ADផ្ទាំងផ្សព្វផ្សាយពាណិជ្ជកម្ម

Picture

Mercedes-Benz ជ្រើស​យក​ចិន​ជា​ចំណុចកណ្តាល នៃ​ទីផ្សារ​ឡាន​អគ្គិសនី​របស់​ខ្លួន

10 ខែ មុន

អា​ល្លឺ​ម៉​ង់​-​ចិន ៖ ក្រុមហ៊ុន​រថយន្ត Mercedes-Benz នឹង​ធ្វើ​ឱ្យ​ប្រទេស​ចិន ដែល​ជាទី​ផ្សារ​រថយន្ត​កំពូល​

អា​ល្លឺ​ម៉​ង់​-​ចិន ៖ ក្រុមហ៊ុន​រថយន្ត Mercedes-Benz នឹង​ធ្វើ​ឱ្យ​ប្រទេស​ចិន ដែល​ជាទី​ផ្សារ​រថយន្ត​កំពូល​របស់​ពិភពលោក ក្លាយជា​ចំណុចកណ្តាល​នៃ​យុទ្ធនាការ​រថយន្ត​អគ្គិសនី​របស់​ខ្លួន (EV) ដែល​នឹង​ចាប់ផ្តើម​នៅ​ឆ្នាំ ២០២៥​។ នេះ​បើ​តាម​នាយក​ប្រតិបត្តិ​ក្រុមហ៊ុន​យក្ស​អា​ល្លឺ​ម៉​ង់​មួយ​នេះ ប្រាប់​ទស្សនាវដ្តី​អា​ល្លឺ​ម៉​ង់ Automobilwoche ។

លោក Ola Kaellenius ត្រូវ​បាន​ដកស្រង់​សម្តី​ថា «​ដើម្បី​ធ្វើ​ដូច្នេះ​បាន យើង​ត្រូវធ្វើ​ជា​ម្ចាស់​លើ​ការ​ជំរុញ​រថយន្ត​អគ្គិសនី​ឱ្យ​បាន​ល្អ​ឥត​ខ្ចោះ ដូច​ទៅ​នឹង​ឌី​ជី​ថ​ល​នី​យ​កម្ម​។ នោះ​ហើយ ជា​អ្វី​ដែល​អតិថិជន​របស់​យើង​រំពឹង​ទុក​»​។

ចាប់ពី​ឆ្នាំ ២០២៥ គ្រប់​វេទិការ​រថយន្ត​ថ្មី​ទាំងអស់​របស់​ក្រុមហ៊ុន Mercedes-Benz នឹង​ផលិត​តែ​រថយន្ត​អគ្គិសនី ក្រោម​យុទ្ធសាស្ត្រ​ដែល​ក្រុមហ៊ុន​ផលិត​រថយន្ត​ប្រណីត​អា​ល្លឺ​ម៉​ង់​បាន​គូសបញ្ជាក់​នៅ​ក្នុង​ឆ្នាំ ២០២១​។ នាយក​ប្រតិបត្តិ​ជាន់ខ្ពស់​ក្រុមហ៊ុន​នេះ បាន​ប្រាប់​ទស្សនាវដ្តី Automobilwoche អំពី​ម៉ូ​ដែល ដែល​ក្រុមហ៊ុន​គ្រោង​នឹង​ដាក់​ឱ្យ​ដំណើរការ នៅ​ក្នុង​ប្រទេស​ចិន ដោយ​ផ្អែក​លើ​វេទិកា MB.EA នា​ពេល​ខាង​មុខ​នោះ កំពុង​ត្រូវ​បាន​ពិនិត្យ​ឡើង​វិញ ដើម្បី​ធានា​ថា រាល់​ម៉ូ​ដែល​ទាំងនោះ បំពេញតម្រូវការ​របស់​អតិថិជន​ក្នុងស្រុក​បាន​ប្រសើរ​ជាង​មុន​។

ប្រទេស​ចិន​នៅ​តែ​ជាទី​ផ្សារ ដែល​ជាប់​ពាក់ព័ន្ធ​បំផុត​សម្រាប់​ក្រុមហ៊ុន​ផលិត​រថយន្ត​របស់​អា​ល្លឺ​ម៉​ង់ ប៉ុន្តែ​ម៉ាក​យីហោ​ក្នុងស្រុក​កំពុង​គ្រប់គ្រង​ជាមួយនឹង​ចំណែក ៨១% នៃ​ទីផ្សារ​រថយន្ត​អគ្គិសនី​របស់​ចិន នៅ​ក្នុង​ឆ្នាំ ២០២២​។ នេះ​បើ​យោង​តាម​ការ​ស្រាវជ្រាវ​របស់​គេហទំព័រ Counterpoint ។

ប្រទេស​ចិន​ក៏​មាន​ភាគហ៊ុន​ដ៏​សំខាន់ នៅ​ក្នុង​ក្រុមហ៊ុន Mercedes-Benz ដែល​មាន​ម្ចាស់​ភាគហ៊ុន​កំពូល​ចំនួន ២ គឺ​ក្រុមហ៊ុន Beijing Automotive Group Co Ltd និង​ប្រធាន​ក្រុមហ៊ុន Geely លោក Li Shufu៕ (​ប្រភព​ពី Reuters)

អត្ថបទសរសេរ ដោយ

កែសម្រួលដោយ