ប្រទេសចិន កៀហ្ស៊ីស៊ីស្ថាន និងតាហ្ស៊ីគីស្ថានប្រទេស៣ជាសមាជិករបស់អង្គការកិច្ចសហប្រតិបត្តិការសៀងហៃ OCS បានធ្វើកាលពីថ្ងៃទី៦ ឧសភា កន្លងមកនេះ នូវសមយុទ្ធប្រឆាំងភេរវកម្មរួមគ្នាមួយនៅកាស៊ីតំបន់ស្វយ័តអ៊ូយហ្គួរ ខេត្តស៊ីនយ៉ាងភាគពាយ័ព្យប្រទេសចិន ។ មានឈ្មោះថា «ទៀនសាន -II -2011» សមយុទ្ធនោះប្រមូលផ្តុំលើការខិតខំប្រឹងប្រែងរួមគ្នារបស់បណ្តាអ្នកទទួលខុសត្រូវរបស់កងកម្លាំងសន្តិសុខរបស់ប្រទេសទាំង៣ ដើម្បីតាមរក និងប្រយុទ្ធប្រឆាំងពួកភេរវករក្នុងបណ្តាតំបន់ព្រំដែន ។ សមយុទ្ធប្រឆាំងភេរវកម្មនោះចែកចេញជា៣ផ្នែកគឺ ការវិភាគ និងការធ្វើសេចក្តីសម្រេចចិត្ត ការជួយសង្គ្រោះចំណាប់ខ្មាំង និងប្រតិបត្តិការបោសសំអាត។
នេះគឺជាសមយុទ្ធប្រឆាំងភេរវកម្មរួមលើកទី២ហើយជាមួយនឹងការចូលរួមរបស់កងកម្លាំងសន្តិសុខចិនក្នុងក្របខណ្ឌរបស់ OCS ។ កាលពីខែសីហា ឆ្នាំ២០០៦ កងកម្លាំងសន្តិសុខនិងកងកម្លាំងពិសេសរបស់ចិន និងរបស់កាហ្សាក់ស្ថាន ធ្លាប់បានរៀបចំធ្វើសមយុទ្ធប្រឆាំងភេរវកម្ម «ទៀនសាន- I (2006) » នៅស៊ីនយ៉ាង ។ បង្កើតឡើងនៅក្រុងសៀងហៃ កាលពីឆ្នាំ២០០១ OCS មានប្រទេសជាសមាជិកចំនួន៦ គឺចិន កាហ្សាក់ស្ថាន កៀហ្ស៊ីស៊ីស្ថាន រុស្ស៊ី តាហ្ស៊ីគីស្ថាន និងអ៊ូស្បេគីស្ថាន ៕
ចែករំលែកព័តមាននេះ