រាជធានីភ្នំពេញ ៖ មនុស្ស២នាក់បានស្លា.ប់បាត់បង់ជីវិតដោយសារគ្រោះថ្នាក់ចរាចរណ៍២កន្លែង ផ្សេងគ្នាដែលមួយកន្លែងកើតឡើងនៅចំណុចមុខសាលា IIC ស្ថិតនៅ តាមបណ្តោយផ្លូវជាតិលេខ២ ភូមិទួលរការ សង្កាត់ចាក់អង្រែក្រោម ខណ្ឌ មានជ័យ កាលពីវេលាម៉ោង៨និង៥០នាទីយប់ថ្ងៃទី៧ ឧសភា ឆ្នាំ ២០១១ និងមួយកន្លែងទៀតកើតឡើង
រាជធានីភ្នំពេញ ៖ មនុស្ស២នាក់បានស្លាប់បាត់បង់ជីវិតដោយសារគ្រោះថ្នាក់ចរាចរណ៍២កន្លែង ផ្សេងគ្នាដែលមួយកន្លែងកើតឡើងនៅចំណុចមុខសាលា IIC ស្ថិតនៅ តាមបណ្តោយផ្លូវជាតិលេខ២ ភូមិទួលរការ សង្កាត់ចាក់អង្រែក្រោម ខណ្ឌ មានជ័យ កាលពីវេលាម៉ោង៨និង៥០នាទីយប់ថ្ងៃទី៧ ឧសភា ឆ្នាំ ២០១១ និងមួយកន្លែងទៀតកើតឡើងនៅចំណុចផ្លូវជាតិលេខ១ ភូមិតាព្រហ្ម សង្កាត់ព្រែកឯង ខណ្ឌមានជ័យ កាលពីវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី៨ ឧសភា ឆ្នាំ២០១១ ។
តាមប្រភពព័ត៌មានទាក់ទិននឹងករណីគ្រោះថ្នាក់ចរាចរណ៍ទាំង២ករណីខាងលើនេះបានឱ្យដឹងថា អ្នកស្លាប់នៅក្នុងហេតុការណ៍ គ្រោះថ្នាក់ចរាចរណ៍នៅលើកំណាត់ផ្លូវជាតិលេខ២ ឈ្មោះនុត យឿន ភេទប្រុស អាយុ៤១ឆ្នាំ រស់នៅស្រុកស្វាយជ្រុំ ខេត្តស្វាយរៀង ។ មុនពេលគ្រោះថ្នាក់ជនរងគ្រោះបានជិះម៉ូតូម៉ាក C100 កូរ៉េពណ៌ក្រហម ធ្វើដំណើរលើផ្លូវជាតិលេខ២ ក្នុងទិសដៅពីជើងទៅត្បូង ។ លុះដល់ចំណុចកើតហេតុក៏បុកជាមួយអ្នកជិះម៉ូតូម៉ាកស្កុបពីដែលបើកបរបញ្ច្រាសទិសគ្នាបណ្តាលឱ្យដួលបោកក្បាលស្លាប់ភ្លាមៗ នៅនឹងកន្លែង ។ ចំណែកឯអ្នកបើកម៉ូតូម៉ាកស្តុបពីនោះ ក៏រងរបួសធ្ងន់ធ្ងរដែរ ។ ក្រោយពេលកើតហេតុសមត្ថកិច្ចនគរបាលខណ្ឌមានជ័យ បានចុះទៅវាស់វែងដកហូតម៉ូតូទាំង២គ្រឿងមករក្សាទុកបណ្តោះអាសន្ននៅអធិការដ្ឋាននគរបាលខណ្ឌដើម្បីចាត់ការតាមច្បាប់ ។
ដោយឡែកករណីគ្រោះថ្នាក់ចរាចរណ៍មួយកន្លែងទៀតដែលបណ្តាលឱ្យបុរសម្នាក់ស្លាប់នៅលើកំណាត់ផ្លូវជាតិលេខ១នោះ បង្កឡើងដោយសាររថយន្តក្រឡុកស៊ីម៉ង់ត៍ពណ៌ខៀវ ពាក់ស្លាកលេខភ្នំពេញ 5A-0021 បើកបរដោយបុរសមិនស្គាល់អត្តសញ្ញាណម្នាក់ធ្វើដំណើរលើផ្លូវជាតិលេខ១ ក្នុងទិសដៅពីកើតទៅលិចបានជ្រុលល្បឿនបុកជាមួយអ្នកជិះម៉ូតូម៉ាក C100 កូរ៉េពណ៌ស្លែ ដែលជិះស្របទិសគ្នា បណ្តាលឱ្យដួលម៉ូតូខ្ទាតម្ចាស់ធ្លាក់បោកខ្លួនស្លាប់ភ្លាមៗនៅនឹងកន្លែងកើតហេតុដែរ ។ ចំណែកឯម៉ូតូត្រូវរថយន្តបុកអូសបែកផ្កាភ្លើងឆាបឆេះអស់ម៉ដ្ឋសល់តែឆ្អឹង។ អ្នកឃើញហេតុការណ៍គ្រោះថ្នាក់បានលាន់ម៉ាត់ថា ម្ចាស់ម៉ូតូក៏ស្លាប់ ម៉ូតូក៏ឆេះម៉ដ្ឋ គួរឱ្យរន្ធត់មែន ។ ចំណែកឯអ្នកបើកបររថយន្តបានរត់គេចខ្លួនបាត់ ។
ករណីគ្រោះថ្នាក់ចរាចរណ៍នេះសមត្ថកិច្ចនគរបាលខណ្ឌមានជ័យ សហការជាមួយនគរបាលការិយាល័យជំនាញបានចុះវាស់វែង និងនាំយករថយន្តបង្កទៅកាន់ការិយាល័យជំនាញដើម្បីចាត់ការតាមច្បាប់ ។ សមត្ថកិច្ចបានឱ្យដឹងថា អ្នកស្លាប់ក្នុងហេតុការណ៍ខាងលើនេះ ឈ្មោះហុក វែង ភេទប្រុស អាយុ៣៣ឆ្នាំ មានទីលំនៅស្រុកកៀនស្វាយ ខេត្តកណ្តាល៕
ចែករំលែកព័តមាននេះ