មន្ត្រីនគរបាលមួយរូប ដែលជាអ្នកកាងទំនិញដ៏សកម្មចេញពីប្រទេសវៀតណាម ចូលមកក្នុងប្រទេសកម្ពុជា ស្ថិតនៅភូមិសាស្ត្រខេត្តតាកែវនោះ ពេលនេះត្រូវបានសមត្ថកិច្ចចាប់ខ្លួនកាលពីថ្មីៗនេះ ហើយកំពុងបន្តនីតិវិធីកសាងសំណុំរឿង និងគ្រោងនឹងបញ្ជូនទៅកាន់
ខេត្តតាកែវ ៖ មន្ត្រីនគរបាលមួយរូប ដែលជាអ្នកកាងទំនិញដ៏សកម្មចេញពីប្រទេសវៀតណាម ចូលមកក្នុងប្រទេសកម្ពុជា ស្ថិតនៅភូមិសាស្ត្រខេត្តតាកែវនោះ ពេលនេះត្រូវបានសមត្ថកិច្ចចាប់ខ្លួនកាលពីថ្មីៗនេះ ហើយកំពុងបន្តនីតិវិធីកសាងសំណុំរឿង និងគ្រោងនឹងបញ្ជូនទៅកាន់សាលាដំបូងខេត្តតាកែវហើយ នៅថ្ងៃទី៤ ខែកក្កដាស្អែកនេះ។ ហើយមន្ត្រីនគរបាលរូបនេះ ក៏ត្រូវគេនិយាយថា បានផ្ទុះអាវុ.ធក្នុងបុព្វហេតុកាងទំនិញបង្កឱ្យមានការភ្ញាក់ផ្អើល និងប៉ះពាល់ដល់សន្តិសុខសណ្ដាប់ធ្នាប់សាធារណៈផងដែរ។
បើតាមប្រភពព័ត៌មានបានរាយការណ៍ឱ្យដឹងថា នៅថ្ងៃទី០១ ខែកក្កដា ឆ្នាំ២០២៣ វេលាម៉ោង០៨និង៤០នាទី នៅតាមបណ្តោយផ្លូវជាតិលេខ២ ស្ថិតក្នុងភូមិបន្ទាយ ឃុំជីខ្មារ ស្រុកទ្រាំង ខេត្តតាកែវ មានករណីរារាំងការអនុវត្តច្បាប់របស់មន្ត្រីសាធារណៈ និងប្រើប្រាស់អាវុ.ធខុសច្បាប់បានកើតឡើង ដែលបង្កឡើងដោយបុរសម្នាក់មានឈ្មោះ ណុប សំបូរ អាយុ៣១ឆ្នាំ ជានាយរងការិយាល័យនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តតាកែវ និងមានទីលំនៅនៅភូមិកំពង់អំពិល ឃុំ-ស្រុកបូរីជលសារ ខេត្តតាកែវ។
ប្រភពដដែលបន្តថា មន្ត្រីនគរបាលរូបនេះ បានជិះរថយន្ត០១គ្រឿង ម៉ាក FORD RANGER WILDTRAK ពណ៌ស ពាក់ស្លាកលេខ ភ្នំពេញ1BY-9899 ហើយធ្វើសកម្មភាពរារាំង (បិទគូថ) និងដកកាំភ្លើ.ងខ្លីបា.ញ់ចំនួន០៥គ្រា.ប់ ដើម្បីគំរា.មដល់កម្លាំងគយដែលចុះបង្ក្រាបទំនិញគេចពន្ធនាំចូល។
ប្រភពដដែលបន្តទៀតថា លុះមកដល់ថ្ងៃទី០២ ខែកក្កដា ឆ្នាំ២០២៣ ដោយមានបទបញ្ជាពីលោកស្នងការ កម្លាំងជំនាញការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងអធិការដ្ឋាននគរបាលស្រុកទ្រាំង និងកម្លាំងអធិការដ្ឋាននគរបាលស្រុកគិរីវង់ ដឹកនាំដោយលោកវរសេនីយ៍ឯក យុង ញីវ នាយការិយាល័យ ចុះធ្វើការស្រាវជ្រាវនៅកន្លែងកើតហេតុ រហូតរកឃើញសម្បកគ្រា.ប់កាំភ្លើ.ងពណ៌ទឹកប្រាក់ ចំនួន០១គ្រា.ប់។
ហើយដោយមានការសម្របសម្រួលនីតិវិធីពី លោកព្រះរាជអាជ្ញា កម្លាំងជំនាញការិយាល័យនគរបាលព្រហ្មទណ្ឌកម្រិតស្រាល បានឃាត់ខ្លួនឈ្មោះ ណុប សំបូរ រួមជាមួយនឹងវត្ថុតាងកាំភ្លើ.ងខ្លីម៉ាក GLOCK លេខDZH980, គ្រា.ប់កាំភ្លើ.ងចំនួន១៥គ្រា.ប់ (គ្រា.ប់ពណ៌ទឹកប្រាក់ចំនួន១០គ្រា.ប់), បង់កាំភ្លើ.ងចំនួន០១ និងរថយន្ត០១គ្រឿងម៉ាក FORD RANGER WILDTRAK ពណ៌ស ពាក់ស្លាកលេខ ភ្នំពេញ1BY-9899 នាំយកមកសាកសួរ និងកសាងសំណុំរឿងទៅតាមនីតិវិធី។
ប្រភពដដែលនិយាយទៀតថា លោក ណុប សំបូរ ដែលជាអ្នកកាងទំនិញនៅក្នុងភូមិសាស្ត្រខេត្តតាកែវ គឺតែងតែបង្កការអុកឡុកគ្រប់រូបភាព ជាពិសេសនៅពេលដែលរថយន្តដឹកទំនិញនានាមិនទាន់បានបង់ប្រាក់ឲ្យខ្លួន គឺតែងតែឃាត់ រួចបង្ខំអោយបង់ប្រាក់ដាក់ខែ ដោយមិនឲ្យរួចខ្លួនមួយណាឡើយ។ ជននេះ បង្កឲ្យប្រជាពលរដ្ឋ និងអ្នកធ្វើដំណើរទោះយប់ ទាំងថ្ងៃ មានការភ័យខ្លាចជាខ្លាំង ហើយគេសង្ឃឹមថា បុគ្គលម្នាក់នេះ នឹងមិនអាចគេចផុតពីសំណាញ់ច្បាប់បានឡើយ៕
ចែករំលែកព័តមាននេះ