កំពត ៖ ឯកឧត្តម ម៉ៅ ធនិន អភិបាលខេត្តកំពត អមដំណើរលោកអភិបាលរងខេត្ត និងមន្ត្រីរៀបចំដែនដីខេត្ត, លោកអភិបាលស្រុកអង្គជ័យ និងរៀបចំដោះស្រាយក្រៅប្រព័ន្ធតុលាការចំនួន១១ករណី ដែលមានទំនាស់រវាងពលរដ្ឋនិងពលរដ្ឋ មកពីឃុំចំនួន7ក្នុងស្រុកអង្គជ័យ ។
ការដោះស្រាយគ្រប់ភាគីដែលមានទំនាស់ដណ្ដើមដីសាធារណៈ ក៏ដូចជាធ្វើរបងបិទផ្លូវសាធារណៈនេះបានរៀបចំកាលពីព្រឹកថ្ងៃទី០៥ ខែកក្កដា ស្ថិតនៅក្នុងបរវេណវត្តត្រពាំងខ្វា ឃុំភ្នំកុងស្រុកអង្គជ័យ ខេត្តកំពត ។
លោកមួង នឿន អភិបាលស្រុកអង្គជ័យបានមានប្រសាសន៍ថា ប្រជាពលរដ្ឋចំនួន7មកចូលរួមស្ដាប់ការដោះស្រាយពីឯកឧត្តមអភិបាលខេត្តកំពត ក្នុងនោះ ៧ឃុំនោះមានករណីចំនួន១១រឿង ត្រូវធ្វើការដោះស្រាយពាក់ពន្ធ័ និងការធ្វើរបងបិទផ្លូវនិងធ្វើរបងលើផ្លូវសាធារណៈ ដែលមានឃុំចំប៉ី ឃុំអង្គជ័យ ឃុំដំបូកខ្ពស់ ឃុំតានី ឃុំភ្នំកុង ឃុំម្រោមឃុំដើមដូង។
ឯកឧត្តមម៉ៅ ធនិន អភិបាលខេត្តកំពត មុននិងដោះស្រាយក្នុងដំណើរឿងនីមួយៗត្រូវហៅលោកមេឃុំលោកមេភូមិនិងភាគីទាំងសងខាងទាំងដើមចោទ និងចុងចោទមកឈរពីមុខនិងសួរដំណើរឿងភាគីនិមួយៗដើម្បីបំភ្លឺនូវអង្គហេតុនិងមន្ត្រីជំនាញរៀបចំដែនដីខេត្ត ត្រូវបញ្ជាន់ដែនទីមើលពីលើផង។
ឯកឧត្តមម៉ៅ ធនិន មានប្រសាសន៍ថា ពួកឯងទាំងពីរនាក់កើតជម្លោះកន្លងមករឿងដណ្ដើមដីសាធារណៈបើអ្នកឯងយកដីសាធារណឱ្យជំនាញជាន់ផែនទីមើលនិងដីក្នុងប្លង់អ្នកឯងមានប៉ុន្មានឯងយកប៉ុណ្ណឹងទៅវាចប់រឿងហើយសល់ប៉ុន្មានប្រគល់អោយរដ្ឋវិញទៅវាចប់រឿងហើយ ។
មួយទៀត គេធ្វើរបងរំលោភយកដីផ្លូវសាធារណះត្រូវតែវាយរបងចោល ។
ឯកឧត្តមអភិបាលខេត្តបង្គាប់អោយឯកឧត្តមសេង សេរីបុត្រ អភិបាលរងខេត្ត និងឯកឧត្តមង៉ាន់ ថារិទ្ធអភិបាលរងខេត្តនិងមន្ត្រីជំនាញចុះធ្វើការរឿងនេះអោយបាន និងរឿងមួយទៀត មានឯកឧត្តមម្នាក់ប្រើគ្រឿងចក្រកាយដីបឹងយកធ្វើកម្មសិទ្ធិហើយបិទផ្លូវប្រជាពលរដ្ឋមិនបានដើរឆ្លងកាត់បាន ។
ឯកឧត្តមអភិបាលខេត្តបង្គាប់ឱ្យលោកចាន់ វណ្ណា ប្រធានមន្ទីរធនធានទឹកខេត្តពិនិត្យបើរកឃើញថា គេកាយយកដីរដ្ឋមែនដកហូតយកមកវិញហើយបើធ្វើមិនកើតទេលោកចុះមកធ្វើខ្លួនឯងផ្ទាល់មិនអោយពុកម៉ែព្រួយបារម្ភនិងទន្ទឹងចាំមើលផ្លូវទេ ។
ចែករំលែកព័តមាននេះ