សម្ពោធដាក់ឱ្យប្រើប្រាស់ផ្លូវក្រាលក្រួសក្រហមជូនដល់សង្កាត់ថ្មី ដែលកាត់បញ្ចូលរាជធានីភ្នំពេញ
រាជធានីភ្នំពេញ ៖ អាចចាត់ទុកថា ជាចំណងដៃលេចធ្លោថ្មីបន្ថែមទៀត សម្រាប់ប្រជាពលរដ្ឋរស់នៅក្នុងសង្កាត់ព្រែកកំពឹស និងសង្កាត់ស្ពានថ្ម ដែលទើបកាត់ពីខេត្តកណ្តាលបញ្ចូលមកខណ្ឌដង្កោ រាជធានីភ្នំពេញ គឺបានទទួលផ្លូវលំក្រាលក្រួសក្រហមចំនួន២ខ្សែមានប្រវែងជាង៦គីឡូម៉ែត្រ ជាចំណងដៃដ៏ថ្លៃថ្លារបស់សម្តេចតេជោហ៊ុន សែន តាមរយៈសាលារាជធានីភ្នំពេញ ។ ពិធីសម្ពោធដាក់ឱ្យប្រើប្រាស់ផ្លូវលំក្រាលក្រួសក្រហមទាំងពីរខ្សែខាងលើនេះ ធ្វើឡើងកាលពីព្រឹកសៅរ៍ ទី៧ ឧសភា ២០១១ ក្រោមអធិបតីភាពលោកឧត្តមសេនីយ៍ទោ ហ៊ុន ម៉ាណែត តំណាងដ៏ខ្ពង់ខ្ពស់របស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកកែប ជុតិមា អភិបាលរាជធានីភ្នំពេញ ដោយមានការចូលរួមពីមន្ត្រីរាជការ ក្រោមឱវាទសាលារាជធានីភ្នំពេញ អាជ្ញាធរពាក់ព័ន្ធ និងប្រជាពលរដ្ឋយ៉ាងច្រើនកុះករ ។
ចែករំលែកព័តមាននេះ