ADផ្ទាំងផ្សព្វផ្សាយពាណិជ្ជកម្ម

បាតុកម្មនៅម៉ារ៉ុកទាមទារការកែទម្រង់

14 ឆ្នាំ មុន

០៩ ខែ ឧសភា ឆ្នាំ ២០១១ ម៉ោង ០២:២៧

ពួកបាតុករជាច្រើនពាន់នាក់បាននាំគ្នាដើរហែក្បួនកាលពីថ្ងៃទី៨ ឧសភា ក្នុងវិថីទាំងឡាយនៃទីក្រុង MARRAKECH ដើម្បីទាមទារឱ្យមានការកែទម្រង់នានានៅម៉ារ៉ុក ហើយក៏ដើម្បីប្រឆាំងនឹងអំពើហិង្សាភេរវកម្មក្រោយការវាយប្រហារយ៉ាងបង្ហូរឈាមមួយប្រឆាំងហាងកាហ្វេនៃទីក្រុងទេសចរណ៍នោះកាលពីថ្ងៃទី២៨ មេសា កន្លងមកនេះ។ បាតុកម្មនៅក្រុង MARRAKECH ជាបាតុកម្មលើកក្រោយគេមួយបន្ទាប់ពីបាតុកម្មនានាដែលរៀបចំធ្វើដោយចលនារបស់ពួកយុវជន។ បាតុកម្មនេះបានហែចេញពី BAB DOUKKA- LA ទៅកាន់មុខហាងកាហ្វេ ភោជនីយដ្ឋានជាកន្លែងដែលមនុស្ស១៧នាក់ ក្នុងនោះមានជនជាតិបារាំង៨នាក់ស្លាប់ក្នុងការវាយប្រហារភេរវកម្មថ្មីៗកន្លងមកនេះ។ អាជ្ញាធរម៉ារ៉ុកបានចាប់ខ្លួនជនសង្ស័យ៣នាក់ ហើយអះអាងថា ជនសង្ស័យសំខាន់នៃការវាយប្រហារនោះមានទំនាក់ទំនងជាមួយអាល់កៃដា។ សាខាអាល់កៃដា អាហ្វ្រិកខាងជើង AQMI អះអាងកាលពីថ្ងៃទី៧ ឧសភា កន្លងមកនេះថា ខ្លួនពុំមែនជាអ្នកទទួលខុសត្រូវលើការវាយប្រហារនៅក្រុង MARRA-KECH ឡើយ ៕

ADផ្ទាំងផ្សព្វផ្សាយពាណិជ្ជកម្ម

បាតុ​កម្ម​នៅ​ម៉ារ៉ុក​ទាម​ទារ​ការ​កែ​ទម្រង់​

អត្តបទផ្សេងៗទៀត

បាតុកម្មនៅម៉ារ៉ុកទាមទារការកែទម្រង់