ្លូវវាងក្រុងបន្ថែមទៀតផង ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
សូមរំលឹកថា៖ ជំនន់ទឹកភ្លៀង! លិចលង់ផ្ទះសម្បែង និងផ្លូវជាតិលេខ៣៣ ធ្វើឱ្យពលរដ្ឋជួបការលំបាក
ចែករំលែកព័តមាននេះ