ស្រូវសាលីច្រើនពាន់តោនរបស់អ៊ុយក្រែន ត្រូវបំផ្លាញដោយការវា.យប្រហាររបស់រុស្ស៊ី
សង្គ្រាមអ៊ុយក្រែន ៖ តាមក្រុងគៀវថា បណ្ដាហេដ្ឋារចនាសម្ព័ន្ធគ្រាប់ធញ្ញជាតិអ៊ុយក្រែនក្លាយជា
សង្គ្រាមអ៊ុយក្រែន ៖ តាមក្រុងគៀវថា បណ្ដាហេដ្ឋារចនាសម្ព័ន្ធគ្រាប់ធញ្ញជាតិអ៊ុយក្រែនក្លាយជា
សង្គ្រាមអ៊ុយក្រែន ៖ តាមក្រុងគៀវថា បណ្ដាហេដ្ឋារចនាសម្ព័ន្ធគ្រាប់ធញ្ញជាតិអ៊ុយក្រែនក្លាយជាគោលដៅនៃការវាយប្រហាររបស់រុស្ស៊ីនៅកំពង់ផែ TCHORNOMORSK ជិតក្រុងអូដេសា ក្រោយការដកថយរបស់ក្រុងមូស្គូពីកិច្ចព្រមព្រៀងនាំចេញគ្រាប់ធញ្ញជាតិ ។
រដ្ឋមន្ត្រីកសិកម្មអ៊ុយក្រែនអះអាងថា គ្រាប់ធញ្ញជាតិប្រមាណជា៦០.០០០តោនសម្រាប់នាំ
ចេញ ស្តុកក្នុងកំពង់ផែអ៊ុយក្រែន TCHORNOMORSK ជិតក្រុងអូដេសាភាគនិរតីប្រទេសរង
ការបំផ្លាញ ដោយការវាយប្រហាររបស់រុស្ស៊ី កាលពីយប់ថ្ងៃទី១៨មក១៩ កក្កដា ។ ក្នុងសេចក្ដីប្រកាស
មួយរដ្ឋមន្ត្រីរូបនោះ លោកមីកូឡាសូលស្គីវាយតមៃ្លថា គេត្រូវចំណាយពេលយ៉ាងតិចមួយឆ្នាំ
ដើម្បីអាចជួសជុលឡើងវិញទាំងស្រុង បណ្ដាហេដ្ឋារចនាសម្ព័ន្ធដែលរងការបំផ្លាញ ។
លោកបញ្ជាក់ថា គ្រាប់ធញ្ញជាតិទាំងនេះសល់ពេល៦០ថ្ងៃទៀតនឹងត្រូវនាំចេញ ។ ហេដ្ឋារចនាសម្ព័ន្ធគ្រាប់ធញ្ញជាតិរបស់ឈ្មួ្កញកណ្ដាល និងរបស់អ្នកនាំចេញអន្តរជាតិព្រមទាំងរបស់អ៊ុយក្រែន រងការ
ប៉ះពាល់ខ្លាំងជាងគេ ។ លោកបន្តថាសន្តិសុខស្បៀងពិភពលោកកំពុងស្ថិតក្នុងគ្រោះថ្នាក់ជាមួយការវាយប្រហារទាំងនេះ ដែលសំដៅលើបណ្ដាទីតាំងអ៊ុយក្រែនទាក់ទិននឹងការនាំចេញគ្រាប់ធញ្ញជាតិ ។
ក្រោយការវាយប្រហារទាំងនេះប្រធានាធិបតីអ៊ុយក្រែន លោកវ៉ូឡូឌីមៀរ ហ្សេឡេនស្គី បានចោទប្រកាន់រុស្ស៊ីថា វាយប្រហារសំដៅបណ្ដាទីតាំងប្រើប្រាស់សម្រាប់នាំចេញគ្រាប់ធញ្ញជាតិអ៊ុយក្រែន ៣ថ្ងៃបន្ទាប់ពីផុតកំណត់កិច្ចព្រមព្រៀងនាំចេញគ្រាប់ធញ្ញជាតិ ។
អ្នកនាំពាក្យក្រុមប្រឹក្សាសន្តិសុខជាតិអាមេរិកលោក ADAM HODGE អះអាងប្រាប់ AFP ថា
ក្រោយផុតកំណត់កិច្ចព្រមព្រៀងនាំចេញគ្រាប់ធញ្ញជាតិ រុស្ស៊ីអាចវាយប្រហារបណ្ដានាវាដឹក
ទំនិញក្នុងសមុទ្រខ្មៅ ។ លោកបន្តថាកងទ័ពរុស្ស៊ីអាចពង្រីកគោលដៅវាយប្រហារដល់បណ្ដា
មធ្យោបាយដឹកជញ្ជូនគ្រាប់ធញ្ញជាតិរបស់អ៊ុយក្រែន ហើយរួមបញ្ចូលការវាយប្រហារលើនាវាស៊ីវិលផងដែរ ។
ថ្លែងតាមទូរទស្សន៍កាលពីថ្ងៃទី១៩ កក្កដា ប្រធានាធិបតីរុស្ស៊ី លោកវ្ល៉ាឌីមៀរ ពូទីន អាចផ្លាស់
ប្ដូរចិត្ត និងវិលមករកកិច្ចព្រមព្រៀងនាំចេញគ្រាប់ធញ្ញជាតិវិញ ប្រសិនបើបំពេញលក្ខខណ្ឌមួយឲ្យបានពេញលេញ ។ លោកថាប្រសិនបើលក្ខខណ្ឌនេះមិនត្រូវបានបំពេញការពន្យារពេលកិច្ចព្រមព្រៀងនេះក៏គ្មានន័យអ្វីដែរ ។ លក្ខខណ្ឌនោះគឺរាល់គោលការណ៍នៃការចូលរួមរបស់រុស្ស៊ីត្រូវគិតដល់ ហើយ
អនុវត្តដោយគ្មានការលើកលែងនិងទាំងស្រុង ៕
ចែករំលែកព័តមាននេះ