ខេត្តកំពង់ឆ្នាំង ៖ អ្នកបើកបររថយន្តម្នាក់រថយន្តមួយគ្រឿង និងអេស្កាវ៉ាទ័រមួយគ្រឿងត្រូវបានសមត្ថកិច្ចចម្រុះចាប់ឃាត់បញ្ជូនមកកាន់មន្ទីរកសិកម្មរុក្ខាប្រមាញ់ និងនេសាទ ខេត្តកំពង់ឆ្នាំង ខណៈដែលពួកគេបានជីកកាយដីតំបន់២ ធ្វើជាស្រះ និងលើកជាដីទួលជាប់នឹងខ្ទមអ្នកតា ដែលជាទីសក្ការបូជារបស់ប្រជាពលរដ្ឋគ្មានច្បាប់។…
ខេត្តកំពង់ឆ្នាំង ៖ អ្នកបើកបររថយន្តម្នាក់រថយន្តមួយគ្រឿង និងអេស្កាវ៉ាទ័រមួយគ្រឿងត្រូវបានសមត្ថកិច្ចចម្រុះចាប់ឃាត់បញ្ជូនមកកាន់មន្ទីរកសិកម្មរុក្ខាប្រមាញ់ និងនេសាទ ខេត្តកំពង់ឆ្នាំង ខណៈដែលពួកគេបានជីកកាយដីតំបន់២ ធ្វើជាស្រះ និងលើកជាដីទួលជាប់នឹងខ្ទមអ្នកតា ដែលជាទីសក្ការបូជារបស់ប្រជាពលរដ្ឋគ្មានច្បាប់។ កិច្ចប្រតិបត្តិការបង្ក្រាបករណីខាងលើនេះ បានធ្វើឡើងនៅព្រឹកថ្ងៃទី២២ មិថុនា ឆ្នាំ២០២៣ នៅចំណុចខ្ទមអ្នកតា ក្នុងភូមិកំពង់រាំង ឃុំស្វាយជ្រុំស្រុករលាប្អៀរ ។
លោក លី ឡា នាយខណ្ឌរដ្ឋបាលជលផលកំពង់ឆ្នាំងបានឲ្យដឹងថា ករណីជីកកាយដីតំបន់២ ធ្វើជាស្រះ និងលើកជាដីទួលនៅចំណុចខាងលើនេះ គឺជាទង្វើខុសច្បាប់ និងគ្មានច្បាប់អនុញ្ញាត ។ ដីតំបន់២នៅចំណុចខាងលើនេះមានទំហំ១០០ម៉ែត្រគុណនឹង៥០ម៉ែត្រ ដែលត្រូវគេជីកធ្វើជាស្រះជម្រៅមួយម៉ែត្រកន្លះ និងហើយលើកជាទួល ចេតិយនិងម៉ុងរសពរបស់លោក ទុំសារី ជាប្រជាពលរដ្ឋរស់នៅក្នុងភូមិកំពង់រាំង ឃុំស្វាយជ្រុំ ស្រុករលាបៀរ។
តាមការអះអាងរបស់ស្ត្រីម្នាក់ជាកូនស្រីរបស់លោកទុំសារីបានឲ្យដឹងថា គាត់បានទិញពីគេដែលមានឯកសារភូមិឃុំត្រឹមត្រូវ ហើយការជីកស្រះលើកដីធ្វើជាទួលចេតីយ៍ និងម៉ុងសពនេះ ជាប់នឹងខ្ទមអ្នកតាដែលជាទីសក្ការៈពីបុរាណ គឺម្ចាស់គ្រឿងចក្រឈ្មោះស៊ុយ ជាអ្នកធានាអះអាងរត់ច្បាប់សម្រាប់ការជីករស្រះនិងលើកជាដីចូលនេះ។
ដោយឡែក អ្នកបើកបររថយន្តដឹកគ្រឿងចក្រម្នាក់ និងអ្នកបើកបរអេស្កាវ៉ាទ័រម្នាក់ បានបើករត់គេចពីចំណុចខាងលើនេះ ទោះបីសមត្ថកិច្ចឃាត់ក៏មិនស្តាប់ ។ មិនតែប៉ុណ្ណោះ អ្នកបើកបរអេស្កាវ៉ាទ័រនោះ ពេលសមត្ថកិច្ចបើករថយន្តតាមពីក្រោយស៊ីផ្លេឲ្យឈប់ គេបែរជាចង់យកប្រមោយអេស្កាវ៉ាទ័រវាយរថយន្តសមត្ថកិច្ចទៀតផង ។
ករណីនេះ ក្រោយពីសមត្ថកិច្ចនគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តកំពង់ឆ្នាំង បានឆ្លងយោបល់លោកឯក ស៊ុនរស្មី ព្រះរាជអាជ្ញាអមសាលាដំបូងខេត្តកំពង់ឆ្នាំង បានបញ្ជាឲ្យឃាត់ខ្លួនអ្នកបើកបររថយន្ត ។ ចំណែកអ្នកបើកបរអេស្កាវ៉ាទ័រដែលរត់គេចខ្លួនបាត់នោះ និងបញ្ជូនរថយន្តនិងអេស្កាវ៉ាទ័រមកទុកនៅមន្ទីរកសិកម្មរុក្ខាប្រមាញ់និងនេសាទខេត្តកសាងសំណុំរឿងតាមនីតិវិធី ។
លោកព្រះរាជអាជ្ញា ក៏បានបញ្ជារឱ្យសមត្ថកិច្ចតាម ស្រាវជ្រាវអត្តសញ្ញាណ និងតាមចាប់ខ្លួនដល់ផ្ទះបញ្ជូ នមកតុលាការ។ ពីព្រោះទង្វើខាងលើនេះគឺជាការប្រឆាំ ងនីតិវិធីរបស់សមត្ថកិច្ច។
ដោយឡែក ករណីឈូសឆាយដីតំបន់២ ជីកស្រះនិងលើកធ្វើជាដីទួល ខុសច្បាប់នៅចំណុចខាងលើនេះ លោកព្រះរាជអាជ្ញា ក៏បានបញ្ជារឲ្យលោកលីឡា នាយខណ្ឌរដ្ឋបាលជលផលកំពង់ឆ្នាំងស្រាវជ្រាវការកាន់កាប់ដីធ្លី និងកសាងសំណុំរឿងប ញ្ជូនមកកា ន់អយ្យការតុលាការខេត្តកំពង់ឆ្នាំងផងដែរ ៕
ចែករំលែកព័តមាននេះ