ប៉ូលិសទុយនីស៊ីបានបា.ញ់ឧស្ម័នបង្ហូរទឹកភ្នែកកាលពីថ្ងៃទី៨ ឧសភា ដើម្បីបំបែកបាតុកម្មប្រឆាំងរដ្ឋាភិបាលមួយនៅកណ្តាលក្រុងទុយនីស ដែលនោះជាបាតុកម្ម៤ថ្ងៃជាប់ៗគ្នា។
ចំណែកនាយករដ្ឋមន្ត្រីបណ្តោះអាសន្នទុយនីស៊ី លោក BEJI CAID ESSEBSI បានលើកឡើងជាលើកដំបូងពីយថាភាពនៃការពន្យារពេលការបោះឆ្នោតសភា ដែលគ្រោងធ្វើនាថ្ងៃទី២៤ កក្កដា ខាងមុខនេះដោយសារហេតុផលខាងបច្ចេកទេស។
ប៉ូលិសទុយនីស៊ីបានបាញ់ឧស្ម័នបង្ហូរទឹកភ្នែកកាលពីថ្ងៃទី៨ ឧសភា ដើម្បីបំបែកបាតុកម្មប្រឆាំងរដ្ឋាភិបាលមួយនៅកណ្តាលក្រុងទុយនីសដែលនោះជាបាតុកម្ម៤ថ្ងៃជាប់ៗគ្នា។
ចំណែកនាយករដ្ឋមន្ត្រីបណ្តោះអាសន្នទុយនីស៊ី លោក BEJI CAID ESSEBSI បានលើកឡើងជាលើកដំបូងពីយថាភាពនៃការពន្យារពេលការបោះឆ្នោតសភាដែលគ្រោងធ្វើនាថ្ងៃទី២៤ កក្កដា ខាងមុខនេះដោយសារហេតុផលខាងបច្ចេកទេស។
ការបោះឆ្នោតនោះ គឺសំដៅជ្រើសរើសសភាធម្មនុញ្ញមួយទទួលបន្ទុកតាក់តែងរដ្ឋធម្មនុញ្ញថ្មីក្នុងទិសដៅក្រោយលោកបេនអាលី ជាឈ្មោះប្រធានាធិបតីដែលបានដឹកនាំប្រទេសក្នុងកណ្តាប់ដៃដែករយៈពេល២៣ឆ្នាំរហូតដល់ពេលលោកត្រូវផ្តួលរំលំកាលពីថ្ងៃទី១៤ មករា កន្លងមកនេះដោយសារចលនាបះបោររបស់ប្រជាជន។
ក្នុងបទសម្ភាសន៍មួយផ្សាយតាមទូរទស្សន៍ជាតិប្រមុខរដ្ឋាភិបាលគូសបញ្ជាក់ថា មានការរារាំងខាងបច្ចេកទេស ដែលប្រការនេះជាលទ្ធភាពមួយទៀតដែលត្រូវពិនិត្យឡើងវិញលើកាលបរិច្ឆេទនៃការបោះឆ្នោត។
ក្នុងឱកាសនៃបាតុកម្មពួកយុវជនបានស្រែកពាក្យនានាឱ្យលោក BEJI CAID ESSEBSI និងក្រុមរបស់លោកលាលែងចេញ។ អាជ្ញាធរបានតបតចំពោះបាតុកម្មលើកចុងក្រោយទាំងឡាយដោយកាលពីយប់ថ្ងៃទី៧ ឧសភា បានដាក់បំរាមគោចរនាពេលយប់។ នាថ្ងៃទី ៨ ឧសភា កងកម្លាំងប៉ូលិសបានបាញ់ឧស្ម័នបង្ហូរទឹកភ្នែកដើម្បីបណ្តេញពួកយុវជនដែលធ្វើបាតុកម្មនៅតាមមហាវិថី BOURGUIBA ជាវិថីធំជាងគេកាត់កណ្តាលក្រុង ៕
ចែករំលែកព័តមាននេះ