ខេត្តព្រះសីហនុ ៖ នៅថ្ងៃទី២២ ខែមិថុនា ឆ្នាំ២០២៣ ស្នងការដ្ឋាននគរបាលខេត្តព្រព្រះសីហនុ បានធ្វើការបង្ហាញមុខជនសង្ស័យចំនួន១៥នាក់ ក្នុងនោះមានស្ត្រី៦នាក់ ពាក់ព័ន្ធបទល្មើស លួច…
ខេត្តព្រះសីហនុ ៖ នៅថ្ងៃទី២២ ខែមិថុនា ឆ្នាំ២០២៣ ស្នងការដ្ឋាននគរបាលខេត្តព្រព្រះសីហនុ បានធ្វើការបង្ហាញមុខជនសង្ស័យចំនួន១៥នាក់ ក្នុងនោះមានស្ត្រី៦នាក់ ពាក់ព័ន្ធបទល្មើស លួច ឆក់ ប្លន់ និងគាស់ផ្ទះ ដែលសមត្ថកិច្ចខិតខំប្រឹងប្រែងធ្វើការបង្ក្រាបក្នុង១សប្តាហ៍កន្លងមកនេះ ។
បើតាមសមត្ថកិច្ចឲ្យដឹងថា ក្រោយការស៊ើបអង្កេតស្រាវជ្រាវបង្ក្រាបករណីអំពើលួចមានស្ថានទម្ងន់ទោស (ឆក់) កាន់កាប់រក្សាទុកប្រើប្រាស់អាវុធដោយគ្មានច្បាប់អនុញ្ញាត និងរក្សាទុកដោយខុសច្បាប់ នូវសារធាតុញៀន កម្លាំងជំនាញបានឃាត់ខ្លួនជនសង្ស័យជាបន្តបន្ទាប់រហូតដល់១៥ នាក់ ក្នុងនោះមានចំនួន៣ ករណី ៖
ករណីទី១-នៅថ្ងៃទី១៨ មិថុនា ឆ្នាំ២០២៣ វេលាម៉ោង៤ និង៣០នាទីទៀបភ្លឺ កម្លាំងការិយាល័យនគរបាលព្រហ្មទណ្ឌកម្រិតស្រាល បានទទួលបានព័ត៌មានថា មានជនសង្ស័យ២នាក់ បានជិះម៉ូតូ១ គ្រឿង ម៉ាកស្កុបពី ពណ៌ខ្មៅ គ្មានផ្លាកលេខ ធ្វើសកម្មភាព ឆក់កាបូបបុរសជនជាតិចិនម្នាក់ នៅចំណុចកែងផ្លូវលេខ ៥០២ ស្ថិតនៅ ភូមិ៤ សង្កាត់៤ ក្រុង.ខេត្តព្រះសីហនុ ។
បន្ទាប់ពីទទួលបានព័ត៌មាននេះភ្លាម នគរបាលព្រហ្មទណ្ឌកម្រិតស្រាលបានសហការជាមួយកម្លាំងអធិការដ្ឋាននគរបាលក្រុងព្រះសីហនុ ធ្វើការស្រាវជ្រាវយ៉ាងយកចិត្តទុកដាក់ ដោយទទួលបានបទបញ្ជារពីលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ និងក្រោមការសម្របសម្រួលពីលោក ពេញ ពិសិដ្ឋ ព្រះរាជអាជ្ញារង នៃអយ្យការអមសាលាដំបូង ជាលទ្ធនៃការស្រាវជ្រាវសមត្ថកិច្ចបានឃាត់ខ្លួនជនសង្ស័យចំនួន៨នាក់ មានប្រុសមានស្រី ដោយមានការដកហូតវត្ថុតាងដូចជា ៖
.កាបូបស្ពាយកៀបក្លៀក១ ពណ៌ខ្មៅ មានលិខិតឆ្លងដែន១ក្បាល, ប័ណ្ណការងារ១សន្លឹក និងឯកសារមួយចំនួន, កាបូបស្ពាយចំហៀង ម៉ាក GUCCI ពណ៌ប្រផេះ១ , កាបូបស្ពាយចំហៀង ម៉ាក GUCCI ពណ៌ទឹកដោះគោ១, សំបកខេសទូរស័ព្ទ៥, អាវុធខ្លី១ដើម ម៉ាក SIGSAUER ពណ៌ខ្មៅ មានលេខៈ C1YSSPSYS03 22 08061 ,បង់១ មានគ្រាប់១, ម៉ូតូចំនួន៥គ្រឿង , ម្សៅក្រាមពណ៌ស (សង្ស័យជាសារធាតុញៀន)៩កញ្ចប់, ម្សៅពណ៌ស (សង្ស័យជាសារធាតុញៀន)៨កញ្ចប់, ម្សៅពណ៌ សំបកថង់វេចខ្ចប់មានអក្សរ FANTA (សង្ស័យជាសារធាតុញៀន)១០កញ្ចប់ , ជញ្ជីងផ្លឹង១គ្រឿង, ថង់វេចខ្ចប់មួយចំនួនឧបករណ៍ប្រើប្រាស់មួយចំនួន ។
ករណីទី២-នៅថ្ងៃទី២០ ខែមិថុនា ឆ្នាំ២០២៣ មានករណីលួចកាប់.គាស់ដើមច័ន្ទគ្រឹះស្នា របស់អ្នកចាំចំការឈ្មោះ ហ៊ួត ហាន ភេ ទប្រុស អាយុ៤៣ ឆ្នាំ ស្ថិតនៅក្នុងភូមិចំការកៅស៊ូ ឃុំជើង គោ ស្រុកព្រៃនប់ ខេត្តព្រះ សី ហនុ ។ សមត្តកិច្ចក៏បានធ្វើការឃាត់ខ្លួនជនសង្ស័យម្នាក់ឈ្មោះ មាឃ វណ្ណី ភេទប្រុស អាយុ២៧ ឆ្នាំ ចំណែកបក្ខពួក២នាក់ទៀតរត់គេចខ្លួនបាត់ ។ វត្ថុតាងចាប់យកមាន ៖ គល់ខ្លឹមចន្ទគ្រឹះស្នាចំនួន ៥ គល់ និងសាច់ដើមខ្លឹមច័ន្ទមួយចំនួន កាំបិតលៀម១ ដើម រណាកាត់ឈើ២ ។
ករណីទី៣-នៅថ្ងៃទី២១ ខែមិថុនា ឆ្នាំ២០២៣ កម្លាំងជំនាញនៃការិយាល័យនគរបាលព្រហ្មទណ្ឌកម្រិតធ្ងន់ បានទទួលដំណឹងពីប្រជាពលរដ្ឋថា បានឃើញជនសង្ស័យ១ ក្រុម កំពុងធ្វើសកម្ម ភាពលួចកាត់ខ្សែភ្លើងដើម្បីយកស្ពាន់លក់ នៅផ្ទះមួយកន្លែង ស្ថិតក្នុងក្រុម៣៣ ភូមិ៥ សង្កាត់៤ ក្រុង.ខេត្តព្រះសីហនុ ។ បន្ទាប់ពីទទួលបានព័ត៌មានភ្លាម សមត្ថកិច្ចបានចុះដល់ ដោយបាននាំខ្លួនជនសង្ស័យចំនួន៦ នាក់ និងដកវត្ថុតាងមួយចំនួន ។
ជនសង្ស័យចំនួន៦នាក់ ៖ ១-ឈ្មោះ លុញ សីហា ហៅអួក ភេទប្រុស ជនជាតិខ្មែរ មុខរបរមិនពិតប្រាកដ មានទីលំនៅស្ថិតក្នុងភូមិ៥ សង្កាត់៤ ក្រុង-ខេត្តព្រះសីហនុ ។ ២-ឈ្មោះ លុញ ចន្ថា ហៅ មុន ភេទប្រុស អាយុ១៨ ឆ្នាំ មុខរបរកម្មករអេតចាយ មានទីលំនៅស្ថិតក្នុងភូមិ៥ សង្កាត់៤ ក្រុង.ខេត្តព្រះសីហនុ (កូនម្ចាស់ផ្ទះ ទីតាំងទិញខ្សែភ្លើង) ។ ៣-ឈ្មោះ អេង តាយ ភេទប្រុស អាយុ២៩ឆ្នាំ មុខរបរ រើសអេត ចាយ មានទីលំនៅស្ថិតក្នុងភូមិ៥ សង្កាត់៤ ក្រុង.ខេត្តព្រះសីហនុ ។
៤-ឈ្មោះ សន លីហួរ ភេទប្រុស អាយុ២៣ឆ្នាំ មុខរបរកម្មករអេតចាយ មានទីលំនៅស្ថិតក្នុងភូមិ៥ សង្កាត់៤ ក្រុង.ខេត្តព្រះសីហនុ ។៥.ឈ្មោះ អុន ជីវៀន ភេទប្រុស អាយុ២៥ ឆ្នាំ មុខរបររើសអេតចាយ មានទីលំនៅស្ថិតក្នុងភូមិ៥ សង្កាត់៤ ក្រុង.ខេត្តព្រះសីហនុ ។ ៦.ឈ្មោះ កែវ ដារ៉ូ ហៅ អូន ភេទប្រុស អាយុ២១ ឆ្នាំ មុខរបរ ទិញអេតចាយ មានទីលំនៅម្តុំអូរ៣ ស្ថិតក្នុងសង្កាត់៤ ក្រុង.ខេត្តព្រះសីហនុ ។
ដកហូតវត្ថុតាងរួមមាន ៖ ១-កន្ត្រៃកាត់ខ្សែភ្លើង១ ២-កូនកាំបិតសម្រាប់ចិតខ្សែភ្លើង យកស្ពាន់ ចំនួន២។៣-កាំបិតប៉័ងតោដងដែក១ ៤-ឧបករណ៍សម្រាប់គៀបខ្សែភ្លើងសក យកស្ពាន់១ ៥-ដំបងដែក ចំនួន២ ៦.ស្ពាន់ និងសំបកខ្សែភ្លើង ដែលត្រូវបានសករួច មួយចំនួន ។ ជនសង្ស័យទាំង១៥ នាក់ និងវត្ថុតាងកំពង់ឃាត់ខ្លួននៅស្នងការដ្ឋាននគរបាលខេត្តព្រះសីហនុ ដើម្បីសាកសួរ និងបន្តនីតិវិធី ៕
ចែករំលែកព័តមាននេះ