ខេត្តតាកែវ ៖ ស្របពេលភ្លៀងកំពុងតែធ្លាក់ជាបន្តបន្ទាប់នោះ ក្នុងទីធ្លាផ្សារតាកែវមួយផ្នែកបានលិចលង់ដោយទឹកភ្លៀង បង្កើតឱ្យមានភក់ជ្រាំស្អុយរលួយហៀរចេញពីលូដែលស្ទះធ្វើឱ្យអ្នកដែលចូលទៅក្នុងផ្សារលក់ដូរ ឬទិញម្ហូបអាហារបាននិយាយរិះគន់មេភាស៊ីផ្សារថា មិនបានគិតគូពីការស្តារប្រព័ន្ធលូក្នុងផ្សារឱ្យបានល្អដើម្បីកុំឱ្យទឹកជន់លិចនៅពេលភ្លៀងធ្លាក់នោះទេ គឺគិតតែពីប្រមូលលុយប៉ុណ្ណោះ។
ខេត្តតាកែវ ៖ ស្របពេលភ្លៀងកំពុងតែធ្លាក់ជាបន្តបន្ទាប់នោះ ក្នុងទីធ្លាផ្សារតាកែវមួយផ្នែកបានលិចលង់ដោយទឹកភ្លៀង បង្កើតឱ្យមានភក់ជ្រាំស្អុយរលួយហៀរចេញពីលូដែលស្ទះធ្វើឱ្យអ្នកដែលចូលទៅក្នុងផ្សារលក់ដូរ ឬទិញម្ហូបអាហារបាននិយាយរិះគន់មេភាស៊ីផ្សារថា មិនបានគិតគូពីការស្តារប្រព័ន្ធលូក្នុងផ្សារឱ្យបានល្អដើម្បីកុំឱ្យទឹកជន់លិចនៅពេលភ្លៀងធ្លាក់នោះទេ គឺគិតតែពីប្រមូលលុយប៉ុណ្ណោះ។
ប្រភពព័ត៌មានពីប្រជាពលរដ្ឋដែលរកស៊ីលក់បន្លែក្នុងផ្សារភាគខាងកើតបានឱ្យដឹងថា មួយរយៈពេលមានភ្លៀងធ្លាក់មកនេះនៅកន្លែងលក់បន្លែ ផ្លែឈើ លក់ត្រីគឺពិបាកលក់ណាស់ដោយសារទឹកលិចពាក់កណ្តាលគ្រែ ហើយទឹកស្អុយអសោចិ៍បានហៀរចេញពីប្រព័ន្ធលូអត់ហូរចេញទៅណាទេ ធ្វើឱ្យការលក់ដូរប្រចាំថ្ងៃមិនសូវដាច់ ព្រោះអ្នកទិញគេមិនដើរកាត់ទឹកសំអុយមកទិញនោះទេ ។ ការដែលទឹកជន់លិចបែបនេះមិនដែលឃើញអ្នកប្រមូលភាស៊ីមានវិធានការចាត់កម្មករមកស្តារកាកសំណល់ ឬសំរាមដែលកកស្ទះស្អុយរលួយនោះឡើយ ធ្វើឱ្យស្ទះទឹក។ ស្ថានភាពបែបនេះធ្វើឱ្យមានការប៉ះពាល់ដល់សុខភាពទាំងអ្នកលក់ និងអ្នកដែលមកទិញយ៉ាងធ្ងន់ធ្ងរបំផុត។
ប្រភពដដែលបន្តថា ទោះបីជាទឹកលិចមានទាំងកាកសំណល់ស្អុយអសោចិ៍បែបណាក៏ដោយ ក៏អត់ដែលឃើញអាជ្ញាធរក្រុង ឬមន្ត្រីមន្ទីរបរិស្ថានចុះមកណែនាំដល់មេភាសីុផ្សារតាកែវដែរហាក់ដូចជាទុកឱ្យមេភាស៊ីផ្សារតាកែវនេះធ្វើអ្វីៗស្រេចតែចិត្ត តែបើទារលុយប្រចាំថ្ងៃវិញបើតូបណាមិនបង់ឱ្យ ឬតវ៉ានោះពិតជាត្រូវសមត្ថកិច្ចចាត់ការមិនខាន។
ប្រភពដដែលបានបញ្ជាក់ថា ទន្ទឹមនឹងមិនខ្វល់ពីរឿងកាកសំណល់ស្អុយរលួយពេលភ្លៀងជន់លិចនោះ ផ្លូវជុំវិញផ្សារទាំងអស់ត្រូវមេភាស៊ីផ្សារធ្វើអាជីវកម្មផ្ញើកង់ម៉ូតូក្នុងតម្លៃខ្ពស់ហួសពីសៀវភៅបន្ទុក១ទ្វេជា៣ធ្វើឱ្យស្ទះចរាចរណ៍រាល់ព្រឹកអត់មានអាជ្ញាធរ ឬសមត្ថកិច្ចចុះទៅណែនាំឡើយ។ កាលពីខែមេសា គេសង្កេតឃើញថា រថយន្តក្រុមចំរុះរបស់ក្រុងចុះចាប់អ្នកលក់ដូរនៅតាមចិញ្ចើមថ្នល់មិនប្រណីដៃឡើយ តែបើគេយកផ្លូវនៅជុំវិញផ្សារធ្វើអាជីវកម្មផ្ញើកង់ម៉ូតូរាល់ថ្ងៃនោះ បែរជាមិនហ៊ានចាត់វិធានការទៅវិញ ៕
ចែករំលែកព័តមាននេះ