រាជធានភ្នំពេញ ៖ អ្នកនាំពាក្យគណៈកម្មាធិការជាតិរៀបចំការបោះឆ្នោត (គជប) បានប ញ្ជាក់ថា សម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៧ នៃរដ្ឋសភាឆ្នាំ២០២៣នេះ គឺមានចំនួនអ្នកសង្កេតការណ៍អន្តរជាតិច្រើនជាងការបោះឆ្នោតអាណត្តិមុនៗ ។ការបញ្ជាក់របស់អ្នកនាំពាក្យនេះទៅកាន់ក្រុមអ្នកសង្កេតការណ៍បោះឆ្នោតអន្តរជាតិជប៉ុនដែលបានចូលជួប…
រាជធានភ្នំពេញ ៖ អ្នកនាំពាក្យគណៈកម្មាធិការជាតិរៀបចំការបោះឆ្នោត (គជប) បានប ញ្ជាក់ថា សម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៧ នៃរដ្ឋសភាឆ្នាំ២០២៣នេះ គឺមានចំនួនអ្នកសង្កេតការណ៍អន្តរជាតិច្រើនជាងការបោះឆ្នោតអាណត្តិមុនៗ ។
ការបញ្ជាក់របស់អ្នកនាំពាក្យនេះទៅកាន់ក្រុមអ្នកសង្កេតការណ៍បោះឆ្នោតអន្តរជាតិជប៉ុនដែលបានចូលជួប ដើម្បីស្វែងយល់ពីដំណើរការបោះឆ្នោតជ្រើសតាំងតំណាងរាស្ត្រអាណត្តិទី៧នៃរដ្ឋសភា ។
យោងតាមសេចក្តីប្រកាសព័ត៌មានរបស់ គ.ជ.ប បានឲ្យដឹងថា កាលពីរសៀលថ្ងៃទី២០ កក្កដា ក្រុមអ្នកសង្កេតការណ៍បោះឆ្នោតអន្តរជាតិមកពីប្រទេសជប៉ុនដឹកនាំដោយលោក ណាអូតូ សាកាហ្គុជិ (Mr. Naoto Sakaguchi) ប្រធានក្រុមអ្នកសង្កេតការណ៍បោះឆ្នោតអន្តរជាតិមកពីប្រទេសជប៉ុនរួមទាំងសហការីចំនួន ៧(ប្រាំពីរ) រូបជួបជាមួយឯកឧត្តម ហង្ស ពុទ្ធា សមាជិក គ.ជ.ប និងជាប្រធានក្រុមអ្នកនាំពាក្យ គ.ជ.ប ដើម្បីសម្ដែងការគួរសម និងស្វែងយល់ពីការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣។
លោក ណាអូតូ សាកាហ្គុជិ បានរំលឹកអំពីការងាររបស់លោកធ្លាប់ធ្វើនៅប្រទេសកម្ពុជាក្នុងនាមជាអ្នកស្ម័គ្រចិត្ត កាលពី៣១ឆ្នាំកន្លងមក នាសម័យកាលអ៊ុនតាក់ និងលោកធ្លាប់ជាសមាជិករដ្ឋសភាជប៉ុនចំនួន២អាណត្តិ ។ លោកបានបញ្ជាក់យ៉ាងដូច្នេះថា ៖« ការចូលរួមរបស់គណៈប្រតិភូសង្កេតការណ៍បោះឆ្នោតអន្តរជាតិមកពីប្រទេសជប៉ុននៅពេលនេះមិនមែនចូលរួមក្នុងនាមរដ្ឋាភិបាលជប៉ុនទេ គឺក្រុមរបស់លោកមកតាមរយៈអង្គការមិនមែន រដ្ឋាភិបាលដែលមានទីស្នាក់ការនៅប្រទេសជប៉ុន ហើយជំនួបនៅពេលនេះ លោកចង់ស្វែងយល់ និងមានសំណួរមួយចំនួនពាក់ព័ន្ធនឹងការបោះឆ្នោតជ្រើសតាំងតំណាងរាស្ត្រឆ្នាំ២០២៣នេះ» ។
ឯកឧត្តម ហង្ស ពុទ្ធ បានជម្រាបជូនគណៈប្រតិភូអំពីប្រវត្តិនៃការបោះឆ្នោតនៅកម្ពុជាថា នៅឆ្នាំ១៩៩៣ គឺជាការបោះឆ្នោតជ្រើសរើសសភាធម្មនុញ្ញដែលការបោះឆ្នោតនោះបានរៀបចំដោយអាជ្ញាធរបណ្តោះអាសន្ននៃអង្គការសហប្រជាជាតិប្រចាំនៅកម្ពុជា ហៅកាត់ថា «UNTAC »។
ឯកឧត្តមបានបន្តថា នៅឆ្នាំ១៩៩៨ ប្រទេសកម្ពុជាបានរៀបចំការបោះឆ្នោតដោយខ្លួនឯង និងបានរៀបចំការបោះឆ្នោតជាបន្តបន្ទាប់មកទៀតរហូតមកដល់បច្ចុប្បន្ន ។ រហូតមកទល់ ពេលនេះ គ.ជ.ប បានរៀបចំការបោះឆ្នោតដោយខ្លួនឯងយ៉ាងទៀងទាត់ទាំងសកល និងអសកលចំនួន១៦លើករួចមកហើយ ។
ឯកឧត្តមអ្នកនាំពាក្យក៏បានលើកឡើងអំពីដំណាក់កាលសំខាន់ៗទាំង៤ នៃការបោះឆ្នោត ដើម្បីឱ្យក្រុមអ្នកសង្កេតការណ៍អន្តរជាតិបានយល់ដែលរួមមាន ៖ – ការពិនិត្យបញ្ជីឈ្មោះ និងការចុះឈ្មោះបោះឆ្នោត – ការចុះបញ្ជីគណបក្សនយោបាយឈ រឈ្មោះបោះឆ្នោត និងបញ្ជីបេក្ខជនឈរឈ្មោះ – ការឃោសនាបោះឆ្នោត និង – ការបោះឆ្នោតការរាប់សន្លឹកឆ្នោត និងការប្រកាសលទ្ធផលនៃការបោះឆ្នោត ។
ក្នុងជំនួបនោះក្រុមអ្នកសង្កេតការណ៍បោះឆ្នោតអន្តរជាតិជប៉ុនបានលើកឡើងនូវសំណួរមួយចំនួនដូចជា ៖ ចំនួនអ្នកសង្កេតការជាតិ និងអន្តរជាតិការចុះបញ្ជីបេក្ខជនឈរឈ្មោះ បោះឆ្នោតដែល គ.ជ.ប បានសម្រេចបដិសេធចំនួន២គណបក្ស សកម្មភាពឃោសនា បោះឆ្នោតជាដើម ។ ឆ្លើយតបនឹងសំណួរឯកឧត្តម ហង្សពុទ្ធា បានបានបញ្ជាក់ថា គិតត្រឹមថ្ងៃទី២០ ខែកក្កដា ឆ្នាំ២០២៣ គ.ជ.ប បានទទួលអ្នកសង្កេតការណ៍បោះឆ្នោតអន្តរជាតិជាង៦០០នាក់ បើប្រៀបធៀបនឹងការបោះឆ្នោតសកលកន្លងមកមានចំនួនជាង៥០០នាក់តែប៉ុណ្ណោះ ។
ជាមួយគ្នានោះដែរ ឯកឧត្តមក៏ពន្យល់ហេតុផលដែលគណបក្សនយោបាយចំនួន២ ដែលត្រូវបាន គ.ជ.ប និងក្រុមប្រឹក្សាធម្មនុញ្ញបដិសេធ ដោយសារគណបក្សមិនបានបំពេ ញលក្ខខណ្ឌតាមច្បាប់ និងតាមនីតិវីធី ។ រីឯការឃោសនាបោះឆ្នោតគណបក្សនយោបាយនីមួយៗ កំពុងធ្វើសកម្មភាពតាមលទ្ធភាពរបស់ខ្លួនស្របតាមនីតិវិធីឃោសនា បោះឆ្នោត ដែលគិតមកដល់ពេលនេះមានរយៈពេល ២០ថ្ងៃហើយ ។
សូមជម្រាបថា សម្រាបថា ការបោះឆ្នោតអាណត្តិទី៧ មានអ្នកសង្កេតការណ៍អន្តរជាតិជាង៦០០នាក់ មកពីបណ្តាប្រទេសជាង៦០ និងអ្នកសង្កេតការណ៍ជាតិជិត៩ម៉ឺននាក់៕
ចែករំលែកព័តមាននេះ