ខេត្តបន្ទាយមានជ័យ ៖ អតីតនាយប៉ុស្តិ៍រដ្ឋបាលឃុំឈ្នួរមានជ័យ និងប្រពន្ធបានរងរបួសជាទម្ងន់ដោយសារត្រូវរថយន្តបុកពីក្រោយកាលពីវេលាម៉ោង៣ និង៣០នាទីរសៀល ថ្ងៃទី៦ ឧសភា ឆ្នាំ២០១១ នៅលើផ្លូវជាតិលេខ៦ ចន្លោះបង្គោលភ្លើងលេខ ០២០១-០២០២ ចំណុចមុខសាលាឃុំឈ្នួរមានជ័យ ស្ថិតក្នុងភូមិឈ្នួរមានជ័យ ឃុំឈ្នួរមានជ័យ ស្រុកព្រះនេត្រព្រះ ។
ខេត្តបន្ទាយមានជ័យ ៖ អតីតនាយប៉ុស្តិ៍រដ្ឋបាលឃុំឈ្នួរមានជ័យ និងប្រពន្ធបានរងរបួសជាទម្ងន់ដោយសារត្រូវរថយន្តបុកពីក្រោយកាលពីវេលាម៉ោង៣ និង៣០នាទីរសៀល ថ្ងៃទី៦ ឧសភា ឆ្នាំ២០១១ នៅលើផ្លូវជាតិលេខ៦ ចន្លោះបង្គោលភ្លើងលេខ ០២០១-០២០២ ចំណុចមុខសាលាឃុំឈ្នួរមានជ័យ ស្ថិតក្នុងភូមិឈ្នួរមានជ័យ ឃុំឈ្នួរមានជ័យ ស្រុកព្រះនេត្រព្រះ ។
លោកអនុសេនីយ៍ឯកកែវ ប៊ុនយឿន អធិការនគរបាលស្រុកព្រះនេត្រព្រះបានឱ្យដឹងថា អតីតនាយប៉ុសិ៍្តដែលរងគ្រោះនេះឈ្មោះខ្មៅ ខូយ អាយុ៥៦ឆ្នាំ នៅភូមិភ្នំជញ្ជាំង ឃុំជប់វ៉ារី ស្រុកព្រះនេត្រព្រះ បច្ចុប្បន្នចូលនិវត្តន៍ និងប្រពន្ធឈ្មោះសាន ផល្លា អាយុ៤៤ឆ្នាំ ។មូលហេតុដែលបណ្តាលឱ្យមានគ្រោះថ្នាក់នេះគឺមកពីរថយន្តមួយគ្រឿងម៉ាកហ៊ីណូ ពណ៌ស ពាក់ស្លាកលេខភ្នំពេញ 3A 7124 បើកមកពីទិសខាងកើតក្នុងល្បឿនលឿនមិនគោរពស្លាកសញ្ញា ចរាចរណ៍ឱ្យបន្ថយល្បឿន និងហាមវ៉ាជែង ហើយនៅចំណុចកើតហេតុជាផ្លូវកោងទើបបណ្តាលឱ្យជ្រុលចង្កូតទៅបុកជនរងគ្រោះពីក្រោយដែលជិះម៉ូតូស្របទិសគ្នា បណ្តាលឱ្យរងរបួសធ្ងន់ទាំង២នាក់ប្តីប្រពន្ធ ត្រូវបានបញ្ជូនមកកាន់គ្លីនិកឯកជននៅក្នុងទីរួមខេត្ត ឯម៉ូតូខូចខាតទាំងស្រុង ។
អ្នកបើកបររថយន្តក្រោយពីជួបគ្រោះថ្នាក់នេះបានរត់គេចខ្លួនបាត់ដោយទុករថយន្តចោលនៅកន្លែងកើតហេតុ ។ បច្ចុប្បន្នទាំងម៉ូតូនិងរថយន្តត្រូវបានកម្លាំងជំនាញយកមករក្សាទុកនៅអធិការដ្ឋាននគរបាលស្រុករង់ចាំម្ចាស់ចូលមកធ្វើការដោះស្រាយ ៕
ចែករំលែកព័តមាននេះ