ស្ត្រីមេម៉ាយ និងកូនតូច ត្រូវអគ្គិភ័យ ផ្តា.ច់សង្ខារក្នុងខ្ទម ខណៈមិនទាន់ដឹងពីមូលហេតុ
- ព្រៃវែង
ខេត្តព្រៃវែង ៖ ជារឿងដ៏គួរអោយអាណោចអាធ័មជាទីបំផុត ខណៈស្ត្រីមេម៉ាយម្នាក់ ព្រមទាំងកូន
ខេត្តព្រៃវែង ៖ ជារឿងដ៏គួរអោយអាណោចអាធ័មជាទីបំផុត ខណៈស្ត្រីមេម៉ាយម្នាក់ ព្រមទាំងកូន
ខេត្តព្រៃវែង ៖ ជារឿងដ៏គួរអោយអាណោចអាធ័មជាទីបំផុត ខណៈស្ត្រីមេម៉ាយម្នាក់ ព្រមទាំងកូនប្រុសដែលមានអាយុទើបបាន២ខួប ត្រូវបានអគ្គីភ័យឆាបឆេះ ផ្តាច់យកជីវិតទាំងម្តាយទាំងកូន ខណៈពួកគេកំពុងដេកលង់លក់នៅក្នុងកូនខ្ទមដ៏កំសត់របស់ពួកគាត់ នាវេលាយប់អាធ្រាត្រ។
ហេតុការណ៍គ្រោះអគ្គីភ័យខាងលើនេះ បានកើតឡើងកាលពីវេលាម៉ោង៩និង២០យប់ថ្ងៃទី២៤មិថុនា នៅក្នុងភូមិព្រៃល្វាយ ឃុំទឹកថ្លា ស្រុកស្វាយអន្ទរ ខេត្តព្រៃវែង។
ជនរងគ្រោះក្នុងហេតុការណ៍ខាងលើនេះ ម្នាក់ឈ្មោះ ប៉យ យឹម អាយុ៣៨ឆ្នាំ ជាស្ត្រីមេម៉ាយ និងកូនប្រុសឈ្មោះ ប៉យ ចាន់ អាយុ២ខួប ។ គ្រួសារជនរងគ្រោះរស់នៅក្នុងភូមិឃុំកើតហេតុខាងលើ ។
សមត្ថកិច្ចបានអោយដឹងថា ស្ត្រីរងគ្រោះ និងកូនមានជីវភាពក្រីក្រណាស់ ២នាក់ម្តាយកូនរស់នៅក្នុងកូនខ្ទមស្លឹកតូចមួយ សូម្បីតែភ្លើងអគ្គីសនីប្រើប្រាស់ក៏គ្មានដែរ ហើយមុនកើតហេតុ២ថ្ងៃ ក្រុមការងារទើបតែដាក់សូឡាអោយមួយគ្រឿងដើម្បីបំភ្លឺផ្ទះ រួចក៏ជួបគ្រោះអកុសលបែបនេះតែម្តង ។
សមត្ថកិច្ចបានបញ្ជាក់ថា មុនពេលកើតហេតុ ស្ត្រីរងគ្រោះនិងកូន កំពុងដេកនៅក្នុងផ្ទះ ហើយពេលភ្លើងឆេះ ទំនងជាលង់លក់ខ្លាំងមិនដឹងភ្លើងឆេះ ទើបរត់ចេញមិនរួច ហើយត្រូវភ្លើងឆាបឆេះរហូតស្លា.ប់បាត់បង់ជីវិតនៅក្នុងភ្នក់ភ្លើងបែបនេះតែម្តង។
ទោះជាយ៉ាងណា រហូតមកដល់ពេលនេះ សមត្ថកិច្ចកំពុងចុះស្រាវជ្រាវនៅកន្លែងកើតហេតុ ប៉ុន្តែមិនទាន់អាចបញ្ជាក់បានពីមូលហេតុដែលបណ្តាលអោយកើតមានគ្រោះអគ្គីភ័យនេះនៅឡើយទេ ៕
ចែករំលែកព័តមាននេះ