យន្តហោះដឹកអ្នកដំណើរមួយគ្រឿងអាចចុះចត គ្មានកង់មុខ ដោយសុវត្ថិភាព
សហរដ្ឋអាមេរិក ៖ យន្តហោះដឹកអ្នកដំណើរមួយគ្រឿងរបស់ក្រុមហ៊ុនអាកាសចរណ៍អាមេរិក
សហរដ្ឋអាមេរិក ៖ យន្តហោះដឹកអ្នកដំណើរមួយគ្រឿងរបស់ក្រុមហ៊ុនអាកាសចរណ៍អាមេរិក
សហរដ្ឋអាមេរិក ៖ យន្តហោះដឹកអ្នកដំណើរមួយគ្រឿងរបស់ក្រុមហ៊ុនអាកាសចរណ៍អាមេរិក
DELTA AIRLINES អាចចុះចតដោយគ្មានកង់មុខ ហើយមនុស្សទាំងអស់ក្នុងយន្តហោះសំណាង
ណាស់ពុំមាននរណាម្នាក់រងរបួសឡើយ ។ អ្នកដំណើរទាំងអស់បានទះដៃសរសើរ និងស្រែកអរគុណអ្នកបើក និងក្រុមយានិកដែលទោះយន្តហោះទម្លាក់កង់មុខមិនធ្លាក់តែអាចធ្វើឲ្យយន្តហោះចុះដោយសន្សឹមៗបានយ៉ាងប្រាកដប្រជា ។
យន្តហោះជើងហោះហើរ១០៩២របស់ក្រុមហ៊ុន DELTA AIRLINES នោះ បានហោះចាកចេញពីទីក្រុងអត្លង់តារដ្ឋចចជៀនាព្រឹកថ្ងៃទី២៧ មិថុនា វេលាម៉ោង៧និង២៥នាទីម៉ោងក្នុងស្រុក សំដៅទៅក្រុង CHARLOTTE រដ្ឋការ៉ូលីនខាងជើង ដោយក្នុងយន្តហោះនោះមានអ្នកបើក២នាក់និងសមាជិកក្រុមយានិក៣នាក់ទៀត ព្រមទាំងអ្នកដំណើរ៩៦នាក់ ។
អ្នកដំណើរម្នាក់រៀបរាប់ប្រាប់ទូរទស្សន៍ក្នុងស្រុក WSOC-TV ថា សមាជិកក្រុមយានិកបានណែនាំប្រាប់ដល់បណ្ដាអ្នកដំណើរឲ្យរៀបចំខ្លួនក្នុងករណីមានការប៉ះទង្គិចក្នុងពេលយន្តហោះចុះ ។ ក្រុមយានិកបានប្រាប់ថា មានបញ្ហាជាមួយកង់យន្តហោះ ។ ពេលប្រុងចុះដំបូងខណៈយន្តហោះមកដល់ក្បែរផ្លូវចុះ អ្នកបើកបានបើកឡើងលើវិញ ។ ការប៉ងចុះលើកទី២ដំណើរការល្អ យន្តហោះអាចចុះបាន ដោយច្រមុះយន្តហោះប៉ះអូសដីរហូតដល់យន្តហោះឈប់ ។ អ្នកដំណើរទាំងអស់បានជម្លៀសចេញភ្លាមៗ។ អ្នកដំណើរបានស្រែកអរគុណចំពោះអ្នកបើកទាំង២នាក់និងសមាជិកក្រុមយានិកដោយថាពួកគេពិតជាអស្ចារ្យ ។
ក្រុមហ៊ុន DELTA ក៏បានសរសើរចំពោះឥរិយាបថរបស់សមាជិកក្រុមយានិកទាំងអស់ និងចំពោះស្មារតីរឹងមាំរបស់ពួកគេ ដែលអាចឲ្យអ្នកដំណើរ់ចៀសផុតពីគ្រោះអាសន្ន ។ តាមសេចក្ដីប្រកាសមួយក្រុមហ៊ុននោះអះអាងថាគ្មានអ្វីសំខាន់ជាងសន្តិសុខរបស់បណ្ដាភ្ញៀវ និងនិយោជិតរបស់យើងឡើយ ។ ក្រុមហ៊ុនសុំអភ័យទោសចំពោះភ្ញៀវសម្រាប់ឧប្បត្តិហេតុនោះ ៕
ចែករំលែកព័តមាននេះ