ដីព្រៃលិចទឹកតំបន់៣ ដែលរាជរដ្ឋាភិបាល បានដកហូតពីអ្នកកាន់កា.ប់រំលោ.ភទន្ទ្រានយកនោះ ពេលនេះត្រូវជនខិលខូចលួចទន្ទ្រានជាថ្មីទៀតហើយ ដែលហាក់បីដូចជា ប្រឆាំងនឹងអនុសាសន៍របស់សម្ដេចតេជោ ហ៊ុន សែន យ៉ាងដូច្នេះដែរ។ ហើយដីព្រៃលិចទឹកដែលត្រូវបានដក
ខេត្តកំពង់ឆ្នាំង ៖ ដីព្រៃលិចទឹកតំបន់៣ ដែលរាជរដ្ឋាភិបាល បានដកហូតពីអ្នកកាន់កា.ប់រំលោ.ភទន្ទ្រានយកនោះ ពេលនេះត្រូវជនខិលខូចលួចទន្ទ្រានជាថ្មីទៀតហើយ ដែលហាក់បីដូចជា ប្រឆាំងនឹងអនុសាសន៍របស់សម្ដេចតេជោ ហ៊ុន សែន យ៉ាងដូច្នេះដែរ។ ហើយដីព្រៃលិចទឹកដែលត្រូវបានដក រហូតទុកជាសម្បត្តិរដ្ឋសម្រាប់ត្រីពងកូននោះ ត្រូវជនឆក់ឱកាសឈូសឆាយទន្ទ្រានយកវិញ មានរហូតដល់ទៅរាប់រយហិចតា ដើម្បីតែប្រយោជន៍ផ្ទាល់ខ្លួនខុសពីច្បាប់យ៉ាងធ្ងន់ធ្ងរ ដោយមិនអាចអត់ឱនបានឡើយ។
ដីដែលត្រូវជនឆក់ឱកាសទន្ទ្រានយកនោះ មាននៅចំណុចដងព្រែកសាយ ស្ថិតក្នុងឃុំច្រណូក ស្រុកកំពង់លែង ត្រូវបានជនឆក់ឱកាសប្រើត្រាក់ទ័រជាច្រើនគ្រឿងចូលទៅឈូសឆាយ និងភ្ជួរឡើងវិញក្នុងរយៈពេលថ្មីៗនេះ មានរាប់រយហិចតា។
ចំណែកក្រុមអ្នកសារព័ត៌មានថ្មីៗនេះ បានធ្វើដំណើរតាមផ្លូវទឹកចុះទៅកាន់ចំណុចចំនួន៤ ក្នុងភូមិសាស្ត្រឃុំច្រណូក ស្រុកកំពង់លែង ដើម្បីផ្តិតយករូបភាពជាក់ស្ដែង ដើម្បីពិនិត្យទប់ស្កាត់ និងចាត់វិធានការឱ្យទាន់ពេលវេលា ចំពោះជនឆក់ឱកាសដែលកំពុងប្រព្រឹត្តយ៉ាងអនាធិបតេយ្យនេះ។
តាមរយៈការប្រើប្រាស់ឧបករណ៍ថតពីលើ (ដ្រូ.ន) គេឃើញដីដែលបានទន្ទ្រានយក រួមមាន ៖ ទីតាំងទី១- ស្ថិតនៅចំណុចយាយភាច ចំណុចនេះសមត្ថកិច្ចខណ្ឌរដ្ឋបាលជលផលបានចុះទៅវាស់វែងរួចហើយ។ ដោយបានរកឃើញការឈូសឆាយមានចំនួន៥២ហិចតា។ ទីតាំង២-នៅចំណុចខ្លាខាំគោ ចំណុចនេះទល់មុខនឹងចំណុចយាយភាចប្រហែល៣០០ម៉ែត្រ មានរាប់រយហិចតា។ ទីតាំងទី៣- ចំណុចបាយឆៅ និងទីតាំងទី៤- ចំណុចបឹងចារៀក។
ជុំវិញករណីខាងលើនេះ លោក យ៉ែម លក្ខិណា អភិបាលស្រុកកំពង់លែង បានបញ្ជាក់ថាអភិបាលខេត្តកំពង់ឆ្នាំង បានបញ្ជាឲ្យក្រុមការងារថ្នាក់ស្រុក ចុះទៅពិនិត្យទីតាំងទាំងអស់ខាងលើនោះហើយ។ លោកក៏បានកោះហៅអ្នកមានត្រាក់ទ័រទាំងអស់ មកធ្វើការប្រជុំផ្សព្វផ្សាយអប់រំជាថ្មីដល់ពួកគាត់ ដើម្បីឱ្យបញ្ឈប់ការឈូសឆាយ និងភ្ជួរដីព្រៃលិចទឹករបស់រដ្ឋជាថ្មីទៀត។
ជាមួយគ្នានេះ លោកអភិបាលស្រុក បានសន្យាថា ក្រោយពេលបោះឆ្នោតខាងមុខនេះ លោកនឹងដាក់ផែនការច្បាស់លាស់ ដោយត្រាក់ទ័រ និងគ្រឿងចក្រទាំងអស់ ត្រូវភ្ជាប់ដោយប្រព័ន្ធ GPS។ ប្រសិនបើពួកគាត់ទៅតំបន់ដីព្រៃលិចទឹក ធ្វើសកម្មភាពទៀតនឹងមិនអាចគេចខ្លួនពីសំណាញ់ច្បាប់បានឡើយ។
ដោយឡែក លោក លី ឡា នាយខណ្ឌរដ្ឋបាលជលផលកំពង់ឆ្នាំង បានបញ្ជាក់ថា លោកបានទទួលព័ត៌មាននេះហើយ លោកនឹងប្រមូលកម្លាំងផ្នែកជលផលទាំងអស់ ចុះទៅពិនិត្យទីតាំងទាំងនោះ ដើម្បីធ្វើការវាស់វែងរកលេខកូដនិយាមការ ឲ្យបានច្បាស់លាស់ថា តើដីដែលមានការរំលោ.ភបំពាននោះជាដីប្រភេទដីអ្វី? ហើយទំហំនៃការខូចខាតអស់ប៉ុន្មាន? បន្ទាប់មក លោកនឹងស្រាវជ្រាវរកអ្នកពាក់ព័ន្ធលើករណីនេះ ដើម្បីធ្វើរបាយការណ៍បញ្ជូនទៅប្រធានមន្ទីរកសិកម្មខេត្តកំពង់ឆ្នាំង ឲ្យបានឆាប់ផងដែរ៕
ចែករំលែកព័តមាននេះ