យុវជនចំនួន៣នាក់ ក្នុងនោះ២នាក់ជាសិស្សសាលា និងម្នាក់ទៀតជាកម្មកររោងចក្រ កាលពីថ្ងៃអាទិត្យទី២ ខែកក្កដា ឆ្នាំ២០២៣ ទំនងជាថ្ងៃសម្រាកពីការសិក្សា និងការងារ ក៏នាំគ្នាចេញពីភ្នំពេញទៅលេងក្រុងបូកគោ រួចនាំគ្នា
ខេត្តកំពត ៖ បើតាមសេចក្តីរាយការណ៍បានឱ្យដឹងថា យុវជនចំនួន៣នាក់ ក្នុងនោះ២នាក់ជាសិស្សសាលា និងម្នាក់ទៀតជាកម្មកររោងចក្រ កាលពីថ្ងៃអាទិត្យទី២ ខែកក្កដា ឆ្នាំ២០២៣ ទំនងជាថ្ងៃសម្រាកពីការសិក្សា និងការងារ ក៏នាំគ្នាចេញពីភ្នំពេញទៅលេងក្រុងបូកគោ រួចនាំគ្នាបង្ហោះម៉ូតូលេង ហើយក៏ត្រូវសមត្ថកិច្ចចាប់ឃាត់ខ្លួនយកទៅដុសក្អែល និងកោ.រសក់តែម្តង ហើយឲ្យធ្វើកិច្ចសន្យា ទើបឲ្យវិលទៅផ្ទះវិញ ដើម្បីថ្ងៃក្រោយឱ្យរាង។
សេចក្តីរាយការណ៍បន្តថា យុវជនទាំង៤នាក់នោះ រួមមាន ៖ ១- ឈ្មោះ សេង សុវណ្ណារ៉ា ភេទប្រុស អាយុ១៦ឆ្នាំ រស់នៅភូមិព្រៃស សង្កាត់ព្រៃ.ស ខណ្ឌដង្កោ រាជធានីភ្នំពេញ មុខរបរ សិស្ស។ ២- ឈ្មោះ ឈៀង លីហួរ ភេទប្រុស អាយុ១៦ឆ្នាំ រស់នៅភូមិថ្មគោល សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ មុខរបរកម្មកររោងចក្រ។ ៣- ឈ្មោះ សុន សុធារិទ្ធ ភេទប្រុស អាយុ១៥ឆ្នាំ រស់នៅភូមិថ្មគោល សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ មុខរបរសិស្ស។ ៤- ឈ្មោះ ម៉ន ម៉េងឡុង ភេទប្រុស អាយុ១៧ឆ្នាំ រស់នៅភូមិថ្មគោល សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ មុខរបរសិស្ស។
តាមសេចក្តីរាយការណ៍បឋមបានឲ្យដឹងថា កាលពីវេលាម៉ោង១១ព្រឹកថ្ងៃខែខាងលើ មានករណីយុវជនចំនួន៤នាក់ ជិះម៉ូតូ២គ្រឿង ចេញពីភ្នំពេញ លុះដល់ចំណុចភូមិទទឹងថ្ងៃ សង្កាត់បឹងទូក ក្រុងបូកគោ ខេត្តកំពត ពួកគេក៏នាំគ្នាបង្ហោះលេងយ៉ាងអនាធិបតេយ្យពេញលើដងផ្លូវតែម្តង។
ដោយឃើញដូច្នោះ លោកឧត្តមសេនីយ៍ទោ ស្នងការ នៃស្នងការដ្ឋាននគរបាលខេត្តកំពត បានបញ្ជាទៅសមត្ថកិច្ចនគរបាលក្រុងបូកគោ ឲ្យឃាត់ខ្លួនយុវជនមួយក្រុមនោះ ដើម្បីធ្វើកិច្ចសន្យាអប់រំ មុននឹងឲ្យត្រឡប់ទៅលំដ្ឋានវិញ ដើម្បីសុំថ្ងៃក្រោយឱ្យរាង៕
ចែករំលែកព័តមាននេះ