នាយករដ្ឋមន្ត្រីប៉ាគីស្ថានអះអាងថា ភ្នាក់ងារស៊ើបការណ៍របស់ប្រទេសលោក ពុំបានដឹងពីកន្លែងលាក់ខ្លួនរបស់អូសាម៉ា ប៊ីនឡាដេន ហើយពុំបានលេងល្បែងដៃ២ឡើយ ។
ពេលទៅបំពេញទស្សនកិច្ចនៅទីក្រុងប៉ារីស នាយករដ្ឋមន្ត្រីប៉ាគីស្ថានលោកយូស៊ូហ្វ ហ្ស៊ីឡានី បានជួបធ្វើសំភាសន៍មួយជាមួយកាសែតបារាំង LE FIGARO ។ កាសែតនេះបានសួរលោកថា កាលពីខែតុលា ឆ្នាំ២០០៩ រដ្ឋមន្ត្រីមហាផ្ទៃរបស់លោកគឺលោក
នាយករដ្ឋមន្ត្រីប៉ាគីស្ថានអះអាងថា ភ្នាក់ងារស៊ើបការណ៍របស់ប្រទេសលោក ពុំបានដឹងពីកន្លែងលាក់ខ្លួនរបស់អូសាម៉ា ប៊ីនឡាដេន ហើយពុំបានលេងល្បែងដៃ២ឡើយ ។
ពេលទៅបំពេញទស្សនកិច្ចនៅទីក្រុងប៉ារីស នាយករដ្ឋមន្ត្រីប៉ាគីស្ថានលោកយូស៊ូហ្វ ហ្ស៊ីឡានី បានជួបធ្វើសំភាសន៍មួយជាមួយកាសែតបារាំង LE FIGARO ។ កាសែតនេះបានសួរលោកថា កាលពីខែតុលា ឆ្នាំ២០០៩ រដ្ឋមន្ត្រីមហាផ្ទៃរបស់លោកគឺលោក REHMAN MALIK ពេលទទួលគណៈប្រតិភូអាមេរិកមួយបានថ្លែងថា អូសាម៉ា ប៊ីនឡាដេន ពិតជាមិនស្ថិតនៅក្នុងប្រទេសប៉ាគីស្ថានឡើយ តែប្រហែលជានៅក្នុងប្រទេសអ៊ីរ៉ង់ ឬអាហ្វហ្គានីស្ថាន ។ តើលោកឆ្លើយបែបណាដែរ ពេលដែលភេរវកររូបនេះ បែរជារស់នៅក្បែរទីក្រុងមួយដែលមានបន្ទាយយោធាប៉ាគីស្ថានទៅវិញ?
ចំពោះសំណួរនេះ លោកហ្ស៊ីឡានីឆ្លើយថា លោក MALIK បាននិយាយជាពិសេសថា អាជ្ញាធរប៉ាគីស្ថានពុំបានដឹងថា តើប៊ីនឡាដេន ស្ថិតនៅទីណាឡើយដូចគ្នានឹងបណ្តាភ្នាក់ងារស៊ើបការណ៍ពិភពលោកទាំងមូលដែរ ។
ចំពោះសំណួរថា តើមានកិច្ចសហប្រតិបត្តិការដែរ រវាងប៉ាគីស្ថាន និងសហរដ្ឋអាេមរិក ក្នុងការតាមរកប៊ីនឡាដេន? នាយករដ្ឋមន្ត្រីប៉ាគីស្ថានឆ្លើយថា ក្នុងការតស៊ូប្រឆាំងភេរវកម្មមានកិច្ចសហប្រតិបត្តិការគ្នាយ៉ាងខ្លាំងរវាង CIA និងភ្នាក់ងារស៊ើបការណ៍ប៉ាគីស្ថាន ISI ។ រឿងនេះ ពុំមែនតែខ្ញុំម្នាក់ឯងទេ ដែលបាននិយាយ ទោះបីជាលោកប្រធានាធិបតីបារ៉ាក់ អូបាម៉ា អនុប្រធានាធិបតីលោកប៊ីដេន និងរដ្ឋមន្ត្រីការបរទេសអាមេរិកលោកស្រីហ៊ីលឡារី គ្លីនតុន ក៏និយាយដែរ ៕
ចែករំលែកព័តមាននេះ