រាជធានីភ្នំពេញ ៖ យោងតាមសេចក្តីជូនដំណឹងរបស់ការិយាល័យសហចៅក្រមស៊ើបអង្កេតសាលាក្តីខ្មែរក្រហម កាលពីថ្ងៃទី២៩ មេសា ២០១១ ឱ្យដឹងថា ការស៊ើបអង្កេតរបស់សហចៅក្រមលោកយូ ប៊ុនឡេង និងលោកចៅក្រមស៊ីគហ្វ្រីដ ប៊្លុង (Siegfried Blunk) ទៅលើសំណុំរឿង០០៣ របស់មេដឹកនាំខ្មែរក្រហមត្រូវបានបញ្ចប់ហើយ
រាជធានីភ្នំពេញ ៖ យោងតាមសេចក្តីជូនដំណឹងរបស់ការិយាល័យសហចៅក្រមស៊ើបអង្កេតសាលាក្តីខ្មែរក្រហម កាលពីថ្ងៃទី២៩ មេសា ២០១១ ឱ្យដឹងថា ការស៊ើបអង្កេតរបស់សហចៅក្រមលោកយូ ប៊ុនឡេង និងលោកចៅក្រមស៊ីគហ្វ្រីដ ប៊្លុង (Siegfried Blunk) ទៅលើសំណុំរឿង០០៣ របស់មេដឹកនាំខ្មែរក្រហមត្រូវបានបញ្ចប់ហើយ។
លោកយូ ប៊ុនឡុង បានសរសេរថា យើងយូ ប៊ុនឡេង និងលោកស៊ីគហ្វ្រីដ ប៊្លុង សហចៅក្រមស៊ើបអង្កេតនៃអង្គជំនុំជម្រះវិសាមញ្ញក្នុងតុលាការកម្ពុជាហៅសាលាក្តីខ្មែរក្រហមបានឱ្យដឹងថា សហចៅក្រមស៊ើបសួរចាត់ទុកថា កិច្ចស៊ើបសួរត្រូវបានបញ្ចប់សព្វគ្រប់ហើយ ។ ទោះបីជាយ៉ាងនេះ មន្ត្រីសាលាក្តីខ្មែរក្រហមមិនបានបញ្ជាក់ថា មានជនជាប់សង្ស័យចំនួនប៉ុន្មាននាក់នោះទេ ដែលជាប់ពាក់ព័ន្ធនៅក្នុងសំណុំរឿង០០៣នេះ។ លោកឌឹម សុវណ្ណារុំ អ្នកនាំពាក្យសាលាក្តីខ្មែរក្រហមបានថ្លែងថា លោកជាប់រវល់មិនអាចធ្វើអត្ថាធិប្បាយបានទេ ៕
ចែករំលែកព័តមាននេះ