តាមការបញ្ជាក់ពីលោក លៀង សុខភា ប្រធានសាខាការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំខេត្តតាកែវ ហៅកាត់ថា (ក.ប.ប) បានឱ្យដឹងថា កាលពីថ្ងៃទី២០ ខែមិថុនា ឆ្នាំ២០២៣ លោកបានសហការជាមួយមន្ទីរពាណិជ្ជកម្មខេត្តតាកែវ ដឹកនាំ
ខេត្តតាកែវ ៖ តាមការបញ្ជាក់ពីលោក លៀង សុខភា ប្រធានសាខាការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំខេត្តតាកែវ ហៅកាត់ថា (ក.ប.ប) បានឱ្យដឹងថា កាលពីថ្ងៃទី២០ ខែមិថុនា ឆ្នាំ២០២៣ លោកបានសហការជាមួយមន្ទីរពាណិជ្ជកម្មខេត្តតាកែវ ដឹកនាំក្រុមការងារចុះត្រួតពិនិត្យស្ថានីយប្រេងឥន្ធនៈ នៅផ្សារដើមទម្ពរ ដែលមានម្ចាស់ឈ្មោះ ឡឹក ច័ន្ទរស្មី ស្ថិតនៅភូមិពោធិ៍ ឃុំព្រះបាទជាន់ជុំ ស្រុកគិរីវង់ ហើយបានដំណើរការអាជីវកម្ម លក់ប្រេងសាំងធម្មតា ប្រេងសាំងស៊ូពែរ និងម៉ាស៊ូត។
មន្ត្រីជំនាញ ក.ប.ប បានចុះត្រួតពិនិត្យ ហើយរកឃើញថា ស្ថានីយប្រេងនេះ បានដាក់លក់ប្រេងសាំងជូនអតិថិជនមិនគ្រប់លីត្រ គឺ ១០០លីត្រ បាត់អស់ ៦.៥៥លីត្រ និងប្រេងម៉ាស៊ូត ១០០លីត្រ បាត់អស់ ៧.៤៥លីត្រ ព្រមទាំងគ្មានលក់ប្រេងសាំងស៊ូពែរ ជូនអតិថិជនទេ។
លោក លៀង សុភា បានបន្ថែមថា ក្រោយពិនិត្យរកឃើញការដាក់លក់របស់ស្ថានីយប្រេងសាំងខាងលើនេះមិនប្រក្រតីភ្លាម មន្ត្រីជំនាញក៏បានបិទសៀលលើដៃបាញ់ប្រេង ដោយផ្អាកការលក់ជាបណ្ដោះអាសន្ន និងធ្វើរបាយការណ៍ផាកពិន័យតាមនីតិវិធី ប៉ុន្តែសុំការសហការជាមួយម្ចាស់ស្ថានីយ តែគាត់មិនសហការ ទើបខាងមន្ត្រីជំនាញទុករយៈពេល៣ថ្ងៃ ដើម្បីធ្វើការផាកពិន័យ។
លោកប្រធានសាខា ក.ប.ប បានបន្ថែមទៀតថា ស្រាប់តែដល់ថ្ងៃកំណត់ នាថ្ងៃទី២៤ ខែមិថុនា មន្ត្រីជំនាញ បានចុះទៅដល់ទីតាំងស្ថានីយនោះ ស្រាប់តែខាងម្ចាស់ស្ថានីយបានកាត់សៀលរបស់ខាងមន្ត្រីជំនាញ ក.ប.ប ចោល ដោយគ្មានការអនុញ្ញាតអ្វីសោះឡើយ គឺមិនគោរពច្បាប់។
សូមជម្រាបជូនថា យោងតាមច្បាប់ស្តីពីកិច្ចការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ នៅមាត្រា៤១ អនុក្រឹត្យ ប្រកាសលេខ៣៣៨ ត្រូវផាកពិន័យដោយមិនអនុលោមផ្នែកបរិមាណចាប់ពី៤លានរៀល រហូតទៅ១០លានរៀល ។
ដោយឡែកលោក ងួន ឌីណា អភិបាលស្រុកគិរីវង់ បានបញ្ជាក់នៅរសៀលថ្ងៃទី២៥ ខែមិថុនានេះដែរថា លោកបានដឹងរឿងដែរ តែជាសមត្ថកិច្ច ប៉ុន្តែសុំអោយមើលលិខិតបញ្ជាបេសកកម្មរបស់គាត់មើល ជាធម្មតាចុះមកអនុវត្តតួនាទីភារៈកិច្ច គេមិនមកសំឡុត ឬចុះមកភ្លាម ចាត់វិធានការបិទភ្លាមៗនោះដែរ ទាល់តែសួរនាំអោយបានត្រឹមត្រូវតាមលក្ខណៈបច្ចេកទេស។
ជុំវិញការចុះត្រួតពិនិត្យតាមស្ថានីយប្រេងសាំងនៅមូលដ្ឋានខេត្តតាកែវ ស្រាប់តែម្ចាស់គណនីឈ្មោះ «Reaksmey Long» បានសរសេររៀបរាប់នៅបណ្ដាញសង្គមថា ភូមិពោធិ៍ ឃុំព្រះបាទជាន់ជុំ ស្រុកគិរីវង់ ខេត្តតាកែវ 24/06/23 មន្ត្រីខ្វះវិជ្ជាជីវៈមួយក្រុម ប្រើឯកសណ្ឋានបន្លំចុះអនុវត្ត ភារៈកិច្ច ដោយគ្មានលិខិតបញ្ជាបេសកកម្ម។ ថែមទាំងមិនបានជំរាបជូនអាជ្ញាធរមូលដ្ឋានដើម្បីសុំការសហការផងនោះ បានមកធ្វើសកម្មភាពបិទសៀល (ស្កត់ផ្លាសស្ទិច) យ៉ាងគឃ្លើន គ្មានការសួរនាំជាមួយម្ចាស់សហគ្រាសឡើយ។ យកឈ្មោះអភិបាលខេត្ត និងព្រះរាជអាជ្ញា មកគំរា.មយកប្រាក់ ដោយប្រើពាក្យអសុរស បិទសិទ្ធិមិនអោយម្ចាស់សហគ្រាសសួររកហេតុផល។
@pisethl12 ♬ original sound – Khan Khav – Khan Khav
លោក លៀង សុភា ប្រធានសាខា ក.ប.ប ខេត្តតាកែវ បាននិយាយថា លោកបាននិងកំពុងកសាងសំណុំរឿងនេះ បញ្ជូនទៅចាត់ការបន្តតាមនីតិវិធីច្បាប់ហើយ៕
ចែករំលែកព័តមាននេះ