ស្នងការដ្ឋាននគរបាលខេត្តកណ្តាល កាលពីថ្ងៃទី២២ ខែមិថុនា ឆ្នាំ២០២៣ កន្លងទៅនេះ បានបើកការស៊ើបអង្កេត និងស្រាវជ្រាវ រហូតឈានដល់ការបង្ក្រាបមុខសញ្ញាប្លន់ប្រដាប់អាវុធបានមួយករណី និងឃាត់ខ្លួនជនសង្ស័យចំនួន
ខេត្តកណ្ដាល ៖ ស្នងការដ្ឋាននគរបាលខេត្តកណ្តាល កាលពីថ្ងៃទី២២ ខែមិថុនា ឆ្នាំ២០២៣ កន្លងទៅនេះ បានបើកការស៊ើបអង្កេត និងស្រាវជ្រាវ រហូតឈានដល់ការបង្ក្រាបមុខសញ្ញាប្លន់ប្រដាប់អាវុធបានមួយករណី និងឃាត់ខ្លួនជនសង្ស័យចំនួន៧នាក់ រួមទាំងដកហូតកាំភ្លើ.ងខ្លីម៉ាក K៥៤ ចំនួនមួយដើមផងដែរ។
ជនសង្ស័យទាំង៧នាក់ខាងលើនេះ រួមមាន ៖ ១- ឈ្មោះ ម៉ៅ វិច្ឆិកា ហៅយក្ស ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់ភូមិឡឥដ្ឋ ឃុំព្រែកដំបង ស្រុកមុខកំពូល ខេត្តកណ្ដាល។ ២- ឈ្មោះ ភឺន វុធឌី ហៅឌីខ្មៅ ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅភូមិអន្លង់គគីរ ឃុំព្រែកកុយ ស្រុកកងមាស ខេត្តកំពង់ចាម។ ទាំង២នាក់នេះ ជាប់ពាក់ព័ន្ធប្រើប្រាស់គ្រឿងញៀ.ន។
៣- ឈ្មោះ ខឿន សុខខេន ភេទប្រុស អាយុ២១ឆ្នាំ មុខរបរជាងជួសជុលម៉ាស៊ីនត្រជាក់ មានទីលំនៅភូមិឡឥដ្ឋ ឃុំព្រែកដំបង ស្រុកមុខកំពូល ខេត្តកណ្ដាល។ ៤- ឈ្មោះ រ៉ា បុណ្ណា ភេទប្រុស អាយុ២១ឆ្នាំ មុខរបរមិនពិតប្រាកដ មានទីលំនៅភូមិវត្តចាស់ ឃុំព្រែកដំបង ស្រុកមុខកំពូល ខេត្តកណ្ដាល។ ៥- ឈ្មោះ អាត ស្រឺ ភេទប្រុស អាយុ១៨ឆ្នាំ មុខរបរមិនពិតប្រាក ដ មានទីលំនៅភូមិឡឥដ្ឋ ឃុំព្រែកដំបង ស្រុកមុខកំពូល ខេត្តកណ្ដាល។ ៦- ឈ្មោះ ពុទ្ធី ពុទ្ធិ ភេទប្រុស អាយុ២១ឆ្នាំ មុខរបរបុគ្គលិកចាក់សាំង មានទីលំនៅភូមិឡឥដ្ឋ ឃុំព្រែកដំបង ស្រុកមុខកំពូល ខេត្តកណ្ដាល។ ៧- ឈ្មោះ មឿន ផានិត ភេទប្រុស អាយុ២៣ឆ្នាំ មុខរបរមិនពិតប្រាកដ មានទីលំនៅភូមិឡឥដ្ឋ ឃុំព្រែកដំបង ស្រុកមុខកំពូល ខេត្តកណ្ដាល។
សូមរំលឹកថា កាលពីយប់ថ្ងែទី១២ ខែឧសភា ឆ្នាំ២០២៣ កន្លងទៅ នៅចំណុចផ្លូវជាតិលេខ៦ ស្ថិតក្នុងភូមិកោះរកា ឃុំព្រែកអញ្ចាញ ស្រុកមុខកំពូល ខេត្តកណ្តាល មានករណីប្លន់ប្រដាប់អា វុធមួយបានកើតឡើង ដែលបង្កឡើងដោយជនសង្ស័យ១ក្រុម មានប្រមាណជិត១០នាក់ បានធ្វើសកម្មភាពទៅលើជនរងគ្រោះចំនួន៤នាក់ ខណៈកំពុងធ្វើដំណើរលើដងផ្លូវ។
ក្រោយពេលកើតមានអំពើប្លន់ប្រដាប់អាវុធនោះ លោកឧត្តមសេនីយ៍ទោ ស្នងការនៃស្នងការដ្ឋាននគរបាលខេត្តកណ្តាល បានប្រើប្រាស់កម្លាំងជំនាញព្រហ្មទណ្ឌ ឲ្យចុះស៊ើបអង្កេត និងស្រាវជ្រាវ ដើម្បីកំណត់មុខសញ្ញាចាប់ខ្លួនជនសង្ស័យ រួចនាំយកមកផ្តន្ទាទោសតាមផ្លូវច្បាប់។ លុះរហូតដល់ថ្ងៃទី២២ ខែមិថុនា ឆ្នាំ២០២៣ កម្លាំងសមត្ថកិច្ចជំនាញសហការជាមួយនគរបាលប៉ុស្តិ៍ ក៏បានធ្វើការឃាត់ខ្លួនជនសង្ស័យ១ក្រុមមានគ្នា៧នាក់ រួចយកទៅធ្វើការសាកសួរតែម្តង។
នៅចំពោះមុខសមត្ថកិច្ច ជនសង្ស័យខាងលើបានសារភាពប្រហាក់ប្រហែលគ្នាថា នៅរសៀលថ្ងៃទី១០ ខែឧសភា ឆ្នាំ២០២៣ ជនសង្ស័យឈ្មោះ ភឺន វុធឌី ហៅឌីខ្មៅ បានទៅទិញថ្នាំញៀ.នពីឈ្មោះ ថៃ សៀងផេង នៅផ្ទះជនសង្ស័យឈ្មោះ ម៉ៅ វិច្ឆិកា ហៅយក្ស ស្ថិតនៅក្នុងភូមិឡឥដ្ឋ ឃុំព្រែកដំបង ចំនួនកន្លះជ្រុង។ តែពេលនោះ ជនសង្ស័យឈ្មោះ ភឺន វុធឌី ហៅឌីខ្មៅ មិនមានប្រាក់ទេ ក៏បានបញ្ចាំកាំភ្លើ.ងខ្លីមិនស្គាល់ម៉ាក១ដើមឲ្យទៅឈ្មោះ ថៃ សៀងផេង ។
ជនសង្ស័យសារភាពបន្តថា លុះដល់ពេលល្ងាច ជនសង្ស័យឈ្មោះ ម៉ៅ វិច្ឆិកា ហៅយក្ស បានទៅបន្ទប់ជួលរបស់ឈ្មោះ ថៃ សៀងផេង នៅជ្រោយចង្វារ ហើយក៏ដេកនៅទីនោះទៅ ។ រហូតដល់ថ្ងៃទី១២ ខែមិថុនា ជនសង្ស័យឈ្មោះ ម៉ៅ វិច្ឆិកា ហៅយក្ស ដែលដេកនៅបន្ទប់ជួលតែម្នាក់ឯង ក៏បានយកកាំភ្លើ.ងខ្លីរបស់ឈ្មោះ ថៃ សៀងផេង លាក់ទុកនៅក្រោមខ្នើយ រួចដាក់សៀតនឹងចង្កេះ ហើយក៏ឡើងជិះតាក់ស៊ីទៅផ្ទះវិញ ស្ថិតនៅភូមិឡឥដ្ឋ ឃុំព្រែកដំបង ស្រុកមុខកំពូល ខេត្តកណ្តាល។ នៅពេលយប់បន្តិច ជនសង្ស័យឈ្មោះ មឿន ផានិត បានទៅឌុបជនសង្ស័យឈ្មោះ ម៉ៅ វិច្ឆិកា ហៅយក្ស ទៅលេងនៅផ្លូវចូលវត្តជ្រុងថ្ម ស្ថិតក្នុងឃុំព្រែកដំបង ខណៈពេលនោះក៏ជួបជុំគ្នាទាំង៧នាក់ ទើបឈ្មោះ ម៉ៅ វិច្ឆិកា ហៅយក្ស បាននិយាយទៅកាន់ក្រុមគេថា «ខ្លួនមានកាំភ្លើ.ងខ្លី១ដើម»។
ជនសង្ស័យសារភាពបន្តថា គ្រាន់តែឮដូច្នោះ ពួកគេក៏នាំគ្នាជិះម៉ូតូម៉ាកហុងដា C125 ពណ៌ខ្មៅ ចំនួន៣គ្រឿង ដោយ១គ្រឿងជិះដោយឈ្មោះ ខឿន សុខខេន ឌុបឈ្មោះ ម៉ៅ វិច្ឆិកា (មានកាំភ្លើ.ងខ្លី), ១គ្រឿងជិះដោយឈ្មោះ ពុទ្ធី ពុទ្ធិ ឌុបឈ្មោះ មឿន ផានិត និង១គ្រឿងទៀតជិតដោយឈ្មោះ រ៉ា បុណ្ណា ឌុបឈ្មោះ ស្រ៊ឺ ហើយក៏នាំគ្នាទៅចាក់សាំងនៅការ៉ាស់ ផ្លូវបំបែកប្រាំ។ ឆ្លៀតពេលនោះ ឈ្មោះ ម៉ៅ វិច្ឆិកា ហៅយក្ស បានចូលយកកាំបិ.តខ្វេវដែលលាក់ទុកនៅក្នុងដីឡូតិ៍ទំនេរមួយកន្លែង ក្បែរហាងស៊ុបម្រះ ក្នុងគោលបំណងគឺនាំគ្នាទៅស្ពានព្រែកតាមាក់ ដើម្បីរង់ចាំសងសឹកយុវជនមួយក្រុមនៅភូមិឈើទាល ដែលធ្លាប់មានទំនាស់កា.ប់ម៉ូតូគ្នាជាមួយក្រុមខ្លួននាពេលកន្លងមក។
ជនសង្ស័យសារភាពបន្តទៀតថា លុះពេលនាំគ្នាជិះម៉ូតូទៅដល់ចំណុចមុខវត្តជ្រុងថ្ម ពួកគេឃើញសមត្ថកិច្ចល្បាតតាមផ្លូវ ទើបឈ្មោះ ម៉ៅ វិច្ឆិកា ហៅយក្ស បានយកកាំបិ.តខ្វេវនោះទៅលាក់ទុកក្នុងសម្បកកង់ម៉ូតូ នៅផ្ទះជួសជុលម៉ូតូជិតគល់ស្ពានលេខ១៩ រួចក៏នាំគ្នាបន្តដំណើរទៅស្ពានព្រែកតាមាក់។ ពេលជិះទៅដល់ផ្លូវឆ្លងកាត់មុខស្ថានីយប្រេងកាល់តិច ពួកគេក៏បត់ម៉ូតូត្រឡប់ទៅទិសខាងជើងវិញ លុះដល់ចំណុចហួសស្ពានព្រែកតាមាក់ ប្រហែលជា៥០០ម៉ែត្រ ក៏បានឃើញម៉ូតូជនរងគ្រោះចំនួន២គ្រឿង ម៉ាកហុងដា C125 មានគ្នា៤នាក់ ជិះពីត្បូងទៅជើង ពួកគេក៏ជិះវ៉ាម៉ូតូជនរងគ្រោះទៅមុខ បន្ទាប់មកឈ្មោះ ម៉ៅ វិច្ឆិកា ហៅយក្ស ក៏ដកកាំភ្លើ.ងខ្លីភ្ជង់ជនរងគ្រោះតែម្តង ដោយស្រែកគំរា.មឱ្យឈប់ តែជនរងគ្រោះមិនបានឈប់នោះទេ ថែមទាំងជិះបត់ឆ្លងផ្លូវត្រឡប់ទៅក្រោយវិញ។
ជនសង្ស័យសារភាពបន្តទៀតថា ដោយឃើញដូច្នោះ ពួកគេក៏ជិះដេញតាម រហូតមកដល់ចំណុចក្រោមស្ពានព្រែកតាមាក់ ជនរងគ្រោះក៏ជិះចូលគោលដៅសមត្ថកិច្ចដែលយាមនៅទីនោះ ដើម្បីរាយការណ៍ និងឲ្យជួយអន្តរាគមន៍ ចំណែកពួកគេក៏នាំគ្នាជិះម៉ូតូរត់គេចខ្លួនតែម្តងទៅ។
រហូតដល់ថ្ងៃទី១៨ ខែមិថុនា ជនសង្ស័យឈ្មោះ ភឺន វុធឌី ហៅឌីខ្មៅ បានទៅយកកាំភ្លើ.ងខ្លីពីឈ្មោះ ម៉ៅ វិច្ឆិកា ហៅយក្ស ដែលទុកនៅតូបលក់ទូរស័ព្ទមួយកន្លែង ពេលនោះសមត្ថកិច្ចក៏ទទួលបានព័ត៌មានសម្ងាត់ពីប្រជាពលរដ្ឋល្អ ទើបបើកការស្រាវជ្រាវ និងកំណត់មុខសញ្ញា រហូតដល់ថ្ងៃទី២២ ខែមិថុនា កម្លាំងសហការគ្នាក៏បានធ្វើការឃាត់ខ្លួនជនសង្ស័យទាំង៧នាក់នោះតែម្ដងទៅ។ លុះដល់ថ្ងៃទី២៣ ខែមិថុនា ឆ្នាំ២០២៣ ជនសង្ស័យឈ្មោះ ភឺន វុធឌី ហៅឌីខ្មៅ ក៏បានសារភាពប្រាប់សមត្ថកិច្ច និងនាំជនសង្ស័យទៅយកកាំភ្លើ.ងខ្លី១ដើម ដែលបានយកទៅទុកនៅតូបលក់ទូរស័ព្ទនោះ ស្ថិតនៅភូមិពាម ឃុំរកាកោងទី១ ដែលជាមិត្តភក្តិធ្លាប់រៀនជាមួយគ្នាកន្លងមក។
គួរបញ្ជាក់ថា សំណុំរឿងខាងលើនេះ បានស្ថិតនៅអធិការដ្ឋាននគរបាលស្រុកមុខកំពុល ខេត្តកណ្តាល កំពុងតែបន្តនីតិវិធីច្បាប់ហើយ៕
ចែករំលែកព័តមាននេះ