មិនគួរឡើយ… ខឹងគោវា.យរទេះ! វា.យកម្ទេចខ្ទេច កម្ចេចខ្ទី ក្នុងផ្ទះប្អូនស្រីខ្លួនឯង
- តាកែវ
មិនគួរឱ្យឡើយ ហេតុអ្វីក៏ចិត្តដាច់អីយ៉ាងនេះ?ត្រកូលតែមួយ មានរឿងអ្វីត្រូវចេះនិយាយគ្នា មិនគួរណាខឹងគោវា.យរទេះ ហើយវា.យកម្ទេច
ខេត្តតាកែវ ៖ មិនគួរឱ្យឡើយ ហេតុអ្វីក៏ចិត្តដាច់ធ្វើបេបនេះ? ត្រកូលតែមួយ មានរឿងអ្វីត្រូវចេះនិយាយគ្នា មិនគួរណាខឹងគោវា.យរទេះ ហើយវា.យកម្ទេចពាងដាក់ទឹក ទូរទស្សន៍ និងសម្ភារៈប្រើប្រាស់របស់ប្អូនស្រីយ៉ាងដូច្នេះឡើយ សរុបមកវិញគឺជាជនដែលប្រើប្រាស់សារធាតុញៀ.ន បង្កឱ្យមានការភ្ញាក់ផ្អើលកាលពីរសៀលថ្ងៃទី១ ខែកក្កដា ឆ្នាំ២០២៣ ស្ថិតនៅភូមិមានជ័យ ឃុំក្រាំងលាវ ស្រុកបាទី ខេត្តតាកែវ ។
ជនបង្កខាងលើនេះ មានឈ្មោះ ង៉ែត ពិសី ហៅ ថៃ ភេទប្រុស អាយុ៣១ឆ្នាំ មានទីលំនៅភូមិសាមគ្គី ឃុំក្រាំង លាវ ស្រុកបាទី ខេត្តតាកែវ មុខរបរមិនពិតប្រាកដ ហើយគឺជាជនប្រើប្រាស់គ្រឿ.ងញៀ.ន។
បើតាមសេចក្តីរាយការណ៍បានឲ្យដឹងថា នៅរសៀលថ្ងៃខែខាងលើនេះ ជនសង្ស័យបានចេញពីផ្ទះទៅធ្វើសកម្មភាព ដោយយកដំបងឈើមូលប្រវែងជិតកន្លះម៉ែត្រទៅវា.យកម្ទេចសម្ភារៈនៅក្នុងផ្ទះរបស់ប្អូនស្រីឈ្មោះ ង៉ែត មិនា អាយុ២៥ឆ្នាំ បណ្ដាលឱ្យខូចខាតដូចជា ៖ បែកពាងដាក់ទឹកអស់៤ពាង, កញ្ចក់បង្អួចផ្ទះ១ផ្ទាំង, កញ្ចក់ទូរ៣ផ្ទាំង, កម្ទេចទូរទស្សន៍១គ្រឿង, ដោះអំពូលភ្លើងចំនួន៥អំពូល, ទាញផ្តាច់ខ្សែភ្លើងក្នុងផ្ទះប្រវែងជាង៣០ម៉េត្រ និងរើយកចានឆ្នាំងមួយចំនួនទៅដុតកម្ទេចចោលទៀតផង (ដូចកំរោលចូល) ។
ប្រភពដដែលបន្តថា ចំពោះមូលហេតុ គឺដោយសារជនសង្ស័យមានគំនុំជាមួយជនរងគ្រោះផង និងជនជាមនុស្សប្រើប្រាស់នូវសារធាតុញៀ.នផង ទើបធ្វើឲ្យមានការបាត់បង់សតិស្មារតីលែងដឹងខុសត្រូវម្តងៗ សូម្បីត្រកូលតែមួយក៏ហ៊ានលើកដៃប្រព្រឹត្តដែរ។ ហើយក្រោយពេលធ្វើសកម្មភាពរួច ជនសង្ស័យក៏រត់គេចខ្លួនបាត់ស្រមោល។
តែទោះជាយ៉ាងណាក្តី ដោយមានការចង្អុលបង្ហាញពីលោកឧត្តមសេនីយ៍ទោ ស្នងការ នៃស្នងការដ្ឋាននគរបាលខេត្តតាកែវ នៅថ្ងៃដដែលកម្លាំងសមត្ថកិច្ចនគរបាលជំនាញ បានធ្វើការស្រាវជ្រាវ និងតាមប្រមាញ់ឃាត់ខ្លួនជនសង្ស័យម្នាក់នោះ ដោយមានការសម្របសម្រួលពី ឯកឧត្តម ព្រះរាជអាជ្ញាអមសាលាដំបូងខេត្ត។
ក្រោយពេលឃាត់ខ្លួន ជនសង្ស័យបានសារភាពតាមបទល្មើសជាក់ស្តែងដែលគេបានធ្វើសកម្មភាព និងយោងទៅលើពាក្យបណ្តឹងរបស់ជនរងគ្រោះ សមត្ថកិច្ចក៏បានកសាងសំណុំរឿងបញ្ជូនទៅកាន់តុលាការ ដើម្បីចាត់ការទៅតាមនីតិវិធីច្បាប់៕
ចែករំលែកព័តមាននេះ