អ្នកទេសចរជនជាតិបារាំង២៨នាក់ត្រូវបានជួយសង្គ្រោះពេលនាវាដែលពួកគេជិះកំសាន្តបានលិចនៅឆកសមុទ្រហាឡុងជាកន្លែងទេសចរណ៍សំខាន់មួយរបស់វៀតណាម។
ស្ត្រីអ្នកទេសចរបារាំងម្នាក់អាយុ៦៥ឆ្នាំដែលត្រូវបានជួយសង្គ្រោះនិយាយប្រាប់ទីភ្នាក់ងារព័ត៌មានបារាំងAFP ថា គ្រោះថ្នាក់នេះកើតមានកាលពីរសៀលថ្ងៃទី៨ ឧសភា
អ្នកទេសចរជនជាតិបារាំង២៨នាក់ត្រូវបានជួយសង្គ្រោះពេលនាវាដែលពួកគេជិះកំសាន្តបានលិចនៅឆកសមុទ្រហាឡុងជាកន្លែងទេសចរណ៍សំខាន់មួយរបស់វៀតណាម។
ស្ត្រីអ្នកទេសចរបារាំងម្នាក់អាយុ៦៥ឆ្នាំដែលត្រូវបានជួយសង្គ្រោះនិយាយប្រាប់ទីភ្នាក់ងារព័ត៌មានបារាំងAFP ថា គ្រោះថ្នាក់នេះកើតមានកាលពីរសៀលថ្ងៃទី៨ ឧសភា ដោយមិនបណ្តាលឱ្យមានមនុស្សស្លាប់ ឬរបួសឡើយ។ ស្ត្រីអ្នកទេសចររូបនេះនិយាយថា យើងមានអារម្មណ៍ថា នាវាចាស់នោះមានបញ្ហាបច្ចេកទេសមួយចំនួនមុនពេលចាកចេញដំណើរ។
ចំណែកអនុប្រធានគណៈកម្មាធិការប្រជាជនខេត្តក្វាងនីញ លោក DANG HUY HAU គូសបញ្ជាក់ថា នាវានេះបានលិចក្រោយការបុកគ្នាជាមួយនាវាមួយគ្រឿងទៀតដែលការអះអាងនេះត្រូវបានបដិសេធដោយស្ត្រីអ្នកទេសចរបារាំង លោកស្រី JOSETTE FARRET ដែលអះអាងថា ពិតជាពុំមានការបុកគ្នាណាមួយឡើយ។ អ្នកដំណើរទាំងអស់អាចជួយផ្ទេរទៅកាន់នាវាមួយទៀតមុនពេលនាវាពួកគេជិះលិច៕
ចែករំលែកព័តមាននេះ