ខេត្តស្វាយរៀង ៖ សមត្ថកិច្ចនគរបាលស្នងការដ្ឋាននគរបាលខេត្តបានដឹកនាំកម្លាំងចុះបង្ក្រាប និងចាប់ខ្លួនក្រុមក្មេងទំនើ.ងចំនួន០៥នាក់ ដែលតែងតែធ្វើសកម្មភាពអុកឡុក ប្រជាពលរដ្ឋធ្វើដំណើរតាមដងផ្លូវ គ.ប់ដុំថ្ម និងដេញកា.ប់ប្រហារជនរងគ្រោះម្នាក់ បណ្តាលឲ្យរងរបួសធ្ងន់ ហើយបានស្លា.ប់បាត់បង់ជីវិតពេលក្រុមគ្រួសារបញ្ជូនដល់មន្ទីរពេទ្យខេត្តស្វាយរៀង…
ខេត្តស្វាយរៀង ៖ សមត្ថកិច្ចនគរបាលស្នងការដ្ឋាននគរបាលខេត្តបានដឹកនាំកម្លាំងចុះបង្ក្រាប និងចាប់ខ្លួនក្រុមក្មេងទំនើ.ងចំនួន០៥នាក់ ដែលតែងតែធ្វើសកម្មភាពអុកឡុក ប្រជាពលរដ្ឋធ្វើដំណើរតាមដងផ្លូវ គ.ប់ដុំថ្ម និងដេញកា.ប់ប្រហារជនរងគ្រោះម្នាក់ បណ្តាលឲ្យរងរបួសធ្ងន់ ហើយបានស្លា.ប់បាត់បង់ជីវិតពេលក្រុមគ្រួសារបញ្ជូនដល់មន្ទីរពេទ្យខេត្តស្វាយរៀង ។
បើតាមសមត្ថកិច្ចបានឲ្យដឹងថា នៅព្រឹកថ្ងៃទី១១ ខែកក្កដា ឆ្នាំ២០២៣ វេលាម៉ោង០៧និង៣០នាទី បន្ទាប់ពីទទួលបានបណ្តឹងពីឪពុករបស់ជនរងគ្រោះ ដែលមានទីលំនៅភូមិរវៀង ឃុំគ្រួស ស្រុកស្វាយជ្រំថា នៅថ្ងៃទី១១ ខែកក្កដា ឆ្នាំ២០២៣ វេលាម៉ោង០០និង៣០នាទីរំលងអធ្រាត្រស្ថិតនៅភូមិប្រសូត្រ១ ឃុំកណ្តៀងរាយ ស្រុកស្វាយទាប កូនរបស់ខ្លួនត្រូវបានក្មេងមួយក្រុមយកដុំថ្មគ.ប់ និងយកកាំបិ.តកា.ប់កូនរបស់ខ្លួន បណ្តាលអោយស្លា.ប់នៅពេលបញ្ជូនដល់មន្ទីរពេទ្យខេត្តស្វាយរៀង ។
គ្រាន់តែទទួលបណ្តឹងភ្លាម កម្លាំងជំនាញបានអនុវត្តតាមបទបញ្ជាដ៏ម៉ឺងម៉ាត់របស់លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង បានដាក់បទបញ្ជាអោយកម្លាំងនគរបាលការិយាល័យជំនាញដឹកនាំដោយលោកឧត្តមសេនីយ៍ត្រី កុយ សុភាព ស្នងការរងទទួលផែនការងារនគរបាលព្រហ្មទណ្ឌ ចុះសហការជាមួយកម្លាំងអធិការដ្ឋាននគរបាលស្រុកស្វាយទាប ធ្វើការស្រាវជ្រាវ រហូតឃាត់ខ្លួនជនសង្ស័យបានចំនួន០៥នាក់ ប្រុស ព្រមទាំងបានដកហូតវត្ថុតាងរួមមានកាំបិ.ត០២ដើម និងដាវ០២ដើម ។
ប្រភពបន្តថា ជនសង្ស័យចំនួន៥នាក់រួមមាន ៖១.ឈ្មោះ គង់ សាវីមុន្នីឧត្តម ភេទប្រុស អាយុ២២ឆ្នាំ មានទីលំនៅភូមិប្រសូត្រទី២ ឃុំកណ្តៀងរាយ ,២.ឈ្មោះអ៊ុំសុផល ភេទប្រុស អាយុ១៦ឆ្នាំ មានទីលំនៅភូមិប្រសូត្រទី១ ឃុំកណ្តៀងរាយ ៣.ឈ្មោះថា បូណា ភេទប្រុស អាយុ១៦ឆ្នាំ មានទីលំនៅភូមិបន្ទាយ ឃុំកណ្តៀងរាយ ,៤.ឈ្មោះសុខ ទិន ភេទប្រុស អាយុ១៦ឆ្នាំ មានទីលំនៅវាលយន្ត សង្កាត់ស្វាយរៀង ក្រុងស្វាយរៀងនិងទី៥.ឈ្មោះ នាង តាវ៉េ ភេទប្រុស អាយុ២១ឆ្នាំ មានទីលំនៅភូមិប្រសូត្រទី១ ឃុំកណ្តៀងរាយ ស្រុកស្វាយទាប ព្រមទាំងដកហូតវត្ថុតាងបានកាំបិ.ត២ដើម និងដាវ២ដើម ។
លោក វរសេនីយ៍ទោ សោម សារ៉ន អធិការនគរបាលស្រុកស្វាយទាប បានឲ្យដឹងថា នៅព្រឹកថ្ងៃទី១១ ខែកក្តដា ឆ្នាំ២០២៣ មានប្រជាពលរដ្ឋឈ្មោះ សោម ភន់ ភេទប្រុស អាយុ៥២ឆ្នាំ មានទីលំនៅភូមិរវៀង ឃុំគ្រួស ស្រុកស្វាយជ្រំ ខេត្តស្វាយរៀង បានមកដាក់ពាក្យបណ្តឹងនៅអធិការដ្ឋាននគរបាលស្រុកស្វាយទាបថា កាលពីវេលាម៉ោង០០និង៣០នាទីរំលងអធ្រាត្រឆ្លងចូលថ្ងៃទី១១ ខែកក្តដា ឆ្នាំ២០២៣ ឈ្មោះធន់ សុផុន ភេទប្រុស អាយុ១៨ឆ្នាំ មុខរបរកម្មកររោងចក្រ ត្រូវជាក្មួយរបស់ខ្លួនមានទីលំនៅភូមិរវៀង ឃុំគ្រួស ស្រុកស្វាយជ្រំ ខេត្តស្វាយរៀង បានទូរស័ព្ទប្រាប់ខ្លួនថា កូនរបស់ខ្លួនឈ្មោះសោម សាម៉ាក់ ភេទប្រុសអាយុ២៤ឆ្នាំ មុខរបរបិតតែមម៉ូតូនៅក្រុងបាវិត ត្រូវបានក្មេងមួយក្រុមគ.ប់ដុំថ្ម និងកា.ប់បណ្តាលអោយរងរបួសរហូតដល់ស្លា.ប់នៅពេលបញ្ជូនដល់មន្ទីរពេទ្យខេត្តស្វាយរៀង។
លោកបានបន្តថា ក្រោយពីសមត្ថកិច្ចយើងទទួលបានពាក្យបណ្តឹងនេះភ្លាមបានរាយការណ៍ជូនលោកឧត្តមសេនីយ៍ត្រីកុយ សភាព ស្នងការរង បានដឹកនាំកម្លាំងជំនាញព្រហ្មទណ្ឌខេត្តសហការជាមួយកម្លាំងជំនាញនៃអធិការដ្ឋាននគរបាលស្រុកស្វាយទាប កម្លាំងប៉ុស្តិ៍នគរបាលរដ្ឋបាលឃុំសំបួរ និងប៉ុស្តិនគរបាលរដ្ឋបាលឃុំកណ្តៀងរាយធ្វើការស្រាវជ្រាវរហូតដល់ម៉ោង២និង០០បាទីរសៀលថ្ងៃ១១ ខែកក្កដា ឆ្នាំ២០២៣ ទើបកំណត់មុខសញ្ញាជនសង្ស័យបាន និងឃាត់ខ្លួនបានចំនួន៥នាក់ ។
បច្ចុប្បន្នដោយមានការអនុញ្ញាតពីឯកឧត្តមព្រះរាជអាជ្ញា ជនសង្ស័យទាំង៥នាក់កំពុងឃាត់ខ្លួន និងបានបញ្ជូនទៅការិយាល័យជំនាញ ចាត់ការបន្ត និងបានបញ្ជូនជនសង្ស័យរួមនឹងវត្ថុតាង ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីច្បាប់៕
ចែករំលែកព័តមាននេះ