ប្តីមកពីផឹកស៊ី ផ្ទុះជម្លោះកា.ប់ប្រពន្ធ និងកូនស្រីជាច្រើនកាំបិ.ត
- ព្រៃវែង
ខេត្តព្រៃវែង ៖ ប្តីត្រឡប់មកពីផឹកស៊ីជាមួយមិត្តភក្តិស្រវឹងជោគជាំ ប្រពន្ធជេរស្ដីបន្ទោស កើតទៅជា
ខេត្តព្រៃវែង ៖ ប្តីត្រឡប់មកពីផឹកស៊ីជាមួយមិត្តភក្តិស្រវឹងជោគជាំ ប្រពន្ធជេរស្ដីបន្ទោស កើតទៅជាជម្លោះ រហូតឈានដល់ប្រើអំពើហិ.ង្សាវា.យប្រតាយប្រតប់គ្នា ចុងក្រោយប្តីទាញកាំបិ.ត កា.ប់សន្ធាប់លើប្រពន្ធ លុះកូនស្រីចូលមកជួយ ក៏កា.ប់ត្រូវទាំងកូន ដួលដេកលើដី បណ្តាលឱ្យរងរបួសធ្ងន់ទាំង២នាក់ ចំណែកបុរសជាប្តីត្រូវសមត្ថកិច្ច ចាប់វា.យខ្នោះ។
ហេតុការណ៍ខាងលើនេះ បានកើតឡើងកាលពីវេលាម៉ោង៩យប់ថ្ងៃទី៩ ខែកក្កដា ស្ថិតក្នុងភូមិក្រូច ឃុំក្ដឿងរាយ ស្រុកកញ្ជ្រៀច ខេត្តព្រៃវែង ។
សមត្ថកិច្ចបានអោយដឹងថា ជនរងគ្រោះជាប្រពន្ធឈ្មោះ ផល ស៊ាងរ៉ា អាយុ៣៩ឆ្នាំ រងរបួស៥កន្លែង ក្នុងនោះ១-របួសដាច់រយះលើផ្ទៃមុខខាងឆ្វេង, ២-ដា.ច់រយះលើកំភួនដៃខាងឆ្វេង, ៣-ដា.ច់ស្បែកក្បាលលើចុងចិញ្ចើមខាងឆ្វេង, ៤-ដា.ច់.ស្បែកក្បាលផ្នែកលើត្រចៀកខាងឆ្វេង, ៥-ដា.ច់រយះចង្កា (របួសធ្ងន់) ។ ចំណែកកូនស្រីឈ្មោះ ចាន់ ឌី អាយុ១៥ឆ្នាំ រងរបួស២កន្លែង គឺនៅលើភ្លៅ ខាងស្ដាំមួយកន្លែង និងមេដៃខាងស្តាំមួយកន្លែង(ធ្ងន់) ។
ដោយឡែកជនសង្ស័យមានឈ្មោះ ទូច ចាន់ ភេទប្រុស អាយុ៣៨ឆ្នាំ ត្រូវបានសមត្ថកិច្ចចាប់ឃាត់ខ្លួនភ្លាមៗ ក្រោយធ្វើសកម្មភាពកា.ប់ប្រពន្ធនិងកូនស្រីបណ្តាលអោយរងរបួសធ្ងន់ធ្ងរ។
យោងតាមរបាយការណ៍របស់សមត្ថកិច្ចបានអោយដឹងថា មុនពេលកើតហេតុ ជនសង្ស័យជាប្តីបានចេញទៅផឹកស៊ីនៅខាងក្រៅជាមួយមិត្តភក្តិ លុះពេលត្រឡប់មកដល់ផ្ទះវិញ ស្រវឹងជោគជាំ ក៏ត្រូវជនរងគ្រោះជាប្រពន្ធ បានស្តីបន្ទោស ជេរប្រមាថ ។ ពេលនោះប្ដីបានឃាត់កុំឱ្យជេរ តែជនរងគ្រោះជាប្រពន្ធមិនព្រមឈប់ នៅតែជេរ និងបានយកទឹកនោមក្នុងកន្ថោរមកជះលើជនសង្ស័យជាប្ដី រួចរុញឱ្យដួលទៀត ទើបកើតការប្រតាយប្រតប់គ្នាឡើង ។ បន្ទាប់មកជនសង្ស័យជាប្តី បានដើរទៅចង្ក្រានបាយរួចទាញកាំបិ.តប៉័ងតោកា.ប់ទៅលើប្រពន្ធជាច្រើនកាំបិ.ត លុះពេលកូនស្រីឈ្មោះ ចាន់ ឌី មកជួយ ក៏ត្រូវទាំងកូនស្រីទៀត បណ្តាលឱ្យ រងរបួសធ្ងន់ទាំង២នាក់ម្តាយនិងកូនតែម្តង ។
បន្ទាប់ពីធ្វើសកម្មភាពកា.ប់ប្រពន្ធ និងកូនរួច ជនសង្ស័យបានរត់គេចខ្លួនទៅផ្ទះមិត្តភក្តិឈ្មោះ ម៉ៅ ភេទប្រុស អាយុ៣៤ឆ្នាំ នៅភូមិតាណាល ឃុំក្ដឿងរាយ ស្រុកកញ្ជ្រៀច ខេត្តព្រៃវែង ហើយក៏ត្រូវកម្លាំងនគរបាលខេត្តព្រៃវែង ចាប់ឃាត់ខ្លួនបាននៅទីនោះតែម្តង ។
បច្ចុប្បន្ន ជនសង្ស័យជាប្តី រួមជាមួយវត្ថុតាង កាំបិ.ត ត្រូវបាននគរបាល ឃាត់ខ្លួនយកមកអធិការដ្ឋាននគរបាលស្រុកកញ្ជ្រៀច ដើម្បីកសាងសំណុំរឿងតាមនីតិវិធី ចំណែកជនរងគ្រោះ២នាក់ម្តាយកូន កំពុងព្យាបាលនៅក្នុងមន្ទីរពេទ្យ៕
ចែករំលែកព័តមាននេះ