យប់ថ្ងៃទី៥នៃការបះបោរនៅបារាំង ចាប់ខ្លួនមនុស្ស៧១៩នាក់
ប្រទេសបារាំង ៖ នាថ្ងៃទី២ កក្កដា វេលាម៉ោង៣រំលងអាធ្រាត្រ រដ្ឋមន្ត្រីមហាផ្ទៃបារាំងលោកហ្សេរ៉ាល់ដា
ប្រទេសបារាំង ៖ នាថ្ងៃទី២ កក្កដា វេលាម៉ោង៣រំលងអាធ្រាត្រ រដ្ឋមន្ត្រីមហាផ្ទៃបារាំងលោកហ្សេរ៉ាល់ដាម៉ានីនអះអាងតាមTWITTERថា ដោយសារសកម្មភាពម៉ឺងម៉ាត់របស់កងកម្លាំងសន្តិសុខ យប់ថ្ងៃនោះហាក់ដូចជាយប់ស្ងប់ស្ងាត់ជាងយប់មុនៗ។
តាមតុល្យការបណ្ដោះអាសន្ននៅឡើយចេញផ្សាយនាពេលព្រឹកថា មនុស្សដល់ទៅ៧១៩នាក់ ត្រូវចាប់ខ្លួនក្នុងយប់ថ្មីនេះនៃការបះបោរ ដែលផ្ទុះឡើងតាមរយៈកំហឹងក្រោយការស្លាប់របស់យុវជនឈ្មោះណាហែលវ័យ១៧ឆ្នាំ ត្រូវប៉ូលិសម្នាក់បាញ់កាលពីថ្ងៃទី២៧ មិថុនា ក្នុងពេលនៃការត្រួតពិនិត្យចរាចរណ៍មួយមក។ អំពើហិ.ង្សាហាក់ដូចជាចុះថយបន្តិចបើប្រៀបធៀបទៅនឹងយប់មុនៗ ខណៈស.ពយុវជនណាហែលត្រូវបញ្ចុះនាថ្ងៃទី១ កក្កដា។
ក្រសួងមហាផ្ទៃបារាំងនិយាយថា មកដល់ដំណាក់កាលនេះប៉ូលិសនិងតម្រួត៤៥នាក់រងរបួស រថយន្ត៥៧៧គ្រឿងនិងអគារ៧៤រងការដុតបំផ្លាញ ចំណែកអគ្គិភ័យតាមផ្លូវសាធារណៈមានដល់៨៧១កន្លែង។
ដោយសារសភាពការណ៍ធ្ងន់ធ្ងរនៃការបះបោរក្នុងប្រទេស ប្រធានាធិបតីបារាំងលោកអេមម៉ានុយអែលម៉ាក្រុង នាថ្ងៃទី១កក្កដាបានបង្ខំចិត្ត ពន្យារពេលទស្សនកិច្ចផ្លូវរដ្ឋរបស់លោកនៅប្រទេសអាល្លឺម៉ង់។ ចំណែកសហរដ្ឋអាមេរិកនិងអង់គ្លេស បានស្នើដល់ពលរដ្ឋពួកគេរស់នៅប្រទេសបារាំង ឲ្យមានការប្រុងប្រយ័ត្ននិងតាមដានបណ្ដាសារព័ត៌មានហើយចៀសវាងកុំទៅកាន់តំបន់ដែលមានការបះបោរ៕
ចែករំលែកព័តមាននេះ