ឯកឧត្តម ហ៊ុន ម៉ាណែត ដឹកនាំពលរដ្ឋប្រមាណ៦ម៉ឺននាក់ ដង្ហែបិទពិធីយុទ្ធនាការឃោសនាបោះឆ្នោត
រាជធានីភ្នំពេញ ៖ កាលពីព្រឹកថ្ងៃទី ២១ ខែកក្កដា ឆ្នាំ២០២៣នេះ ឯកឧត្តមបណ្ឌិត ហ៊ុន ម៉ាណែត
រាជធានីភ្នំពេញ ៖ កាលពីព្រឹកថ្ងៃទី ២១ ខែកក្កដា ឆ្នាំ២០២៣នេះ ឯកឧត្តមបណ្ឌិត ហ៊ុន ម៉ាណែត
រាជធានីភ្នំពេញ ៖ កាលពីព្រឹកថ្ងៃទី ២១ ខែកក្កដា ឆ្នាំ២០២៣នេះ ឯកឧត្តមបណ្ឌិត ហ៊ុន ម៉ាណែត ដឹកនាំប្រជាពលរដ្ឋ ប្រមាណ៦ម៉ឺននាក់ ដង្ហែបិទពិធីយុទ្ធនាការឃោសនាបោះឆ្នោតជ្រើសរើសតំណាងរាស្ត្រ នីតិកាលទី ៧ ក្នុងភូមិសាស្ត្ររាជធានីភ្នំពេញ ។
ឆ្លៀតក្នុងឱកាសនេះដែរ ឯកឧត្តម ហ៊ុន ម៉ាណែត បានថ្លែងថា មានតែគណបក្សប្រជាជនកម្ពុជាទេ ដែលមានសមត្ថភាព និងលទ្ធភាពដឹកនាំប្រទេសបាន ប្រកបដោយភាពរុងរឿង និងសុខសាន្តរបស់បងប្អូនប្រជាពលរដ្ឋខ្មែរ ទាំងមូល ដូច្នេះបងប្អូន ទាំង អស់គប្បីបោះឆ្នោត ជូន គណបក្សប្រជាជនកម្ពុជា ឱ្យដឹកនាំប្រទេសជាបន្តទៀត។
ក្នុងឱកាសដឹកនាំនៃការជួបជុំសមាជិកសមាជិកា របស់គណបក្សប្រជាជនកម្ពុជា នាព្រឹកថ្ងៃទី២១ ខែកក្កដា ឆ្នាំ២០២៣នេះ នៅមជ្ឈមណ្ឌលកោះពេជ្យ ដើម្បីដង្ហែក្បួនបិទយុទ្ធនាការឃោសនា បោះឆ្នោត ជ្រើសតាំងតំណាងរាស្ត្រ នីតិកាលទី៧នេះ ឯកឧត្តម ហ៊ុន ម៉ាណែត បានលើកឡើងថា នៅក្នុងរយៈពេលជាង៤៤ឆ្នាំកន្លងមកនេះ គណបក្សប្រជាជនកម្ពុជា បានរួមសុខរួមទុក្ខជាមួយ ប្រជាជនកម្ពុជានៅគ្រប់កាលៈទេស បានដឹកនាំប្រទេសជាតិឆ្លងកាត់ការលំបាកគ្រប់បែបយ៉ាង ទាំងអស់ តាំងពីតំណាក់កាលនៃថ្ងៃរំដោះជាតិខ្មែរឲ្យរួចផុតពីរបបប្រល័យពូជសាសន៍ប៉ុលពតមក តំណាក់កាលកសាងប្រទេសជាតិ និងការបង្រួបង្រួមជាតិ និងបានកសាងនូវសុខសន្តិភាព និងការអភិវឌ្ឍជាតិឲ្យមានការរីកចម្រើនដូចសព្វថ្ងៃនេះជាដើម។
ឯកឧត្តម ហ៊ុន ម៉ាណែត ក៏បានរំលឹកផងដែរថា រៀងរាល់ អាណត្តិ៥ឆ្នាំម្តង គណបក្សប្រជាជនកម្ពុជា តែងតែដាក់ចេញនូវគោលនយោបាយ និងយុទ្ធសាស្ត្រអភិវឌ្ឍន៍សង្គម សេដ្ឋកិច្ចដែលមានភាពប្រាកដនិយម ច្បាស់លាស់ ជាក់លាក់ ឆ្លើយតបទៅហ្នឹងស្ថានភាព និង តម្រូវការជាក់ស្តែង របស់ប្រជាជនកម្ពុជា ដោយផ្តើមចេញពីយុទ្ធសាស្ត្រត្រីកោណ និងយុទ្ធសាស្ត្រ ចតុកោណ ទាំងបួនតំណាក់កាល ផងដែរ ខណៈយុទ្ធសាស្ត្រទាំងអស់ នេះរាជ រដ្ឋាភិបាល ដែលដឹកនាំ ដោយគណបក្សប្រជាជនកម្ពុជា បានសម្រេចនូវលទ្ធផលយ៉ាងធំធេងរាប់ មិនអស់ សម្រាប់ជាតិ និង ប្រជាជនខ្មែរទាំងមូលនោះ។
ឯកឧត្តមហ៊ុនម៉ាណែតបានបន្តទៀតថារូបភាពបង្ហាញពីរកម្លាំងសាមគ្គីភាពរបស់ប្រជាជនដ៏ច្រើនកុះករនៅក្នុងរាជធានីភ្នំពេញនាពេលនេះ សរបញ្ជាក់យ៉ាងប្រត្យក្សពីឧត្តមភាពនយោបាយគ្មានគូប្រៀបរបស់គណបក្សប្រជាជនកម្ពុជាដែលពិតជាធានាដល់ជោគជ័យដ៏មហិមាសម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៧ នៅថ្ងៃទី២៣ ខែកក្កដា ឆ្នាំ២០២៣ នេះជាក់ជាមិនខាន៕ (ដោយ ៖ រដ្ឋា)
ចែករំលែកព័តមាននេះ