ខេត្តស្វាយរៀង ៖ លោកម៉ែន វិបុល អភិបាលខេត្តដឹកនាំកម្លាំងអាជ្ញាធរចុះអន្តរាគមន៍ពន្លត់អគ្គិភ័យឆាបឆេះរោងចក្រផលិតសំលៀកបំពាក់ហែលទឹក និងតុក្កតានៅតំបន់សេដ្ឋកិច្ចពិសេសហាយផាកលែន ។
សូមរំលឹកថា មានភ្លើងអគ្គិភ័យបានលេបត្របាក់អគាររោងចក្រអំពូលភ្លើង និងតុក្កតាយ៉ាងសន្ធោសន្ធៅ កាលពីវេលាម៉ោងប្រមាណ៥និង៣០នាទីរសៀល ថ្ងៃទី៣០ មិថុនា ២០២៣ នៅក្នុងតំបន់សេដ្ឋកិច្ចពិសេសហាយផាកលែន ស្ថិតនៅភូមិថ្នល់ជាតិ សង្កាត់ច្រក ម្ទេសក្រុងបាវិត (ខាងលិចផ្សារជីភូប្រមាណ១គីឡូម៉ែត្រ) រហូតមកដល់ម៉ោង៧និង០០នាទីនេះ ក្រុមសមត្ថកិច្ចពន្លត់អគ្គិភ័យមិនទាន់គ្រប់គ្រងបាននៅឡើយទេ ខណៈមានរថយន្តពន្លត់អគ្គិភ័យ អធិការក្រុង និងស្នងការដ្ឋាននគបាលខេត្ត រថយន្តកងរាជអាវុធហត្ថក្រុង ខេត្តប្រមាណជា៧គ្រឿង ពុំទាន់សង្គ្រោះបានទេ ដោយភ្លើងឆេះពេញទើបបុគ្គលិកបានដឹង ហើយសមត្ថកិច្ចដាក់ការសន្និដ្ឋានថា ទំនងឆេះតាំងពីម៉ោង៤និង៥០នាទីរសៀល ខណៈកម្មករកម្មការនីកំពុងចាកចេញពីរោងចក្រម្លេះទើបគ្មានអ្នកបានឃើញរហូតអណ្តាតភ្លើងឆេះខ្លាំង ទើបឃើញសមត្ថកិច្ចកំពុងពន្លត់យ៉ាងសស្រាក់សស្រាំ ។
សមត្ថកិច្ចបានឲ្យដឹងថា ក្រោយទទួលបានព័ត៌មានពីប្រជាពលរដ្ឋមានការឆាបឆេះអគាររោងចក្រហាយផាកលែន មានទីតាំងនៅខាងលិចផ្សារជីភូក្រុងបាវិត នៅយប់ថ្ងៃទី៣០ ខែមិថុនា ឆ្នាំ២០២៣ នេះ ឯកឧត្តម ម៉ែន វិបុល អភិបាលខេត្តស្វាយរៀង និងជាប្រធានគណៈបញ្ជាការឯកភាពរដ្ឋបាលខេត្តបានអញ្ជើញដឹកនាំកម្លាំងចុះអន្តរាគមន៍ផ្ទាល់នៅកន្លែងកើតហេតុ ដើម្បីដឹកនាំបញ្ជាក្នុងការបា.ញ់ពន្លត់អគ្គិភ័យករណីដែលកំពុងឆាបឆេះចំពោះករណីនេះ មិនបណ្តាលអោយមានមនុស្សរងគ្រោះនោះទេ ហើយគិតមកដល់ម៉ោង៨និង២០នាទីយប់នេះ កិច្ចអន្តរាគមន៍បា.ញ់ពន្លត់កំពុងបា.ញ់ពន្លត់គ្រោះអគ្គិភ័យខាងល;កំពុងបាញ់ពន្លត់អណ្តាតភ្លើងដែលនៅសេសសល់ និងបន្តអោយរលត់ទាំងស្រុងនៅម៉ោង១០យប់នេះ ។
សូមជម្រាបជូនថា ប្រតិបត្តិការនៃកិច្ចអន្តរាគមន៍ជួយសង្គ្រោះ និងពន្លត់អគ្គិភ័យខាងលើ គឺកិច្ចសហការល្អពីកងកម្លាំងនគរបាលខេត្ត កម្លាំងកងរាជអាវុធហត្ថខេត្ត អាជ្ញាធរសមត្ថកិច្ចពាក់ព័ន្ធ និងកម្លាំងអន្តរាគមន៍ពន្លត់អគ្គិភ័យរបស់មន្ទីរនគរបាលស្រុកបេនកូវ ខេត្តតៃនិញ ប្រទេសវៀតណាមផងដែរ ។ តាមការសន្និដ្ឋានរបស់សមត្ថកិច្ច គឺមូលហេតុទុហ្សេខ្សែភ្លើង ៕
ចែករំលែកព័តមាននេះ