ខេត្តបាត់ដំបង ៖ ទីបំផុតសំណង់«រីសត» ដែលមហាជនរិះគន់ថា បានធ្វើរំលោ.ភបំពានលើដីចំណីស្ទឹងសង្កែ នៅភូមិបោះពោធិ ឃុំអូរដំបង១ ស្រុកសង្កែ ត្រូវបានម្ចាស់សំណង់ និងរដ្ឋបាលខេត្តយល់ព្រមវា.យកម្ទេចចោលមួយផ្នែកខាងមុខហើយ…
ខេត្តបាត់ដំបង ៖ ទីបំផុតសំណង់«រីសត» ដែលមហាជនរិះគន់ថា បានធ្វើរំលោ.ភបំពានលើដីចំណីស្ទឹងសង្កែ នៅភូមិបោះពោធិ ឃុំអូរដំបង១ ស្រុកសង្កែ ត្រូវបានម្ចាស់សំណង់ និងរដ្ឋបាលខេត្តយល់ព្រមវា.យកម្ទេចចោលមួយផ្នែកខាងមុខហើយ និងតម្រូវឱ្យក្រុមហ៊ុនលោកឧកញ៉ា ទុយ គី ដែលទទួលស្ថាបនាគម្រោងនេះពីម្ចាស់សំណង់កាយដីចេញឱ្យអស់ពីបាតស្ទឹងទៀតផង ។ នេះបើតាមប្រសាសន៍លោក សុខ លូ អភិបាលខេត្តបាត់ដំបង ។
លោក សុខ អភិបាលខេត្តបាត់ដំបង បានដឹកនាំមន្ត្រីជំនាញចុះទៅពិនិត្យលើទីតាំងសំណង់រីសតនោះដោយផ្ទាល់ កាលពីព្រឹកថ្ងៃទី២៤ មិថុនា ក្រោយពីមានការរិះគន់បែកផ្សែងតាមបណ្ដាញសង្គម នាប៉ុន្មានថ្ងៃចុងក្រោយនេះ អំពីរឿងមានការសាងសង់សំណង់រឹងមាំរំលោ.ភលើដីចំណីស្ទឹងសង្កែត្រង់ចំណុចភូមិឃុំខាងលើ តែអាជ្ញាធរធ្វើមិនដឹងមិនឭអំពីរឿងនេះ ។
លោក សុខ លូ ហាក់បានទទួលស្គាល់ថា រឿងនេះពិតជាមានការរិះគន់ខ្លាំងពីមហាជនមែន ។ ជាពិសេសអ្នកលេងបណ្ដាញសង្គម និង ប្រព័ន្ធផ្សព្វផ្សាយមួយចំនួនបានវា.យប្រហារលោកមិនសំចៃឡើយ ពីរឿងសំណង់ខាងលើនេះ ។
លោកអភិបាលខេត្ត ក៏បានមានប្រសាសន៍ ដោយមិនអនុញាតឲ្យថតសំឡេងយ៉ាងដូច្នេះថា «តាមពិត ខ្ញុំមិនបានដឹងពីការសាងសង់សំណង់រីសតនេះទេ ព្រោះគេធ្វើតាំងពីខ្ញុំមិនទាន់មកកាន់ខេត្តបាត់ដំបងម្ល៉េះ ។ ដូច្នេះហើយ ទើបខ្ញុំមិនបានដឹងច្បាស់អំពីរឿងនេះ តែមហាជនបាននិយាយច្រើនណាស់ពីរឿងនេះ»។ ប៉ុន្តែយ៉ាងណា លោក សុខ លូ បានបញ្ជាក់ថា លោកបានឲ្យមន្ត្រីជំនាញគូសវាសជាក់ស្ដែងលើទីតាំងសំណង់តាមបច្ចេស ដើម្បីឲ្យដឹងថា តើសំណង់បេតុងនោះបានសាងសង់រំលោ.ភលើដីចំណីស្ទឹងប៉ុន្មានមែត្រ?
លោក បានទំនាក់ទំនងជាមួយម្ចាស់សំណង់ ដើម្បីត្រួតពិនិត្យជាក់ស្ដែងលើសំណង់នោះ ហើយម្ចាស់សំណង់ក៏បានឯកភាពរួចហើយ ក្នុងការវា.យកម្ទេចសំណង់ដែលប៉ះពាល់លើដីមាត់ស្ទឹង ។
លោក សុខ លូ បានបញ្ជាក់ដែរថា មាន៣ចំណុច ដែលម្ចាស់សំណង់បានយល់ព្រមតាមសំណើរបស់រដ្ឋបាលខេត្ត គឺទី១ ត្រូវកាយអាចម៍ដីឲ្យអស់ពីបាតស្ទឹង ទី២ ត្រូវវាយកម្ទេចចោលសំណង់(វ៉េរ៉ង់ដា)ដែលធ្វើលយចូលមាត់ស្ទឹង និងទី៣ ត្រូវរៀបចំសាងសង់ជើងទេជំរេលច្រាំងស្ទឹងឲ្យរឹងមាំតាមលក្ខណ:បច្ចេកទេស ។ កិច្ចការវា.យបំផ្លាញចោលសំណង់ល្មើសច្បាប់ និងស្ថាបនាច្រាំងស្ទឹងខាងលើនេះ គឺជាបន្ទុករបស់ក្រុមហ៊ុន«ឧកញ៉ា ទុយគី» ដែលទទួលសាងសង់គម្រោងនេះពីម្ចាស់រីសត ។ នេះជាដំណោះស្រាយ ដើម្បីបញ្ចប់បញ្ហារឿង«សំណង់រំលោ.ភលើដីចំណីស្ទឹងសង្កែ»៕
ចែករំលែកព័តមាននេះ