ផ្អាកដំណើរការបណ្តោះអាសន្ន ផ្លូវជាតិលេខ៤ ខណៈជំនន់ទឹកឡើងខ្លាំងហូរកាត់ផ្លូវ (វីដេអូ)
- ព្រះសីហនុ
រាជធានីភ្នំពេញ ៖ ក្រសួងធនធានទឹកនិងឧតុនិយមបានបញ្ជាក់ថា កំណាត់ផ្លូវជាតិលេខ៤ ស្ថិតក្នុង
រាជធានីភ្នំពេញ ៖ ក្រសួងធនធានទឹកនិងឧតុនិយមបានបញ្ជាក់ថា កំណាត់ផ្លូវជាតិលេខ៤ ស្ថិតក្នុង
ស្រុកកំពង់សិលា ខេត្តព្រះសីហនុ ត្រូវបានប្រកាសផ្អាកធ្វើដំណើរជាបណ្តោះអាសន្នដោយជំនន់ទឹកឡើងខ្លាំងហូរកាត់ផ្លូវ។
យោងតាមបណ្តាញសង្គមហ្វេសប៊ុករបស់ក្រសួងធនធានទឹកបានឲ្យដឹងថា នៅព្រឹកថ្ងៃទី៣០ ខែកក្កដា ឆ្នាំ២០២៣ ស្ថានភាពទឹកស្ទឹងសំរោង ស្ថិតក្នុងឃុំបាក់រទេះ ស្រុកកំពង់សិលា ខេត្តព្រះសីហនុ ផ្លូវជាតិលេខ០៤ ត្រង់គីឡូម៉ែត្រលេខ ១១៦ ទឹកបានឡើងដល់កម្ពស់៥,៧៧ម៉ែត្រ/៦,០០ម៉ែត្រ ទឹកបានហូរកាត់ផ្លូវប្រវែងចន្លោះពី៥០ម៉ែត្រទៅ១០០ម៉ែត្រ ដែលជាចំណុចជូនដំណឹងដល់បងប្អូនផ្អាកដំណើរការឆ្លងកាត់ជាបណ្ណោះអាសន្ន ។
សូមបញ្ជាក់ថា គិតមកដល់វេលាម៉ោង៨និង២០នាទីព្រឹកថ្ងៃទី៣០ ខែកក្កដា ឆ្នាំ២០២៣ ស្ថានភាពកំពស់ទឹកនៅចំណុចស្ពានស្ទឹងសំរោង ចន្លោះគីឡូម៉ែត្រលេខ 115-116ស្ថិត ក្នុងភូមិសាស្ត្រភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ ទឹកអាចបន្តឡើងទៀត រីឯអាកាសធាតុមេឃកំពុងធ្លាក់ភ្លៀងស្រិចៗ ហើយទឹកហូរកាត់តាមបណ្តោយផ្លូវជាតិមានប្រវែងប្រហែល២៥០ម៉ែត្រ ។
ចំពោះចរាចរណ៍តាមផ្លូវជាតិលេខ៤ ត្រង់ចំណុចស្ពានស្ទឹងសំរោង បើកអោយចរាចរណ៍ទាំងរថយន្តតូច ធំផ្អាកធ្វើដំណើរទៅមកជាបណ្តោះអាសន្ន ។
បច្ចុប្បន្ន កម្លាំងមូលដ្ឋានកងរាជអាវុធហត្ថស្រុកកំពង់សីលា និងកម្លាំងកងរាជអាវុធហត្ថ ស្នាក់ការសន្តិសុខ ៤០២ សហការជាមួយកម្លាំងគណះបញ្ជាការឯកភាពរដ្ឋបាលស្រុកកំពង់សីលា ដឹកនាំដោយលោក ឆាយ សុគន្ធដា អភិបាល នៃគណះអភិបាលស្រុកកំពង់សីលា ចុះគោលដៅជួយសម្រួលសណ្តាប់ធ្នាប់ចរាចរណ៍ និងប្រចាំការដើម្បីតាមដានស្ថានភាពកម្ពស់ទឹកបន្ត ៕
ចែករំលែកព័តមាននេះ