ADផ្ទាំងផ្សព្វផ្សាយពាណិជ្ជកម្ម

ចោរមួយក្រុមប្រដាប់អាវុធចូលប្លន់តូបលក់មាសនៅផ្សារទូកមាសបា.ញ់គ្នាជាមួយសមត្ថកិច្ច

14 ឆ្នាំ មុន

០៨ ខែ ឧសភា ឆ្នាំ ២០១១ ម៉ោង ០៣:២២

ខេត្តកំពត ៖ តាមប្រភពព័ត៌មានទាន់ហេតុការណ៍មួយបានឱ្យដឹងថា ចោរប្រដាប់អាវុធមួយក្រុមមានគ្នាពី៤ទៅ៦នាក់ ជិះម៉ូតូម៉ាក SL ២គ្រឿងចូលប្លន់តូបលក់មាសចំនួន៣តូប នៅផ្សារទូកមាស ស្រុកបន្ទាយមាស ប្រមូលយកគ្រឿងអលង្ការ និងប្រាក់ខ្មែរ-អាមេរិកមួយចំនួនទៅបាត់ កាលពីវេលាម៉ោង១និង៣០នាទី រសៀល ថ្ងៃទី៨ ឧសភា ២០១១ ដោយមានការដេញចាប់ខ្លួនពីសមត្ថកិច្ចយ៉ាងប្រកៀកប្រកិត និងបា.ញ់តបតគ្នាទៅវិញទៅមកផងដែរ ។

ខេត្តកំពត ៖ តាមប្រភពព័ត៌មានទាន់ហេតុការណ៍មួយបានឱ្យដឹងថា ចោរប្រដាប់អាវុធមួយក្រុមមានគ្នាពី៤ទៅ៦នាក់ ជិះម៉ូតូម៉ាក SL ២គ្រឿងចូលប្លន់តូបលក់មាសចំនួន៣តូប នៅផ្សារទូកមាស ស្រុកបន្ទាយមាស ប្រមូលយកគ្រឿងអលង្ការ និងប្រាក់ខ្មែរ-អាមេរិកមួយចំនួនទៅបាត់ កាលពីវេលាម៉ោង១និង៣០នាទី រសៀល ថ្ងៃទី៨ ឧសភា ២០១១ ដោយមានការដេញចាប់ខ្លួនពីសមត្ថកិច្ចយ៉ាងប្រកៀកប្រកិត និងបាញ់តបតគ្នាទៅវិញទៅមកផងដែរ ។

ព័ត៌មានជំហានដំបូង គេមិនទាន់ប្រាប់ឱ្យដឹងថា តើក្រុមចោរយកគ្រឿងអលង្ការមាស-ប្លាទីន ប្រាក់ខ្មែរ-អាមេរិកទៅជាមួយចំនួនប៉ុន្មាននោះទេ? ប៉ុន្តែខណៈពេលក្រុមចោររត់គេចខ្លួន ក៏ស្រាប់តែចូលអន្ទាក់ប៉ូលិស ហើយបានបាញ់គ្នាមួយប្រាវដោយក្រុមចោរបាញ់តដៃជាមួយប៉ូលិស ដើម្បីរំដោះខ្លួន ចំណែកប៉ូលិសបានបាញ់ទៅលើក្រុមចោរដើម្បីការពារខ្លួន និងច្បាមចាប់ពួកចោរ…ក្រុមចោរបានរត់គេចខ្លួនចូលដល់ស្រុកសំរោង ខេត្តតាកែវ និងបន្តមកដល់ស្រុកបាទី ខេត្តតាកែវ ដដែល គិតត្រឹមវេលាម៉ោង២និង៣០នាទីរសៀលថ្ងៃដដែល ប៉ូលិសកំពុងតែតាមច្បាមចាប់ក្រុមចោរនៅឡើយ ៕