១គ្រួសារត្រឡប់ពីចាប់កគីង្គក់វិញ ជួបគ្រោះក្រឡា.ប់កាណូតបា.ត់ខ្លួនប្តីប្រពន្ឋ២នាក់ រីឯកូនផុតគ្រោះថ្នាក់
- កំពង់ឆ្នាំង
ខេត្តកំពង់ឆ្នាំង ៖ រហូតមកដល់ព្រឹកថ្ងៃទី ២៦ ខែកក្កដា ឆ្នាំ២០២៣ មនុស្ស២នាក់ប្តីប្រពន្ឋ ដែល
ខេត្តកំពង់ឆ្នាំង ៖ រហូតមកដល់ព្រឹកថ្ងៃទី ២៦ ខែកក្កដា ឆ្នាំ២០២៣ ជនរងគ្រោះទាំង២នាក់ប្តីប្រពន្ឋ ដែលបានបា.ត់ខ្លួនក្នុងហេតុការណ៍ក្រឡា.ប់កាណូតបាឡាស្មាច់ នៅពុំទាន់រកឃើញនៅឡើយនោះទេ។
យោងតាមសេចក្តីរាយការណ៍បឋមរបស់អធិការនគរបាល ស្រុកកំពង់លែងបានឲ្យដឹងថា នៅមុនពេលកើតហេតុ ម៉ោងប្រមាណ៤រសៀលថ្ងៃទី ២៥ ខែកក្កដា ឆ្នាំ២០២៣ មានប្រជាពលរដ្ឋមួយគ្រួសារ រួមមាន ប្តីប្រពន្ធ និងកូនប្រុស បានត្រឡប់មកពីចាប់គីង្គក់នៅចំណុចកោះកណ្ដាល ស្ថិតក្នុងភូមិសាស្ត្រ ភូមិអន្លង់កញ្ចុះ ឃុំប្រឡាយមាស ស្រុកកំពង់លែង វិញ លុះដល់ចំណុចកោះចាប ក្នុងភូមិសាស្ត្រ ឃុំពោធិ៍ ក៏បានជួបនឹងភ្លៀងខ្យល់បោកបក់យ៉ាងខ្លាំង បណ្តាលឱ្យកាណូតបាឡាស្មាច់របស់ជនរងគ្រោះបានក្រឡា.ប់ ។ នៅក្នុងហេតុការណ៍នោះបុរសជាប្ដី ចេះហែលទឹកបានព្យាយាមជួយសង្គ្រោះប្រពន្ធ ដែលមិនចេះហែល រហូតដល់អស់ដៃអស់ជើង ក៏បានលិចទៅក្នុងទន្លេបាត់ទៅ ។ ចំណែកឯកូនប្រុសអាយុ ១២ឆ្នាំចេះហែលទឹកគឺបានហែលឆ្លងមកដល់ច្រាំងរួចខ្លួន។
តាមប្រភពដដែលបានបន្តថា៖ ជនរងគ្រោះជាប្តីឈ្មោះ រ៉េន រិទ្ឋ អាយុ៣៩ឆ្នាំ និងប្រពន្ឋឈ្មោះ អេង យីម អាយុ៤២ឆ្នាំ (ជនរងគ្រោះទាំង២នាក់កំពុងបា.ត់ខ្លួន) ចំណែកកូនប្រុសអាយុ១២ឆ្នាំ ដែលបានរួចផុតជីវិតឈ្មោះ ប៉ុន បញ្ញាស័ក ។ គ្រួសារជនរងគ្រោះមានទីលំនៅភូមិ ដំណាក់កកោះ ឃុំពោធិ៍ ស្រុកកំពង់លែង។
សូមបញ្ជាក់ថា ចាប់តាំងពីពេលកើតហេតុដ៏សោកសង្រេងនេះ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំងបានបញ្ជាឲ្យកម្លាំងសមត្ថកិច្ច ចុះស្រាវជ្រាវនិងរុករកទាំងយប់រហូតដល់ព្រឹកថ្ងៃទី២៦ ខែកក្កដានេះ នៅមិនទាន់ឃើញ ជនរងគ្រោះនៅឡើយនោះទេ។
ក្រោយកើតមានហេតុការណ៍ដ៏គួរឱ្យរន្ធ.ត់ខាងលើនេះដែរ សូមបងប្អូនប្រជាពលរដ្ឋដែលរស់នៅតាមដងទន្លេ មានការប្រុងប្រយ័ត្ននារដូវខែវស្សាដែលតែងតែមានខ្យល់ព្យុះបោកបក់យ៉ាងខ្លាំង ប្រសិនបើឃើញមេឃមិនអំណោយផល សូមកុំបើកបរទូកកាណូតចេញទៅនេសាទ៕
ចែករំលែកព័តមាននេះ