រាជធានីភ្នំពេញ ៖ យុវជនស្ទាវអន្ធពាលម្នាក់ផឹកស្រាអស់៣លីត្រ ស្រវឹងធ្លាក់ភ្នែកបែកគំនិតចង់រួមរ័កបានចូលទៅលបចាប់ក្មេងស្រីជំទង់ម្នាក់ដែលកំពុងដេកនៅក្នុងមុងក្នុងផ្ទះ តៀមមួយកន្លែងជាមួយម្តាយប៉ុនប៉ងរំលោភសេពសន្ថវៈ ប៉ុន្តែមិនបានសម្រេចក៏ត្រូវម្តាយក្មេងស្រីរូបនោះចាប់ខ្លួនប្រគល់ទៅឱ្យប៉ូលិសទាំងពាក់កណ្តាលអធ្រាត្រតែម្តង ។ ហេតុការណ៍នោះបានកើតឡើងកាលពីវេលាម៉ោង១១និង៣០នាទីយប់ថ្ងៃទី៧ ឧសភា ២០១១ នៅភូមិត្រពាំងវែង ឃុំឆក់ឈើនាងស្រុកអង្គស្នួល ខេត្តកណ្តាល ។
ជនស្ទាវរូបនោះឈ្មោះសុម រីយ៉ា ហៅអួយ អាយុ១៩ឆ្នាំ មានទីលំនៅភូមិកើតហេតុខាងលើ ចំណែកឯក្មេងស្រីជំទង់រងគ្រោះដែលស្ទើរតែក្លាយទៅជាចំណីតណ្ហាប្រុសព្រាននេះ ឈ្មោះប៊ន សំអុល អាយុ១៤ឆ្នាំ ជាសិស្ស មានទីលំនៅភូមិ-ឃុំជាមួយគ្នានោះដែរ ។ តាមប្រភពព័ត៌មានបានឱ្យដឹងថា នៅមុនពេលកើតហេតុខាងលើ ជនសង្ស័យបានផឹកស្រាជួបជុំគ្នាជាមួយមិត្តភក្តិរបស់ខ្លួន២នាក់ទៀត អស់ចំនួន៣លីត្រ លុះស្រវឹងធ្លាក់ភ្នែក ទើបពួកគេឈប់ ហើយបែកផ្លូវគ្នារៀងៗខ្លួន ។
ពេលនោះជនសង្ស័យមានអារម្មណ៍ចង់រួមរ័ក ហើយកន្លងមករូបគេធ្លាប់ដឹងថា ផ្ទះក្មេងស្រីរងគ្រោះមិនសូវដាក់គន្លឹះទ្វារនោះឡើយ ព្រោះរូបគេធ្លាប់ចេញ-ចូលផ្ទះនោះញឹកញាប់ ។ ខណៈនោះជនសង្ស័យបានបើកទ្វារចូលទៅចាប់ក្មេងស្រីជំទង់ដែលកំពុងដេកជាមួយម្តាយប៉ុនប៉ងរំលោភសេពសន្ថវៈទាំងកំរោល ប៉ុន្តែនាងរើបំរះ និងស្រែកបង្កឱ្យមានការភ្ញាក់ផ្អើល ហើយឃាត់ខ្លួនជននោះប្រគល់ឱ្យប៉ូលិសទាំងយប់តែម្តង ៕
ចែករំលែកព័តមាននេះ