ព្រះគ្រូចៅអធិការវត្តមួយព្រះអង្គ ចុះលាងជើងក្នុងទឹកស្រះវត្ត ជួបគ្រោះអកុសល ត្រឹមមួយប៉ប្រិចភ្នែក
- ព្រៃវែង
ខេត្តព្រៃវែង ៖ ជារឿងនឹកស្មានមិនដល់ និងគួរអោយស្តាយស្រណោះបំផុត សំរាប់ពុទ្ធបរិស័ទចំណុះ
ខេត្តព្រៃវែង ៖ ជារឿងនឹកស្មានមិនដល់ និងគួរអោយស្តាយស្រណោះបំផុត សំរាប់ពុទ្ធបរិស័ទចំណុះជើងវត្តប្រហ៊ូត ដែលស្ថិតក្នុងឃុំត្រពាំងស្រែ ស្រុកមេសាង ខេត្តព្រៃវែង ដោយសារតែព្រះគ្រូចៅអធិការវត្តប្រហ៊ូត បានសុគត ខណៈព្រះអង្គចុះលាងជើងក្នុងស្រះទឹក ហើយរអិលជើងធ្លា.ក់ក្នុងទឹកស្រះវត្ត បណ្តាលឱ្យល.ង់ ។
ហេតុការណ៍ខាងលើនេះបានកើតឡើងកាលពីវេលាម៉ោង៩ព្រឹកថ្ងៃទី៦ កក្កដា នៅក្នុងបរិវេណវត្តប្រហ៊ូត ដែលស្ថិតក្នុងឃុំត្រពាំងស្រែ ស្រុកមេសាង ខេត្តព្រៃវែង ។
ព្រះតេជគុណរងគ្រោះព្រះនាម អ៊ឹម អឹម ព្រះជន្ម៧៤វស្សា ជាព្រះគ្រូចៅអធិការវត្តប្រហ៊ូត ។
យោងតាមរបាយការណ៍របស់សមត្ថកិច្ចបានអោយដឹងថា នៅមុនពេលកើតហេតុ ព្រះតេជគុណ អ៊ឹម អឹម បាននិមន្តមើលសណ្តាប់ធ្នាប់នៅក្នុងបរិវេណវត្ត ហើយជើងបានប្រឡាក់ដី គាប់ជួននិមន្តមកដល់មាត់ស្រះផង ទើបព្រះអង្គចុះលាងជើងក្នុងទឹកស្រះតែម្តង ដោយអោយកូនក្មេងម្នាក់នៅក្នុងវត្ត ឈរកាន់ដៃព្រះអង្គនៅលើច្រាំង ហើយព្រះអង្គលូកជើងចុះលាងក្នុងទឹក តែពេលកំពុងលាងជើងនោះ លោកតាបានរអិលជើងធ្លា.ក់ចូលក្នុងស្រះ ដោយទឹកមានជំរៅដល់ទៅជាង៦ម៉ែត្រ ហើយព្រះអង្គមិនចេះហែលទឹក ។ ម្យ៉ាងព្រះអង្គមានព្រះជន្មចាស់ជរា មានជម្ងឺប្រចាំកាយទៀត ទើបបណ្តាលអោយល.ង់ទឹកស្រះ ។ ភ្លាមៗនោះក្មេងដែលនៅជាមួយឃើញព្រះអង្គល.ង់ទឹកបែបនេះ ក៏រត់ទៅរកព្រះសង្ឃផ្សេងទៀតអោយមកជួយដែរ ប៉ុន្តែទំរាំមកដល់ ចុះរាវរកព្រះអង្គឃើញ គឺព្រះអង្គបានសុគតបាត់ទៅហើយ។
ក្រោយកើតហេតុភ្លាម សមត្ថកិច្ចបានចុះទៅដល់កន្លែងកើតហេតុ ធ្វើការត្រួតពិនិត្យព្រះស.ព និងសាកសួរសាក្សីនៅកន្លែងកើតហេតុ និងបានបញ្ជាក់ថា ព្រះគ្រូចៅអធិការវត្ត ពិតជាសុគតដោយសារល.ង់ទឹកប្រាកដមែន ទើបប្រគល់ព្រះស.ពជូនគណៈកម្មការវត្ត រៀបចំធ្វើបុណ្យតាមប្រពៃណីតែម្តងទៅ ៕
ចែករំលែកព័តមាននេះ