ភ្នំពេញ៖ ក្នុងអំឡុងពេលឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ដែលចាប់​ផ្តើម​ពីថ្ងៃទី១ ដល់ថ្ងៃទី២១ ខែកក្កដា ឆ្នាំ២០២៣ តម្លៃ​លក់ ឬជួល​ម៉ោងផ្សាយដល់គណបក្ស​នយោបាយ សម្រាប់ឃោសនាបោះឆ្នោត​ តាមទូរទស្សន៍-វិទ្យុ គឺម៉ោងធម្មតា ១៥០ដុល្លារ ក្នុង ១នាទី និងម៉ោងមាស តម្លៃ ២១០ដុល្លារ ក្នុង ១នាទី។ តម្លៃនេះ មិនទាន់គិតបញ្ចូលថ្លៃផលិតវិដេអូ នៅឡើយទេ​។ រាល់តម្លៃសេវាកម្មទាំងអស់ តម្រូវ​ឱ្យបូក​បញ្ចូល​ពន្ធ​អាករលើតម្លៃបន្ថែម ១០ភាគរយ ( VAT 10% )។

តម្លៃលក់ ឬជួលម៉ោងផ្សាយខាងលើនេះ សម្រាប់តែទូរទស្សន៍-វិទ្យុ​អាស៊ីអាគ្នេយ៍ ដែលគ.ជ.ប បានប្រកាសផ្សព្វផ្សាយ នៅល្ងាច​ថ្ងៃទី៣០ ខែមិថុនានេះ​៕