យប់ទី៣នៃបាតុកម្មហិ.ង្សានៅបារាំង ចាប់ខ្លួន៦៦៧នាក់
ប្រទេសបារាំង ៖ ក៏ទោះបីមានការដាក់ពង្រាយកងកម្លាំងប៉ូលិសដ៏ច្រើនក៏ដោយ តែអំពើហិ.ង្សាតាម
ប្រទេសបារាំង ៖ ក៏ទោះបីមានការដាក់ពង្រាយកងកម្លាំងប៉ូលិសដ៏ច្រើនក៏ដោយ តែអំពើហិ.ង្សាតាមទីក្រុងបានកើនឡើងជាថ្មីទៀតក្នុងទីក្រុងបារាំងជាច្រើននាពេលយប់ ជាមួយការដុ.តបំផ្លាញការប្រមូលយករបស់របរ និងការវា.យបំផ្លាញនាយប់ថ្ងៃទី២៩ មិថុនា ។
ភាពតានតឹងមិនធូរស្បើយឡើយផ្ទុយទៅវិញមានការកើនឡើងបន្ទាប់ពីការសម្លា.ប់យុវជន
ម្នាក់កាលពីថ្ងៃទី២៧ មិថុនា នៅទីក្រុងណានទែរតំបន់អូដឺសែន ដោយសារការបាញ់របស់ប៉ូលិសម្នាក់ ។ អំពើហិ.ង្សាថ្មីៗបានផ្ទុះក្នុងទីក្រុងច្រើនសិបរបស់បារាំង នាវេលាយប់ថ្ងៃទី២៩ មិថុនា និងនាយប់ថ្ងៃទី២៩មក៣០ មិថុនា ។ មនុស្សយ៉ាងតិច៦៦៧នាក់ត្រូវចាប់ខ្លួនក្នុងទូទាំងប្រទេសខណៈអគាររដ្ឋជាច្រើនក៏ជាគោលដៅនៃការវាយប្រហារដែរ ។
ប៉ូលិសនិងតម្រួតរហូតដល់៤០.០០០នាក់ត្រូវបានដាក់ពង្រាយនាយប់ថ្ងៃទី២៩មិថុនានៅបារាំង ។ ទីក្រុងមួយចំនួនរហូតដល់ចាត់វិធានការបង្ការ ដើម្បីចៀសវាងឧប្បត្តិហេតុថ្មីៗ ។បម្រាមគោចរណ៍ត្រូវបានដាក់នៅតាមទីក្រុងមួយចំនួន ។ ក៏ទោះបីមានការពង្រាយកងកម្លាំងប៉ូលិសដ៏ច្រើនក៏មិនអាចរារាំងបាតុកម្មហិង្សាបានដែរ ។
បាតុកម្មចាប់ផ្ដើមនៅក្រុង NANTERRE ដែលនៅទីនោះ មនុស្សជាង៦០០០នាក់បានស្លៀកពាក់
ស ដើរហែក្បួនជាការគោរពដល់វិញ្ញាណក្ខ័ន្ធក្មេងប្រុសជំទង់អាយុ១៧ឆ្នាំម្នាក់ត្រូវប៉ូលិសបាញ់ស្លាប់ មកពីគេមិនព្រមស្ដាប់បង្គាប់ក្នុងពេលត្រួតពិនិត្យចរាចរណ៍តាមផ្លូវថ្នល់មួយ ។ ក្បួនហែចាប់
ផ្ដើមនាវេលារសៀល ហើយប្រែក្លាយយ៉ាងឆាប់រហ័សទៅជាភាពតានតឹង និងកើតមានឧប្បត្តិ
ហេតុនានា ។
ពួកបាតុករបានគប់កាំជ្រួចភ្លើងជាច្រើនដាក់កងកម្លាំងសន្តិសុខ ។ សភាពការណ៍ក៏តានតឹងដែរខាងក្រៅការប្រមូលផ្ដុំមនុស្សនៅក្រុងម៉ាសី ។ នាវេលាម៉ោង២០និង៣០នាទីម៉ោងក្នុងស្រុក ចលនារបស់បាតុករកើតមានបន្ទាប់ពីប៉ូលិសលើកមកបំបែកពួកគេចេញពី VIEUX-PORT ។
ពេលនោះប៉ូលិសរងការគប់កាំជ្រួចភ្លើងនិងរបស់របរនានា ។ ពួកបាតុករក៏វាយ និងគប់បំបែកកញ្ចក់ហាងទំនិញនានានិងប្រមូលយកឥវ៉ាន់ ។ នៅក្រុងលីយ៉ុងនិងក្រុងប័រដូបាតុករបានដុតរថយន្តនានានិងធុងសម្រាម ។ នៅក្រុងហ្គ្រឺណូបមានការគប់កាំជ្រួចភ្លើងលើបណ្ដារថយន្តបឺសនិងមានការដុ.តធុងសម្រាម ។
ពេញមួយយប់ថ្ងៃទី២៩ មិថុនា នៅក្រុងប៉ារីសនិងនៅកន្លែងផ្សេងៗទៀតរបស់ប្រទេស កើតមាន
ការលើកគ្នាអុកឡុកប្រមូលយកឥវ៉ាន់ពីហាងនានា ទន្ទឹមនឹងការវាយបំបែកកញ្ចក់ហាង ៕
ចែករំលែកព័តមាននេះ