តើពិតឬទេ? ដែលប្រជាពលរដ្ឋខ្មែរតាំងពីបុរាណកាលមក មានជំនឿថា សត្វជ្រូកដែលមានម្រាម៥ ជាសត្វច.ង្រៃ ហាមមិនឲ្យចិញ្ចឹមឡើយ? បើនរណាហ៊ានចិញ្ចឹមសត្វជ្រូកម្រាមជើង៥ នឹងវិនាសអន្តរា.យជាក់ជាពុំខាន។ ដោយសារតែមានជំនឿបែបនេះហើយ ទើបជារឿយៗ
ខេត្តពោធិ៍សាត់ ៖ តើពិតឬទេ? ដែលប្រជាពលរដ្ឋខ្មែរតាំងពីបុរាណកាលមក មានជំនឿថា សត្វជ្រូកដែលមានម្រាម៥ ជាសត្វច.ង្រៃ ហាមមិនឲ្យចិញ្ចឹមឡើយ? បើនរណាហ៊ានចិញ្ចឹមសត្វជ្រូកម្រាមជើង៥ នឹងវិនាសអន្តរា.យជាក់ជាពុំខាន។ ដោយសារតែមានជំនឿបែបនេះហើយ ទើបជារឿយៗ នៅតាមពីអារាម ដែលជាទីសក្ការៈបូជាព្រះពុទ្ធសាសនា របស់ពុទ្ធបរិស័ទ និងជាទីស្ងប់ស្ងាត់សម្រាប់ព្រះសង្ឃ តែងតែទទួលបាននូវសត្វជ្រូកដែលមានម្រាមជើង៥ ពីប្រជាពលរដ្ឋយកទៅលែង ឬប្រគេនដល់ព្រះសង្ឃឱ្យជួយចិញ្ចឹមមើលថែ។
ជាក់ស្ដែងនៅវត្តកោះកណ្ដាល ស្ថិតក្នុងភូមិបឹងស្មុក ឃុំស្វាយស ស្រុកក្រគរ ខេត្តពោធិ៍សាត់ មានសត្វជ្រូកម្រាមជើង៥មួយក្បាល ដែលបច្ចុប្បន្នមានទម្ងន់ជាង១៥០គីឡូក្រាម។ សត្វជ្រូកម្រាមជើង៥នេះ តែងតែបង្កផលលំបាកដល់ព្រះសង្ឃ ជាពិសេសកូននេនតូចៗដែលបួសរៀននៅក្នុងវត្តនោះ ព្រោះថា នៅពេលដាច់ខ្សែម្តងៗជ្រូកមានម្រាមជើង៥នេះ បានចូលទៅស៊ីស្រូវរបស់ប្រជាពលរដ្ឋ ហើយព្រះសង្ឃព្យាយាមទៅចាប់យកមកចងវិញផងដែរ បង្កឲ្យមានរបួសស្នាមដល់ព្រះសង្ឃ ដែលចាប់ជ្រូកនោះទៀតផង។
បើតាមស្ត្រីម្នាក់មានឈ្មោះ ម៉េត ម៉ន អាយុ៣៩ឆ្នាំ មានទីលំនៅភូមិបឹងស្មុក ឃុំស្វាយស ជាពុទ្ធបរិស័ទចំណុះជើងវត្ត និងតែងតែមកវត្តជារៀងរាល់ថ្ងៃសិល៍ បានឲ្យដឹងថា «ជ្រូកមានម្រាមជើង៥នេះ ត្រូវបានប្រជាពលរដ្ឋយកមកប្រគល់ឲ្យព្រះសង្ឃជាង១ឆ្នាំមុន តាំងពីវា (ជ្រូក) នៅតូចទំហំប៉ុនស្រាក់ដាក់បាយ ទម្ងន់ប្រមាណ៦ទៅ៧គីឡូក្រាមតែប៉ុណ្ណោះ។ បច្ចុប្បន្ន វាមានទម្ងន់ជាង១៥០គីឡូក្រាមទៅហើយ ហើយព្រះសង្ឃ តែងតែដាក់បាយឱ្យស៊ីព្រឹកល្ងាច និងបានចងនៅក្រោមដើមស្វាយមួយដើម នៅទិសខាងលិចសាលាឆាន់»។
ស្ត្រីខាងលើបន្តថា «ជ្រូកនេះ តែងតែធ្វើបាបព្រះសង្ឃ ជាពិសេសកូននេនតូចៗ ដូចជាពេលដាច់ខ្សែម្ដងៗ វាតែងតែដើរទៅដដុសតាមជញ្ជាំងកុដិ ឬជញ្ជាំងសាលាឆាន់ ទើបនឹងលាបថ្នាំថ្មី បណ្ដាលឲ្យប្រឡាក់ភក់ដែលជាប់នឹងខ្នងរបស់វា ហើយពេលខ្លះវាក៏ចូលទៅស៊ីស្រូវរបស់អ្នកស្រុក ដែលមានស្រែនៅជាប់នឹងរបងវត្តទៀតផង។ នៅពេលកូននេនទៅចាប់វាម្ដងៗ វាតែងតែបុកឈ្មុស បណ្ដាលឱ្យកូននេនរងរបួសជារឿយៗ សូម្បីតែព្រះគ្រូចៅអធិការវត្ត ក៏ធ្លាប់ត្រូវរងរបួសថ្លោះដៃ ដោយសារតែវាម្តងដែរ។ ហើយថ្ងៃមុន រូបគាត់បានយកបាយទៅដាក់ឲ្យវាស៊ីមិនប្រយ័ត្ន ក៏ត្រូវវាបុកបះជើង សំណាងល្អបានគេជួយទាន់»។
ចំណែកបុរសដែលមិនបានស្គាល់ពីអត្តសញ្ញាណម្នាក់ ខណៈកំពុងតែដាក់បាយឲ្យសត្វជ្រូកមានម្រាមជើង៥ស៊ី បានឆ្លៀតប្រាប់ដែរថា «វា (ជ្រូក) កាចនៅពេលដែលវាឃ្លាន ដាក់បាយឱ្យវាស៊ីមិនទាន់ ចំណែកខ្សែចងជើងរបស់វា គឺដាច់ជាញឹកញាប់ណាស់»។ បុរសរូបនោះបញ្ជាក់ដោយការមិនសប្បាយចិត្តថា «ការយកជ្រូកដែលមានម្រាមជើង៥នេះ មកលែងក្នុងវត្ត មិនមែនជាការល្អនោះទេ វាជាការបង្កផលលំបាកដល់ទីអារាមទៅវិញ»។
បុរសខាងលើនេះប្រាប់បន្តថា «បើនិយាយពីសត្វជ្រូកម្រាមជើង៥នេះ គឺជាសត្វច.ង្រៃមិនឱ្យមានការចិញ្ចឹម ដែលជាជំនឿរបស់ខ្មែរយើងតាំងពីដើមមក លោកក៏មិនច្បាស់ដែរ។ ប៉ុន្តែតាមដែលលោកមើលឃើញ សត្វជ្រូកម្រាមជើង៥ ដែលយកមកលែងក្នុងវត្តនេះ គឺវាជាសត្វមានភ័ព្វសំណាងទៅវិញទេ ព្រោះគេយកវាលែងនៅក្នុងវត្ត គឺមិនមាននរណាហ៊ាននឹងប៉ះពាល់ ឬសម្លា.ប់វានោះទេ មិនដូចសត្វជ្រូកធម្មតា ដែលគេចិញ្ចឹមសម្រាប់កា.ប់សាច់លក់រាល់ថ្ងៃនោះឡើយ»។
បុរសខាងលើរូបនេះនិយាយបែបកំប្លែងទៀតថា «តាមដែលលោកមើលឃើញ សត្វជ្រូកម្រាមជើង៥នេះថា ជាសត្វច.ង្រៃ នាំគ្នាយកមកលែងក្នុងវត្ត លំបាកដល់ព្រះសង្ឃ វាជារឿងមួយ។ តែពេលខ្លះចាប់បានពស់ថ្លាន់ ពស់វែក តែងតែយកមកលែងក្នុងវត្ត ដូចយកមកធ្វើបាបព្រះសង្ឃយ៉ាងដូច្នោះដែរ។ មិនត្រឹមតែប៉ុណ្ណោះ ពេលខ្លះកូនចៅប្រដៅមិនស្តាប់ ក៏នាំគ្នាយកមកដាក់វត្ត ប្រគល់ឲ្យព្រះសង្ឃមើលថែ អប់រំទៅទៀត គឺមិនមែនជាការងា.យស្រួលនោះឡើយ។ តែទោះបីជាយ៉ាងណា វត្តអារាម ដែលជាទីស្ងប់ស្ងាត់របស់ព្រះសង្ឃ ក៏គង់ជាស្រែបុណ្យដែរ»។
សូមបញ្ជាក់ផងដែរថា សត្វជ្រូកដែលមានម្រាមជើង៥ ដែលបានឃើញនៅវត្តកោះកណ្ដាល នោះ គឺជើងមុខ ខាងស្ដាំមានក្រចក៥ ក្រចកមុខ៣ (ដូចក្នុងរូបភាព) និងក្រចកខាងក្រោយ២ ។ បើសត្វជ្រូកធម្មតា គឺមានក្រចកមុខ២ ក្រចកក្រោយ២តែប៉ុណ្ណោះ៕
ចែករំលែកព័តមាននេះ