រាជធានីភ្នំពេញ ៖ បញ្ហាការដាក់អ្នកសង្កេតការណ៍ឥណ្ឌូណេស៊ីនៅតំបន់ជម្លោះព្រំដែនកម្ពុជា-ថៃ បានជាប់គាំងជាថ្មីទៀតហើយ ដោយសារថៃ នៅតែប្រកាន់ជំហរឱ្យកម្ពុជាដកកងទ័ពចេញពីទឹកដី ៤,៦គីឡូម៉ែត្រក្រឡា ជាថ្នូរនឹងការយល់ព្រមទទួលយកអ្នកសង្កេតការណ៍ឥណ្ឌូណេស៊ីនោះ ។ សំណើររបស់ថៃក្នុងការស្នើឱ្យកម្ពុជាដកកងទ័ពចេញពីទឹកដីដែលថៃខ្លួនឯងបានអះអាងថា…
រាជធានីភ្នំពេញ ៖ បញ្ហាការដាក់អ្នកសង្កេតការណ៍ឥណ្ឌូណេស៊ីនៅតំបន់ជម្លោះព្រំដែនកម្ពុជា-ថៃ បានជាប់គាំងជាថ្មីទៀតហើយ ដោយសារថៃ នៅតែប្រកាន់ជំហរឱ្យកម្ពុជាដកកងទ័ពចេញពីទឹកដី ៤,៦គីឡូម៉ែត្រក្រឡា ជាថ្នូរនឹងការយល់ព្រមទទួលយកអ្នកសង្កេតការណ៍ឥណ្ឌូណេស៊ីនោះ ។ សំណើររបស់ថៃក្នុងការស្នើឱ្យកម្ពុជាដកកងទ័ពចេញពីទឹកដីដែលថៃខ្លួនឯងបានអះអាងថា ជាតំបន់៤,៦ គីឡូម៉ែត្រក្រឡា ត្រូវបានលោកកាស៊ីត ភីរម្យ រដ្ឋមន្រ្តីការបរទេសថៃលោកឡើងក្នុងជំនួបក្រៅផ្លូវការដាច់ដោយឡែកពីគ្នាជាមួយលោក ម៉ាទី ណាតាឡេហ្កាវ៉ា រដ្ឋមន្រ្តីការបរទេសឥណ្ឌូណេស៊ីកាលពីថ្ងៃសុក្រ ម្សិលមិញនេះក្នុងទីក្រុងហ្សាកាតា មុនពេលការបើកកិច្ចប្រជុំកំពូលអាស៊ានដែលប្រារព្ធនៅព្រឹកថ្ងៃទី០៧ ឧសភា ២០១១ ។ គួរបញ្ជាក់ថា សំណើរបស់ថ្ងៃនេះ ត្រូវបានរដ្ឋមន្រ្តីការបរទេសកម្ពុជា លោកឧបនាយករដ្ឋមន្រ្តី ហោ ណាំហុង បានច្រានចោលភ្លាមៗ នៅក្នុងជំនួបជាមួយរដ្ឋមន្រ្តីការបរទេសឥណ្ឌូណេស៊ី ។ នៅក្នុងបទសម្ភាសន៍ក្រោយពីបទកិច្ចប្រជុំ លោកហោ ណាំហុង បានបញ្ជាក់ថា លោកបានប្រាប់អង្គប្រជុំអាស៊ានថា យើងមិនអាចដកទាហានរបស់យើងចេញពីទឹកដីរបស់យើងបានទេ។ លោកប្រមុខការទូតកម្ពុជាបន្តថា ការដែលថៃដាក់លក្ខខណ្ឌដែលកម្ពុជាមិនអាចទទួលយកបានគឺជា ចេតនារបស់ថៃ ដែលចង់ច្រានចោលមិនចង់ឱ្យមានអ្នកសង្កេតការណ៍ឥណ្ឌូណេស៊ីនៅព្រំដែនកម្ពុជា-ថៃ ៕
ចែករំលែកព័តមាននេះ