រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ឲ្យដឹងថា ចាប់ពីថ្ងៃទី២៨ ខែមិថុនា ដល់ថ្ងៃទី៤ កក្កដា ឆ្នាំ២០២៣ខាងមុខនេះនឹងមានភ្លៀងធ្លាក់ពីមធ្យមទៅច្រើនលាយឡំនឹងបាតុភូតផ្គររន្ទះ និងខ្យល់កន្ត្រាក់…
រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ឲ្យដឹងថា ចាប់ពីថ្ងៃទី២៨ ខែមិថុនា ដល់ថ្ងៃទី៤ កក្កដា ឆ្នាំ២០២៣ខាងមុខនេះនឹងមានភ្លៀងធ្លាក់ពីមធ្យមទៅច្រើនលាយឡំនឹងបាតុភូតផ្គររន្ទះ និងខ្យល់កន្ត្រាក់ ដូច្នេះសូមប្រុងប្រយ័ត្ន ។
យោងតាមសេចក្តីជូនដំណឹងស្ដីពីស្ថានភាពធាតុអាកាស ចាប់ពីថ្ងៃទី២៨ ខែមិថុនា ដល់ថ្ងៃទី៤ ខែកក្កដា ឆ្នាំ២០២៣ របស់ក្រសួងធនធានទឹក បានឲ្យដឹងថា ព្រះរាជាណាចក្រកម្ពុជានឹងទទួលឥទ្ធិពលពីប្រព័ន្ធសម្ពាធទាបដែលលាតសន្ធឹងលើអាងទន្លេមេគង្គផ្នែកប្រទេសថៃ និងឡាវ គួបផ្សំ និងខ្យល់មូសុងនិរតីក្នុងកម្រិតមធ្យម ។
ក្រសួងបានលើកឡើងថា លក្ខណ:បែបនេះនឹងធ្វើឲ្យតំបន់ទំនាបកណ្តាលមានសីតុណ្ហភាពអប្បបរមា មានពី២៤-២៦ អង្សាសេ និងសីតុណ្ហភាពអតិបរមា មានពី៣៣-៣៥ អង្សាសេ ។ អាចមានភ្លៀងធ្លាក់ក្នុងកម្រិតពីតិចទៅមធ្យម និងច្រើនដោយផ្នែកខ្លះលាយឡំដោយផ្គរ រន្ទះនិងខ្យល់កន្ត្រាក់ ។
ចំណែកតំបន់ខ្ពង់រាបមាន សីតុណ្ហភាពអប្បបរមា មានពី២៤-២៦ អង្សាសេ និងសីតុណ្ហភាពអតិបរមា មានពី៣៤-៣៦អង្សាសេ ។ អាចមានភ្លៀងធ្លាក់ក្នុងកម្រិតពីតិចទៅបង្គួរលាយឡំដោយផ្គរ រន្ទះ និងខ្យល់កន្ត្រាក់ ។
ដោយតំបន់មាត់សមុទ្រ ៖ សីតុណ្ហភាពអប្បបរមា មានពី២៥-២៧ អង្សាសេសីតុណ្ហភាពអតិបរមា មានពី៣២-៣៤អង្សាសេ ។ អាចមានភ្លៀងធ្លាក់ក្នុងកម្រិតពីតិចទៅបង្គួរលាយឡំដោយផ្គរ រន្ទះ និងខ្យល់កន្ត្រាក់ ។
ក្រសួងលើកឡើង អាស្រ័យដូចបានជម្រាបជូនខាងលើ សូមសាធារណជនទទួលជ្រាបជាព័ត៌មាន និងបង្កើនការប្រុងប្រយ័ត្ន ចំពោះបាតុភូតធម្មជាតិដែលអាចកើតមានឡើងជាយថាហេតុ ៕
ចែករំលែកព័តមាននេះ