អង្គការអូតង់ថ្លែងកាលពីថ្ងៃទី៥ ឧសភា ថាខ្លួនបានធ្វើឱ្យមានការរីកចម្រើននានានៅលីប៊ី ក៏ប៉ុន្តែនៅតែពិបាកក្នុងការវាយប្រហារឱ្យត្រូវចំកងទ័ពរបស់លោកមូអាម៉ា កាដាហ្វី ។
ឧត្តមសេនីយ៍អ៊ីតាលី GIAMPAOLO DI PAOLA ប្រធានគណៈកម្មាធិការយោធារបស់អូតង់ក្នុងសន្និសីទកាសែតមួយឯទីស្នាក់ការអូតង់ថ្លែងថា ការលំបាកទាំងឡាយគឺបែបនេះ ក៏ប៉ុន្តែយើងបានធ្វើឱ្យកងទ័ពរបស់លោកកាដាហ្វីចុះខ្សោយជាបន្តបន្ទាប់។
ឧត្តមនាវី DI PAOLA ថ្លែងថា អូតង់ជួបការលំបាកក្នុងការទម្លាក់គ្រាប់បែកលើកងកម្លាំងលោកកាដាហ្វី ដែលបន្តបាញ់ប្រហារលើពួកឧទ្ទាម បន្ទាប់ពីដកថយចេញពីជាយក្រុងមីស្ត្រាតា ជាទីក្រុងស្ថិតក្នុងកណ្តាប់ដៃពួកឧទ្ទាមស្ថិតនៅជិតទីក្រុងទ្រីប៉ូលី ។ លោកបានបដិសេធមិនធ្វើការព្យាករណ៍ថា តើបេសកកម្មរបស់អូតង់នៅលីប៊ីមានរយៈពេលយូរប៉ុណ្ណោះឡើយ ។ អ្វីដែលខ្ញុំអាចនិយាយគឺថា ប្រទេសទាំង២៨ជាសមាជិកអូតង់អះអាងថា នឹងបន្តរហូតដល់បង្កើតបានលក្ខខណ្ឌសម្រាប់លោកកាដាហ្វី ចាកចេញពីអំណាច ។ វាស្ថិតនៅលើលោកកាដាហ្វី ធ្វើការសម្រេចចិត្ត។
ចំណែកឯប្រទេសបារាំងវិញ បានចាប់បណ្តាញអ្នកការទូតលីប៊ី១៤នាក់ ចេញពីប្រទេសរបស់ខ្លួនដោយចាត់ទុកពួកគេថា ជាមនុស្សពុំបានការ ។ នេះបើតាមសេចក្តីថ្លែងការណ៍មួយចេញផ្សាយកាលពីព្រឹកថ្ងៃទី៦ ឧសភា ដោយក្រសួងការបរទេសបារាំង ។ អ្នកនាំពាក្យក្រសួងការបរទេសបារាំងគូសបញ្ជាក់ថា អ្នកទាំងនេះមានពេលពី២៤ទៅ៤៨ម៉ោង ដើម្បីចាកចេញពីប្រទេសបារាំង ៕
ចែករំលែកព័តមាននេះ